بنات انا الان عمر ولدي 3 سنوات و3 شهور وللان استخدم حبوب مرفيلون
بس خايفة اوقفها واحمل مدري كم مدة المناعة لاني ما ابي احمل على طووول
ودي انتظر شهرين وش رايكم اوقفها او لا

وعليكم السلام والرحمه

هلا بك .... انا عمر ولدي سنه وسبع شهور وحابه احمل مرة ثانية "ان شاء الله يا رب:) "
بس بعد ما ربيت حطيت لولب عشان امنع الحمل والمفرض انه يظل لمدة سنتين ونص ولكنه سقط عني خلال فترة الدورة بعد ثلاثة اشهر تقريبا من وضعها وكان ينزل لي دم وااايد وكنت احس بآلام قبل لا ينزل مني هاللولب.... المهم رحت لدكتورة ثانية وقلت لها باللي صار وقالت لي ما في داعي تحطيت اللولب لأنه اصلا عندي تكيس بالمبايض وهو سبب كافي لتاخر الحمل ووصفت لي حبوب Diane 35 عشان تنظم لي الدورة وفي نفس الوقت راح يقلل من التكيسات مع العلم بانه مانع للحمل ويوم قلت للدكتورة انه مانع للحمل واخاف انه يؤثر علي قالت لي انه الغرض منه هو التحكم بالتكيسات مب المنع، استعملت هالحبوب لاربع او خمس اشهر وبعدين قطعتها لأني مليت منها.... صار لي الان ست اشهر من قطعت هالحبوب وما صار لي حمل واخاف انه مايصير لي بسبب هالحبوب ............. افيدوني الله يعطيكم العافية

صراحه بنات خوفتوني ..
عندي طفلي عمره سنة وتسع شهور , واستخدم مانع حبوب ياسمين وكنت افكر اتركها الشهر هذا ع اساس اذا تم ولدي سنتين أكون بإذن الله حامل .. بس الحين والله خفت لتكون مأثره علي ولا شيء .. الله يرزقنا الذرية الصالحه المعافاه في الخِلق والخُلق .. آمين

انا اخذت حبوب مانع لمدة سنتين وثمان شهور بولدي والحين تاركتهن لي سبع سنوات والى الأن ماحملت والحمدلله سليمه بس ماادري وش السبب وولدي عمره الحين 9 سنوات الله يحفظه ويخليه لي لكن اللي عرفت من المشايخ ان فيني مس بارحامي ونفس قويه عشان كذا ماحملت الله يشفيني ويشفي جميع المسلمين والمسلمات ويرزقنا جميعا باذرية الصالحه

انا ضد استخدام حبوب وابر منع الحمل..
اولا سمعنا قصص كثيرة.. ليش ما نعتبر..؟ ولا نشوف احالة انها تجينا؟؟؟
هذي كلها كيماويات أثر في هرموناتنا وتكيبتنا يعني بالتأكيد راح يكون فيه اثر..

احسن شي هو العزل .. و طريقة العد.. وانج على طول تغتسلين

والله اليوم سمعت قصة وحده نعرفها.. من سبع سنوات استخدمت ابر منع الحمل.. الدورة انقطعت عنها.. تروح السمشتفى عشان تنزلها.. وللحين متخربطة دورتها..
اصغر اطفالها 7 سنوات.. حاولت الانجاب بس ما قدرت !! وللحين تتعااااااااااااااااااااااااااالج
انتبهوا خواتي..كوني على طبيعتج وابعدي عن الابر والحبوب