كثير من البنات سآلوني كيف اسوي لثمتي
ابقولكم من البدايه قصتي مع الحجاب
اولا ايام دراسه البكالوريوس بالجامعه
كانت اختلاط بحكم ان المحاضرين كلهم رجال ماعدا وحده هنديه
وانا كان شعري طوييييييل لنص الفخذ
ولا اتحمل ادخله تحت اللاب كوت يجيب لي حكه خخخخخ
فقررت اني البس الخمار
اللي هو زي اللي يلبسونه الاخوات المصريات
كان وضعي ميه الميه ايام الدراسه
بس لمن بديت العملي حسيته صعب بالمره التعامل مع المرضي والملفات والافلام...الخ
فصرت البس حجاب عريض نوعا ما ونقاب وعشان كذا مافكرت ابد بالخمار
وطبعا قرار اني ادرس بالغربه مع التزامي بغطاء الوجه كان قرار شخصي بحت
وعلي هالاساس بدت رحلتي البحث عن دوله ماعندها مشاكل مع الاسلام خصوصا والحجاب الشرعي الكامل خاصتن
فاخترت استراليا بعد الاستخاره والمشاوره
وانا بالسعوديه قعدت افكر كيف اتحجب
فقررت اني البس ملون
قلت بيكون اخف لهم
وفصلت عبي ملونه
وتنددددددددمت الصراحه يوم جيت اني ماجبت معاي ولا عبايه سودا
السبب باجتنابي العبايات الملونه هو ببساطه
1- لان الملون يبقع وبسرعه..واذا حاولتي تنظفين البقعه تحسينها تكبر فتنجبرين تغسلين العبايه علي طول
2-انا البس كل يوم عبايه ولا اكررها بدون غسل
فكنت مفصله لي مجموعه وللاسف القماش الملون مو زي قماش العبي ..وكرهته لانه يبيله كوي
بينما العبايه السودا من ادخلها الدراير تطلع لي زي الحلاوه ولاتحتاج كوي ابد
3-الملون مو عملي من ناحيه الحجابات والوانه ..بالتالي مو اي لون ينلبس مع اي عباه وهالشي اللي اعجبني بالعبايه السودا.اي لوووووووووووون يطلع سمبتيكه
فقررت البس عبايه سودا
نصييييييييييحه مهمه
اللي بتفصل عبي للغربه...اختاري الموديل حق العبايه كالتالي:
اتركي بالله عنتس الفراشه مدري الطياره مدري المغربيه..اختاري الموديل عااااااااادي تماما لانك بتصيرين باتمان بعبايات الموضه
وفصلي لها ابه (قبه) عاليه عشان تحبس شوشتس ماتطلع من ورا وهي اللي بتثبت لك الحجاب ليوووووم كامل
الكم خليه ابو مطاط او زي الثوب الرجالي اللي ماسك واحرصي انه ينفتح عشان الوضوء وميزه الحركه ذي ان ذراعك مايطلع باذن الله
وفصلي الكم له قصه احسه اركز ع الجسم والشنطه
المشكله الثانيه كانت كيف الف الحجاب وماعندي نقاب
وانا ماحب نقابات السعوديه اللي ترص حب الشباب بالجبهه ولا المطاط
جو استراليا حااااااااااااااار جدا صيفا صاقع الشمس ظهرا
فتخيليني وانا حازمتن نقابي علي جبهتي ..الا بتصير حفلات
فاستفدت من حجابات السوريات اللي تجي سااااااده ويجي منها كذا موديل
اما قطعه صغيره بس للراس والرقبه تتهوي<<وماجازت لي لسبب اذكره لاحقا
او تجي تغطي الراس والرقبه بس تكون طويله تغطي الصدر<<برضو مااعجبتني لان الهدف كان عندي انها تستر الحواجب ومايطلع شعري من ورا
فاخذت القطعه الاصغر اللي تغطي الراس مع الرقبه بس وادخلها تحت العبايه وفوقها الف الحجاب
الحجابات اخذ انواع خامتها تجي شيفونات ثقيله
او حراير
او ستانات
ما اخذ اللي نوعيتها تسوي وبر لانها حسست بخشمي وصرت تقل مدمنه بس احك خشيمي خخخ
نبدا
استاذنت زوجي اسدح صوره عيوني وقال لي لا قلت بالله تعالي شف وانا مغطيتها كني مجرمه حرب خخخخخخ يوم شافها قال يالله الله يعينا علي عالم حوا <<مصدق اني بسمع رايه خخخخ
المهم
اول خطوه:
تلبسين القطعه الساده اللي تحت وهذي شكلها
وهنا الوان مركبتها مع الحجابات
وفوقها الف حجابي عادي بس اخلي الحجاب يبدا بعد تقريبا اصبعين من جهة الجبهة
اذا نزلته اكثر احس حجابي ينحاس ولا ينلف مضبوط
فافضل مسافه لو كانت اكثر من 7 سم
ولفيه عادي واذا وصل للجهة المعاكسه اللي بديت منها
اثبته ببنسه او مشبك االي يجي اسود
كذا
واقوم امسك الطرف واسفطه بحيث يكون طبقتين (عشان مايشف) ومنها عشان لمن ادخل الطرف تحت البنسه يصير ماتبين البنسه
كذا
بعد مااسفطه اسحبه للجهة الثانيه بحيث تكونين متلثمه واثبته ببروش
كذا
ومن هنا اذا بغيت اشرب او اكل مرررررررره سهل من تحت البروش ادخل يدي وابد ماسكتن لحيتي
<<<لايفوتكم هذي الصوره اللي وريتها زوجي وانفجع ياقلبي خخخخخخخخخ
وهذا اللوك النهائي....يمديكم بس ع التعبير.
×××××××××××××××××
تم تعديل الصور
الإشراف
الحجابات اللي تحتاج كوي مرتبتها بالدرج (ع اليسار) هي والقطع الداخليه (ع اليمين)
كذا
واللي ماتحتاج كوي زي الشيفونات الثقيله معلقتها عند التسريحه بتعليقه من ايكيا
وابدن سلامتكم
وان شاء الله كل شي واضح
شكلك مالقيتي احد تطبقي عليه
المهم القطعه الي تحت القطن ماتحر احس الجو هنا صعب
طيب لو سويت نفس الطريقه على البندانه ماتنفع ؟؟
لان الصراحه الثمه العاديه كتمتني