شذى اللافندر :

البرنامج بينقسم إلى زيت و حناء وماسك ترطيب و شي تقدرين تسمينه تونيك الأغراض المطلوبة من الصيدلية أو محلات التجميل مكتوبة حمامات الزيت تحت من العطار : حناء يمنية أصلية غيرها بتجفف شعرك وسدر يمني وكيلو زيت خروع من المعصرة وكيلو زيت نارجيل من المعصرة وجديد حتى مايكون فيه ريحة << أختك كروه ماتواطن الريحة الشينة بتجيبين زيت سمسم من المعصرة حلو ترطيبه على راحتك ماتبغين مو ضروري طريقة الزيت : اخلطي الزيتين مع بعض وإذا سخن الزيت وقبل مايقدح طفي عنه وإذا برد حطيه في علبه بلاستيك بداخل كيس حتى إذا صبتي منه مايحوس عليك وببلاستيك حتى لو طاح منك ماتنكسر العلبة وتخسرين الزيت مرة وحده في الأسبوع دلكي فروة شعرك فيه وادهني شعرك خصلة خصلة و ومسيها وأنتي تزيتينها فايدة الخروع يفرد الشعر ويكثره والنارجيل يرطب ويطول لفي شعرك وخليه ٣ ساعات وبعدين غسليه بالشامبو طريقة الشامبو تخففينه بالموية بعدين توزعينه على شعرك بعد ماتبللينه بالمويه وممكن تكررين العملية لو مانظف زين بعدها حطي حمام زيت خلطة نور الهدى أحلى شي جربته وأنا زدت عليه بوناويل القمح (٢ ملعقة حمام فاشكول بالحليب والعسل وجيبي الإيطالي اللبناني ماينفع ٢ ملعقة حمام زيت فاتيكا تغذية مكثفة بالخروع وأشياء ثانية ١ ملعقة حمام زيت من غارنيه للشعر الخشن وصعب التمليس يمكن اسمه كذا خطير مايخلي شعرك ينفش مع الرطوبة ١ ملعقة من حمام زيت بوناويل بالقمح محتاجينه في البداية ضروري لأن شعرك معدوم وإذا استصح تقدرين تستغنين عنه) المجموعة هذي بنفس النسب تخلطينها وبعد ماتخلصين من الشامبو تجففين شعرك بالفوطة وهو مندي توزعينه على شعرك خصلة خصلة لكن لا توصلينه للفروة إذا أنتي مستعجلة خليه بوقت ماتصنفرين جسمك وتحطين الشاور جل وإذا ما وراك شي البسي كيس وخليه من ساعة إلى ساعتين وبعدين إغسليه بالموية فقط ولا تصيرين مثل وحده جلست حابسة روحها في الحمام ساعتين لا تقدرين بعد ماتغسلين جسمك تطلعين وتغسلين شعرك بعد ساعتين كذا واضح طريقة الزيت وغسله وحمام الزيت الماسك : نفس اللي كتبته لأختي كلي حلا ومرة بالأسبوع يبقى التونيك وطريقة الحناء هذي في رد ثاني لأني تعبت من الكتابة جالسة أكتب حرف حرف وأحب إذا أعطيت العلم أعطيه حقه من التفصيل حتى تنتفع به اللي طلبته شكراً لأختي كلي حلا ... كلك حلا وذوق الله يحلي أيامك

البرنامج بينقسم إلى زيت و حناء وماسك ترطيب و شي تقدرين تسمينه تونيك الأغراض المطلوبة من...