مساء الخير
اتعجب من بعض الحريم بصراحه اللي تتعلق بالدكتور وبالطب وتنسى اللي خلقها وتنسى اللي وصانا به الرسول عليه السلام
والله انهم يكسرون خاطري يحرام اقول في نفسي يالله وش قد ضيعتي على نفسك اشياء
تلقونها يحرام تدفع عند ذا المستشفيات بالألف وعند الممرخه بالميات وعند العطارين وووووووو
لكن تعالي قولي لها تصدقي ب10 ريال بتقولك لا
قولي لها اقري سوره البقره فهي بركه بتقولك عجزانه وهي اكل ومرعى وقله صنعاء
قولي لها عليك بالحجامه وصانا بها الرسول بتقولك توجع وهي تبطح عند الدكاتره ينغزون فيها لين تصير زرقاء
يعني سبحان الله تركتي كل شي وتعلقتي بالطب والله والله لو رب كاتب لك حمل وفيك امراض الدنيا انك بتحملين
ولو انك سليمه وربي ماكتب لك ماراح تحملين
عشان كيذا ياحلوين ادعي دايما وقولي يارب ارزقني من عندك ولا تحوجني لطب ودكاتره
وتذكري لايغير الله مابقوم حتى يغيروا ما بأنفسهم
والله الله بالأستغفار والصدقه
والشي الاهم واللي انا كتبت الموضوع عشانه هوووووو
كفاله اليتيم ماراح اكثر كلام بس ادخلي قوقل واقري القصص
واتوقع 100 ريال ياحريم ماتنقص منكم شي
اغلبكم يصرفها في ابو ريالين ولا بطاقات شحن ولا بقاله
100 ريال بالشهر ماراح تكسر ظهرك وتعدم ميزانيتك بالعكس بتشوفين الخير بأذن الله
يمكن اغلبكم مايدري عن ذا الشي عشان كيذا انا كتبت الموضوع هذا
روحي اقرب فرع لهيئه الأغاثه الاسلاميه بمنطقتكم وادفعي 100 ريال واكفلي يتيم وانعمي بالسعاده
وعلى نياتكم ترزقووووووووووووووووووون
دعواتكم
واللهم بلغت
دبدوبه زوجها @dbdobh_zogha
عضوة جديدة
يلزم عليك تسجيل الدخول أولًا لكتابة تعليق.
لاتـيـه
•
كلامك سليم
والله مااافيه مثل اللجوء لرب العالمين وحده
وطلبه أن لايحوجك لغير وجه
يغنيك عن كل شئ
والله يرزق الجميييع
والله مااافيه مثل اللجوء لرب العالمين وحده
وطلبه أن لايحوجك لغير وجه
يغنيك عن كل شئ
والله يرزق الجميييع
الصفحة الأخيرة
وربي انك صادقه مافيه احسن من الاستغفار والصدقه.
وانا مجربه ولله الحمد والمنه وبكل الامور مو بس الحمل.