لكل منقطعه عن الدراسه وحابه تكمل

هلا اختي

انا منقطعه عن الدراسه اربع سنين وبعدين كملت من ثالث متوسط منازل والحمدلله نجحت بثالث وبأولى ثانوي واللحين الحمدلله ثاني ثانوي

واختي انقطعت 9 سنين واللحين تكمل ثانوي الحمدلله نجحت باأولى ثانوي وثاني ماكملتها العام وان شاء الله تكملهآ هالسنه والحمدلله امورها ماشيه تمام

المناهج مطوره اللحين بسسس أسهل من أول والنت اللحين مليان ملخصات والحمدلله هنا البنات مره متعاونات اي شي صعب عليك تقدري تسأليهم

..

واذا حابه تكملي هالسنه روحي الرئاسه وجيبي معاك كرت العايله ونسخ منه واخر شهاده لك او استبيان من مدرستك او اذا كنتي بتنقلين لمدرسه غير الي كنتي فيها قبل الانقطاع خذي ملفك معاك بعدها هم بالرئاسه بييسون لك دراسه حاله يعني بسس يسألونك ليه انقطعتي عن الدراسه وكذا وبعدها تاخذين ورقة قبول
وتروحين للمدرسه الي تبين تدرسين فيهآ وتدرسين فيها منازل واللحين كثير منقطعات وكملوا يعني بتلاقي معاك بنات منقطعات وتجلسين معاهم بالاختبارات وتساعدون بعض ..
وبنات المنازل مايحتكون ببنات النظام ممنوع فالحمدلله الجو مريح لاتترددي توكلي على الله اذا حابه تكملي ..

ونفس الشي لو تبي تدخلي اهليه لازم تروحي الرئاسه وتاخذي ورقة قبول او حتى لو تبي تروحين مدرسة الكبيرات انتظام

وبالتوفيييق يآآرب

وانا منقطعه عن الدراسة ٤سنين بكمل الثانوي السنة هذي ان شاء الله وطبعا انقطعت عن الدراسة بسبب الزواج وأمس أرسلت أمي سحبت ملفي والسبت ان شاء الله بروح اسجل منازل وحمد لله زوجي مدرس بيشرح لي ويفهمني

أنا درست بالكلية سنة ونص عام 1422 هجري
انقطعت بسبب الزواج وانتقالي لمدينة ثانية وكان صعب نقولي وحملت وتكاسلت

بعد هالعمر ودي اكمل الجامعة طبعا محد راح يقبلني الا التعليم عن بعد ...منقطعة 11سنة تقريبا ..

كل اللي حولي يشجعوني الا زوجي ..حتى عيالي يقولون ليش ياماما ماتشتغلين


ان شاء الله احاول اسجل الترم الثاني

وعليكم السلام


انا كمان انقطعت عن الدراسه يمكن 8 او 9 سنين بسبب الزواج طبعاً,, من ثاني متوسط

ولي سنتين رجعت اخذت ثالت متوسط و اول ثانوي ,,

والحين ثاني ثانوي,,


اذا انتي لك رغبة ولك هدف تسعين وراه راح تكمليين بأذن الله

انتي بس توكلي على ربك وهو بيسهل لك ان شاء الله,,

اتمنى لك التوفيق,,

ماشاء الله عليكم يابنات انا انقطعت بسبب الزواج ثم فكرت ارجع درست اول ثانوي قبل ثمان سنوات منازل ورسبت وتركتها ثم افكر اسجل السنه هذي من جديد بس خايفه من المناهج المطوره سؤالي كيف نجحتو منازل يابنات وخاصه الرياضيات كيف تفهمونها وخاصه ﻷللي مايقدر يروح للمدرسه الا نادر اتحفونا باأفكاركم وتشجيعكم والله يسهل كل امر