يارب يامنان يابديع السموات والارض لا اله الا انت الحي القيوم لا اله الا انت ذو الجلال والاكرام اشفي اختنا مما اصابها وفرج همها ونفس كربها اللهم اشفها شفاء من عندك , وارزقها بالزوج الصالح الذي تقر به عينها وتسكن اليه نفسها , والهمها الصبر على بلواها واعظم لها الاجر
امين امين امين

يارب يشافيج ويرد كيد الشيطان في نحره

اختي اذا خسرتي زوج لا تخسري الجنه

زوجك ليس رفيق دربك بالجنه فالله سيعوضك ان شاء الله بزوج من الجنه لا يعصب علك لا ياتيك لمصلحه

كم مضى من العمر وكم سياتي ؟؟ رحلتنا قصيره


اصبري

أختي العزيزة الصبر مفتاح الفرج
لي ثماني سنوات وانا أعاني من العين والحسد لدرجة كرهت كل شئ في حياتي ، لكن الحمدلله لي أهلي وزوجي وبناتي وصديقاتي معاي دايما في السراء والضراء ، ولا تفكرين وايد بس تمي على الاذكار والرقية ، جربت وايد مشايخ لين ماتعبت ، وحالتي في تدهور معاهم ، لكن لما أعتمد على نفسي وحصن نفسي وبيتي وزوجي وبناتي ، أرتاح ويخف ولحد الحين وانا فيني عين وحسد ، ولما أحس بيأس ، ما أقول إلا ( لا إله إلا الله ولا أشرك بك أحدا ) أو أقول ( الله الله لا أشرك بك أحد ) وكل يوم وكل ماصلي أتعب لدرجة إني أصلي الحين وانا قاعدة ، لكن ما أوقف صلتي مهما كانوا قوتهم ، ربي أقوى منهم ، وإذا خفيت أذكري ربي العالمين قدر ماتقدرين وبتروح عنك الخوف ، بالنسبة لي كنت أشوف أشياء في البيت واسمع أصوات ودايما صوت في راسي إنت كافرة ، إنتي ربنا غاضب منكي وكنت أصيح واستغفر ربي العالمين واتم على الرقية ، وسورة البقرة ، ولما أمسك المصحف ، ماأحس بعمري إلا إنه أريد أدوس القران ، ولما أحس بهذا الشئ أمسك المصحف بالقوة وأقول ياحي ياقيوم برحمتك أستغيث أقول قدر ما أقدر لين ما أحس ببرودة في جسمي والخوف تروح مني واحط المصحف ، ودايما في شجار مع زوجي ، والحين كل يوم أحس إني بموت ، من أكون سعيدة أو قاعدة بروحي الصبح ، ما أقدر أتنفس وقلبي ينبض بسرعة وشئ يضغط في راسي ، لما أقراء الفاتحة يخف كل شئ ، ولحد الحين انا تعبانه لكني متوكلة على ربي العالمين وان شاء الله برتاح من هذة الوسواس ، والاشياء إلي أشوفها ومن الخوف ومن العين والحسد ، اسأل الله العظيم رب العرش العظيم أن يشفيك ويشفي كل مريض من أمة محمد عليه الصلاة والسلام

امين امين جزاكم الله خير

اختي استمري علي قراءة البقرة واستغفري دائمة وروحي لشيخ يقري عليج والله يشافيج