ماشالله شكل خلطاتكم للحنا خطيره

طيب انا قبل يومين استخدمت حنا اسود (امير) ويا ليتني ما استخدمته
شعري صار خشن ومايتمشط من عظم الخشونه
ويتساقط بشكل مو طبيعي

تنصحوني استخدم الحنا بطريقتكم فوقه؟؟
ولا بيصير اسوأ؟

و مشكوووره ع الموضوع حبيبتي .. كلما استفدنا من الردود :)

أعتذر لأني تأخرت عليك فروحة بأطلب منك طلبين قبل الطريقة

- أوعديني كل مافتحتي شعرك وشفتي التحسن تقولين

ماشاء الله لاقوة إلا بالله ماشاء الله تبارك الله

ولا تفتحينه عند أحد إلا تكونين محصنة نفسك قبل حتى لو عند أخوانك

- الطلب الثاني لا تبخلين بالطريقة على أي أحد يطلبها منك

طريقة الحناء لفرد الشعر بطريقة طبيعية :

تحتاجين تجيبين كيلو باميا وتقطعينه شرايح رفيعة وتنشفينه في مكان بعيد عن الشمس وبعيد عن الحرارة مثل الفرن

بعد مايجف تدقينه بالهاون وإذا نعم شوي اطحنيه بالطاحونة لين يصير ناعم مرة وانخليه بعد الطحن

طريقة العجن : هذي الطريقة خاصة بفرد الشعر يعني ماتخص اللون والتساقط والقشرة وتغذية الشعر

الهدف منها تكون الشعرة مفرودة بدون طعجات أو كسر أو تموجات كتبتها بكل المصطلحات

يعتمد عدد ملاعق الحناء على طول شعرك وكثافته

إذا كان يكفي شعرك 4 ملاعق حناء تضيفين لها 3 ملاعق باميا مطحونة

وتعجنينه بمغلي البابونج أو الشاي أو قهوة عربية أو تركية أو موية حارة وتتركينه يختمر مع بعض 3 ساعات

تحتاجين لأحد يساعدك في توزيع الحناء وتحتاجين مفرش بلاستيك حق السفرة الخفيف

شعرك يكون مغسول قبل بيوم ومايكون فيه زيت لأن هذي الخلطة للفرد مو للتغذية

مشطي شعرك وقسميه خصل صغيرة وزعي الحناء على الشعر خصلة خصلة

مع ملاحظة بعد ماتحط لك الحناء تمس الشعر حتى ينفرد نفس طريقة الفرد وبدون ماتوصل الحناء للفروة

بتقولين ليه مانوصلها للفروة أنا استخدمتها بهالطريقة وبأعطيك طريقتي بالضبط

بعد ماتوزعين الحناء على الشعر بيكون الشعر منفرد على ظهرك

اقسميه قسمين ولفيه طاقيه وحطي كيس بلاستيك عليه حتى ماينشف الحناء بسرعة

وافتحي فتحات صغيرة في الكيس من فوق حتى مايصدع رأسك واتركيه 6 ساعات

طريقة الغسل : مثل ماقلت لأختي كلي حلا فوق

عدد مرات الإستخدام : مرتين في الشهر يعني كل اسبوعين إلا في وقت الشتاء نوقفها

مهوب زين الحناء في الشتاء وخاصة في المربعانية


طريقة التونيك : تحتاجين لقهوة عربية فقط ملعقة كبيرة قهوة عربية مع 2 كأس موية

واتركيها بعد ماتغلي على نار هادية لمدة 20 دقيقة وبعدين صفيها

بتقولين أخذ موية القهوة اللي يسوونها في البيت

أقول لك إذا ماتضيفون لها إضافات ثانية ممكن تاخذين منها قبل مايحطون فيها هيل وزعفران

تجيبين المشط أبو وجهين وجه عريض الفتحات و وجه صغير الفتحات

تغمسين المشط في الزبدية اللي فيها موية القهوة وتمشطين شعرك خصلة خصلة مجرد تبللين الشعر لكن ماتغرقينه

تلفينه دوامه أو طاقية و حطي كيس بلاستيك أول 3 ساعات وبعدين شيليه وبعدها براحتك متى ماغسلتي شعرك

فايدته يشيل التقصف ويفرد الشعر وينعمه ويعطي لون حلو مع الإستمرار

كيف يكون البرنامج للعناية بمشاكل شعرك

يوم في الإسبوع ماسك التغذية وترطيب الشعر نفس اللي كتبته فوق لأختنا كلي حلا
بعدها راحة
يوم في الإسبوع حناء البامية
زيت الخروع مع زيت جوز الهند
بعدها راحة
تونيك القهوة

الإسبوع اللي وراه نفس الشي
ماسك التغذية وترطيب الشعر
راحة
بدل الحناء نستخدم الماسك ونضيف له 2 ملعقة سدر حتى يساعد في فرد الشعر
زيت
راحة
تونيك القهوة

تمشين على نفس الجدول وإذا ماغيرتي فيه شي الوعد بعد 6 شهور تكتبين النتيجة

شذى

اسال الله رب العرش العظيم ان يحقق امانيك ويسخر لك الطيبين من خلقه ويجعل لك بكل حرف كتبتيه حسنه
اسال الله رب العرش العظيم ان يشرح صدرك ويفرح قلبك ويسعدك قد السماء

ابشري راح اذكر ربي وبعد ماراح انسااك من دعواتي طول العمر

وان شاء الله راح استمر عليه وابلغك بهالموضوع



طيب ي الغاليه ي ليت تقولين لي المقادير بالضبط ؟



قصدك اضيف السدر مع ماسك التغذية وترطيب الشعر

و حمام زيت خلطة نور الهدى >>احطه بعد ما اغسل شعري من زيت النارجيل والخروع ولا اخليه بيوم بحاله؟وكم مره بالاسبوع ؟

وبغيت اعرف وش تنصحيني بـالشامبو المناسب لشعري ؟

وانا افكر اشري حبوب بي المركب وحبوب حمض الفوليك عشان تساعد شعري اكثر وش تنصحيني ؟

وان شاء الله راح ابدء بتاريخ 1/4

وانا متفائله وكلي امل

يابعد قلبي ماسويت شي و لك بالمثل من كل دعوة دعيتيها لي

ماسك التغذية والترطيب هذي خلطة أخت هنا اسمها عيون سعد الله يوفقها ويسعدها

الحين بقول لكم الخلطة هي عبارة عن:

زبادي ( أنا أحط 4 ملاعق ، طبعا على حسب الشعر )

قطعة زبدة ( الحجم الصغير اللي يجيك في كرتون )

م ك مايونيز
م ك خميرة فورية
شوية خل
و أحيان أحط بيضة

وهذا رابط موضوعها

http://forum.hawaaworld.com/showthread.php?t=1046158

والله ينفع به والسدر تضيفين ملعقتين على الخلطة في يومه المحدد

وحمام الزيت خلطة نور الهدى الله يوفقها ويسعدها أول شهر بعد كل مرة تغسلين شعرك

وبعد الشهر وإذا تعدل شعرك وترطب يصير بعد الزيت وبعد ماسك السدر

وشامبو الشعر على ماتعود عليه شعرك لأنك لو بتغيرينه بهالفترة بيتساقط شعرك

الأدوية ما أقدر أفتيك لأني مو طبيبة فإعذريني

أخيتي ليش تأجلين إبدي بالعناية من اليوم عندك القهوة تقدرين تسوينه

قولي آمين الله يرزقك شعر يسرك ويسر الناظرين ويحفظه من عيون الحاسدين من خلق الله المسلطين

من الجن والإنس والشياطين

ماقصرتي شذى ربي يسعدك ويسهل لك كل امورك

فروحه ~ اعطينا نتائجك اول بأول والله يرزقك بأحلى شعر