لكل من انتظر خبر ولادتي

الحمد لله على تمام النعمه واكتمال المنه
رزقت (بصالح)
ولله الحمد من قبل ومن بعد


ولدت الاربعاء بتاريخ 18/4

بطلق صناعي بس متعب شوي وهو بكري الله يخليه لي

ويرزق كل محرومه يارب كما رزقني بطفلي


قصة ولادتي


تم تحديد يوم الاربعاء موعد للطلق الصناعي بشكل مبكر عن موعد ولادتي المتوقعه بسبب

تسقيطي ولادتي مبكرا بالشهر السادس بسبب عنق الرحم عندي ضعيف وتم الربط في الرابع وفكه في بداية السادس


المهم


دخلت الاربعاء الصبح الساعه ثمان ونص غرفة الولاده وبدو ياخذون تحليل الله يكرمكم البول وتحليل الدم


وسوت فحص داخلي وكان مفتوح 2 سم وعطتني تحميله للطلق :icon33:وتبدأ الطلوق بس على الخفيف



واتحملته بس طول شوي على بدا يفتح واحد واحد ويالليل ماطولك زوجي :arb:من الصبح وهو ملازمني واخذ

اجازه عشاني الله لايحرمني منه وججت الساعه ثلاث العصر وهو مره فيه النوم رحمته قلت رح نم لاني شكلي


مطوله قال طيب واذا صار سي علمني قلت طيب راح ويبدا الطلق يزيد وجت الدكتوره تفحص طلع 3 سم وانا ناويه اخذ


ابرة الظهر وتجي دكتوره ثانيه سودانيه تقول لازم زوجك يجي يوقع على انه موافق تاخذين ابرة الظهر قلت انا اوقع وزوجي


قالت لا هذي سياسة المستشفى لان في ازواج كثير سوو لنا مشاكل بسببها وادق على زوجي واقوله تعال مامده


يوصل للبيت ويصلي الا ويرجع للمستشفى وان ماغير اترجاهم يعطوني الابره رافضين مع ان الدكتوره كاتبته في


ملفي لكن للاسف جو سوت كشف داخلي وفتح الرحم مشاءالله لاقوة الا بالله تسعه بعد ان فكوا موية الجنين


بعده بربع ساعه حسيت ودي الله يكرمكم اتبرز جو بسرعه سسترات ودكتوره مصريه وانا مادري وش السالفه


:44:وضاعت علي ابرة الظهر واءءءء الحمد لله ربي كان معي ماطلع لي صوت وقت الولاده مشاء الله لاقوة الا بالله

ياله لك الحمد بس الخياطه هي الي متعبتني مره الله يعظم اجر امهاتنا ويطول باعمارهم :27:

:04:بس الراحه كلها لما شفت ولدي صالح يالله انك تحفظه لي ولابوه ماتتصورون قد ايش كان فرحان :arb:

فيه


وختاما اسئل الله ان يرزق كل محرومه بالذريه الصالحه الي تملي عليها حياتها :39:


هههههه كتبت قصة حياتي

في حفظ الله