لكل من استخدمت اوباجي او تعرف ناس جربووه .. دخلوا ..

شوفي حبيبتي ..

أنا عالجت عندهم وكملت كورس العلاج كامل حتى سويت التقشير الازرق .. هذا كله قبل عرسي ولو بترجعين لمواضيعي الجديمة بتلقين كاتبة عن تجربتي وكان وايد بنات ينصحوني اتركهم لان بشرتي بترجع مثل ما كانت .. بس ما اهتميت وكملت العلاج واصريت اتابع علشان اطلع حلوة يوم عرسي :D

المهم عاد عقب العلاج شو البشرة عاد ما اقول كل شي راح بس فرق كبير عن اول .. والصراحة الدكتور نصحني ما اترك العلاج واكمل عقب العرس اللي هو برنامج الصيانة ويكون اخف عن البرنامج الاولي ...

عاد انا علشان ظروفي .. لاني ساكنة في العين وصعب كل ما اتخلص الكريمات اروح بوظبي اشتري .. وبعدين لاني وقفت فترة فخفت ارجع اكمل وتبدا بشرتي تتقشر جدام ريلي عاد ما فينا عل الفضايح :)

بالمختصر المفيد انا ما كملت برنامج الصيانة واللي هو لازم تستمرين عليه للابد
علشان جيه رجعت بشرتي مثل اول ويا خسارة الفلوس اللي دفعتها .. يعني مب اخس عن اول لا .. رجعت مثل ما هي تقريباً ..
وبس

إذا بتقدرين تتابعين برنامج الصيانة معاهم .. وحالتج المادية اوكيه .. كملي

يسلموا حبيبتي على الرد والله يعطيك العافيه ..
بس عندي كم سؤال .. وماعندي الا انتي اللي رديتي عليي الله يخليك لي يارب ..
كم اخذتي فتره العلاج .. انا قالت لي 3 شهور بس ..
وبعدين ماراح احتاج شي .. خصوصا انو بشرتي مافيها شي يعني عندي حبوب شباب تروح وتجي وعندي شويه بثور ومسماات بوجي بس مو و اضحه مره ولما احط الميك اب مايبين شي ..

يعني الحين انا باول اسبوع والوجه متقشرر . ومحمر .. طبعا هاذا 6 اسابيع الاولى بعدين راح يخف .. على كلامهم ..

طيب قولي لي انتي كم اخذتي الفتره معاهم .؟؟ وهل بعد ماخلصتي كانت النتايج واااااو
يعني بشرتك تغيرت بشكل كبير او لا .؟؟ وهل بشرتك كانت .. مره رايحه فيها ولا نص نص .؟؟
وايش هو التقشير الازرق .؟؟

عندي سؤال مهم هل فتح لك مسامات بوجهك او لأ


اتمنى انك تتحمليني .. وتردي على كل سؤال سألتك اياه الله يخليك يارب ويعطيك الصحه والعافيه ...
تحياتي

آسفة الغالية تأخرت عليج والله الحين اشوف الموضوع .. انا عادة اكتب وما ارد اتابع مشاركاتي ..

شوفي انا كملت عندهم تقريباً ثلاث شهور .. كل شهر كان يعطيني الدكتور برنامج غير .. وكميات تخلتف عن الشهر اللي قبله .. عاد لين آخر شي كان موعد العملية .. تقريبا ًتهيأت بشرتي للتقشير الأزرق .. وهو مادة تحرق الويه لونه اخضر مزرق وتكونين ذيك الساعة تحت التخدير .. عاد بتشوفين الرعب على اصوله لما تناظرين ويهج في المرايا .. لون اخضر والوجه متورم من الحرارة .. خلال اسبوع بتبدأ هذي الطبقة تتقشر وتطيح وتطلع البشرة الجديدة ..
انا يا الغالية كان عندي مسامات .. وآثار حبوب وهالات .. ولون غير موحد .. كله راح بس اللي بقى المسامات .. قال الدكتور احتاج عملية مرة ثانية علشان تخف المسامات اكثر .. بس عاد كان عرسي قرب ومستحيل اسويها عقب العرس .. فوقفت كل شي خاصة ان ادويتهم ما شي منها غير في بوظبي وانا من العين بعدين تخلص بسرعة .. غير انها غالية .. علشان جيه وقفت العلاج وما كملت كورس الصيانة .. والحمدلله على كل شي ..