مشكووووووووووره حبيبتي بوادي امريكا ...................بس سؤال الله يعافيك يمكن هو سؤال غبي شوي الــــ Community college هل هي معهد او كليه او وشو با الضبط ..................وكيف شهادتها هل هي معترف فيها با السعوديه ؟؟؟

اختي التوفل تدخلين موقعهم وتسجلين موعد الاختبار وتدفعين اون لاين ولما يجي الموعد تروحين بالمكان الي محددينه تختبرين

اجلي موضوع الاختبار ووين وكيف القاه شوي خليك الحين بتقويه الانجليزي والدراسه .. شوفي كورسات انجليزي تكون قويه مو الخرابيط الي تسولف المدرسه وتطلع
وكورس التوفل تراه عباره عن كورس يعلمك ايش هو الاختبار وكيف طريقه الاسئله يعني مايدرسك انجليزي .. الي يدخل هالنوع من الكورسات يكون خلاص دارس وفاهم الانجليزي لكن يبي يعرف على ايش يركز بالاختبار ووين الدرجات الاعلى تروح الخ الخ

----------

المعاهد الي تعطي كريديت .. اي دبلوم بتدرسينه بجامعه معتمده المفروض عليه كرديت .. ولازم تسئلين لما تسجلين هل هالكورس عليه كرديت ويتعادل بالجامعه؟
وين تلقينها على حسب انتي وين رايحه دوري بالمدينه الي بتروحين لها وقوقيل مايقصر واسئلي البنات الي بنفس مدينتك

-----------------
انا ماعندي بيبيز لسى
بس ماشاءالله تبارك الرحمن اشوف بنات كثير عندهم اثنين وثلاثه ويدرسون وماشيه امورهم ..
بالنسبه لكم في امريكا ان شاءالله مافي زحمه ويتنق احنا الي يذبحنا بمنطقتنا ان الطفل ممكن يوصل عمره سنه ونص وسنتين وهو ماجاه الدوره
غير ان عيالك يعتبرون بعمر سهل دخوله الديكير مو زي الي بالشهور هذا بالنسبه للديكيرز

اما انك تطمئنين عليهم .. بما انها ديكير مرخص فاكيد انهم يخافون على سمعتهم ومايبون شي يصير يتسبب باقفال الحضانه فراح يكونون مهتمين وحريصين
وانتي كمان حاولي تشوفين كذا مكان وايهم ارتحتي له واستخيري قبل لاتسجلينهم

موضوع انك تدرسين ومعاك اطفال ماهو سهل لكن ماهو مستحيل .. يبيله تنظيم
اشوف البنات الي معاي مع اننا كلنا ماكان عندنا بيبيز .. بالويك اند تطبخ كميه كبيره وتوزعها بعلب بلاستك وبالفريزر
وانتي طبعا ببدايه الكورس اول يوم بيعطونك ورقه فيها جدول الماده متى الاختبارات وتسليم الابحاث وعن ايش كل بحث يتكلم

فهالشي يسهلك عمليه التنظيم تعرفين متى الزحمه بتجي

والحضانات ان شاءالله بتلقين اوقاتهم تناسب وقت معهدك .. المعاهد اذا فول تايم كلها الصباح والحضانات نفس الشي وحاولي تدورين على حضانه يكون وقتها اطول علشان يصير عنك وقت زياده تخلصين فيه اشياء قبل لايرجعون البيت

ووحده من البنات اتذكر كانت تدرس من الظهر الى المغرب فالصباح تصحى بدري مره مع عيالها الي يروح المدرسه والي يروح الحضانه وترتب البيت وتسوي الاكل ويجي وقت دوامها تروح واذا رجعت يكونون عيالها وزوجها بالبيت راجعين قبلها بساعتين وماكلين وخالصين
بس تحط المواعين بغساله الصحون وتسبحهم وتنومهم وبعدين تقول افضى لنفسي وواجباتي ولزوجي

يعني هي تنظيم وقت وشويه تعاون من الطرف الاخر وفي بنات شفتهم وماشاءالله تبارك الرحمن ماضرهم ازواجهم يقولون لهم تبون تدرسون ادرسو بس لا البيت ولا العيال ينقص عليهم شي وانا ماعلى من اي شي
وهي فوق راسها العيال وتعبهم توديتهم وجيبتهم واكلهم والمقاضي وتسديد الفواتير الخ الخ الخ الخ يعني زززززحمه ومع كذا ماشاءالله تبارك الرحمن ربي يوفقهم ويسعدهم ويسخرلهم خلقه قدرو
صح تعب وتشوفينهم اشكالهم مره تعبانه ومرهقه بس خلصو ودرسو والحين مرتاحين ومن الطفش يقولون ياريت هذيك الايام ترجع

احس اني حكيت كثير بس ابي ابينلك ان حسب كل وحده وظروفها ومهما كانت الظروف صعبه اذا انتي من جواتك بغيتي هالشي بتقدرين عليه
وفي ناس شفتهم بعيني كان متوفر لهم كل شي بموضوع الدراسه والتعاون من الجامعه وصديقات وازواج الخ الخ وماكملو دراسه لانهم هم من جواتهم مو هذا الشي الي كانو متهتمين فيه يبون طلعات وتمشيه ومطاعم وسفرات وجمعات وانا ما اقول الي سووه غلط لان كل شخص له توجهه بهالحياه الي يختلف عن الثاني لكن مو كل الناس جايه علشان الدراسه فلاتخلينهم يهبطون من عزيمتك ويجرونك معاهم مدامك انتي تبين الدراسه

وربي يعينا انا من غير بيبيز ودراسه خرابيط كان البيت يجلس بالاسابيع مغبر والملابس مكومه خخخخخخ بس الناس قدرات
<<<<<<<<<<< تصرف نفسها بالناس قدرات ههههههه

ادعيلي تكفييين ربي يسهل امورنا بالدراسه ويوفقنا ويسخرلنا خلقه والله تعبت وطلعت روحي من هالموضوع ادعلنا بظهر الغيب وباذن الله الملائكه بتدعيلك بمثلها :)

وربي انك عسل يا ( ناس با ها الدنيا ) تسلميييييييييييييييييييييييييييين يارب يسهل امرك ويسعدك يارب وينولك مرادك اسعدتيني ربي يسعد قلبك