الله يجزاك خير ويطمن قلبك
الحمد لله انا محتسبه كل شي عند ربي وهو قادر يفرحني فيه

اللي زادني اني بعد بغربه بامريكا وكنت قبلها ثلاله اسابيع منومه بالمستشفى وعيالي عند صديقتي فرحت بطلعتي لهم ولكن تركت قلبي معلق مع ولدي بالحضانه
لاقدر اروح لاهلي ولاحد يقدر يجيني ونفسيتي يارب لك الحمد

طمنتيني حقيقي ربي يحفظلك بنتك ويبلغك فيها
وزن صغيري 550جرام ربي يحميه

ولدت ولدي بالسابع ربي يصلحه ويحفظه ويشفي وليدك ويطلع لك بالسلامه



مريت بتجربه لو اكتب من الحين لبكره ماوصفت احساسي ربي يثيبني ويثيبك ويرزقنا الدرجات العليا بالجنه

انتي اولا ادعي الله انه يثبت فؤادك ويكتب لوليدك اللي فيه خير وصلاح له ولك وتفائلي انه الله سبحانه خلقه وجابه لحكمه بهالوقت ومهما كانت رأفتك فيه ورحمتك عليه الله سبحانه ارحم مننا فيهم وهو اعلم مننا سبحانه مالنا غير الدعاء لهم ولانفسنا بالثبات والسكينه

وبااذن الله تبشرينا بسلامته وياكريم تمر الايام وتكون ذكريات وتشوفينه رجال
ويالله ياكريم يجعلهم حفظه لكتابه وائمه مساجد

الله يخليه لك ويشفيه وتفرحي بشوفته
حبيبتي انا مريت بنفس تجربتك وكان بكري وزنه 700 جرام تخيلي وانا عمري17 سنه يعني بزر وكنت بالغربه والله شعوري ما اقدر اوصفه لك احساس بالعجز وقله الحيله لااملك سوا الدعاء والبكاء ومن الله سبحانه على ولاان هو امام عيني عمره 15 سنه ادعو الله له ولااخوته بالهدايه اختي الحبيبه وكلي امرك لله وايقني انه سيكتب لك الخير اينما وجد تقبلي مرورى

الله يجزاكم خير
ماقصرتوا خواتي ارتحت من كلامكم
انا ثقتي بربي كبييره ومتأكده ان ربي اللي حفظه ١٦ يوم مع الطلق والنزيف
قادر انه يحفظه لي لين يكبر ويكمل مدته
الغربه كسرتني لكن الله يجبر خاطري ويكتب لي مافيه خير



الله يباركلكم في عيالكم ويرزقكم برهم ويفرج همومكم

سجلت دخول عشانك ياقلبي
وكلي امرك لله رب العالمين واستودعيه الله واكثري من الدعاء

انا نفس حالتك

سافرت بعثه الى امريكا في اول شهر ٨ هجري وفي ١٥ اغسطس الموافق برضو ١٥ رمضان
وكنت مجهده نفسي تعرفين اول وصول لنا بامريكا كنا نقطع مسافات طويله مشي ماكنا نعرف للمترو باص ولا المترو ترين حتى نظام التكاسي عندهم وكنا نبحث عن شقق للاجار مشي هههههه وكنت اداوم من المعهد للبيت رجل احيانا ومعي شنطه اثقل مني

ولما استقرينا بشقه دخل رمضان كنت اجي من المعهد واستلم المطبخ طافه اول رمضان ابتميلح عند زوجي اوقف على رجلي لين الفطور وجتني عاد ولاده مفاجأه وفعلا مفاجأه لانه اول حمل وكنت مطنشه ومهمله

رحت لقيت الرحم فاتح سبعه سانتي والولد معترض عطوني ابره توقف الطلق يوم وليله عشان يتمكنون يعطوني ابرة الرئه للجنين ثنتين
والحمدلله عطوني وقالوا عمليه قيصريه ودخلوني وولدت قيصري وكان وزنه ٧٥٠ هو في اخر السادس وحطوه بالعنايه المشدده للخدج
كان بالبدايه على جهاز تنفس هزاز يمكن اسبوع
انا ماوعيت على حالي الا من بكره وصرت ابكي منهاره والمس بطني اتحسس حركته اشتقت لها وجوا الممرضات يهدوني وجت الاخصائيه النفسيه وجبرتني اروح اشوفه وانا كنت خايفه اشوفه واتضايق اكثر وودوني له وشفته وقعدت ابكي بصوت عاااالي وعمليتي عورتني حسيتها انفتحت

طلعت البيت وكان زوجي يروح يوميا يزوره ويودي الحليب اللي اشفطه من صدري ويطمني عليه
وكان وزنه شغلي الشاغل انتظره يوصل ل ١٨٠٠ غرام عشان يطلع على بالي زي السعوديه
واذكر سجدت شكر لما زوجي بشرني ان وزنه وصل ١٠٠٠ غرام قالوا لي عنده فتحه بالقلب وعطوه علاج امده ٣ ايام تغلقها شوي ونقلوا له دم ٣ مرات وكانت عنايتتهم ممتازه بعد عنايه الله وجلس بالمستشفى اربع شهور رفضوا يطلعونه الا بعد ماصار يشرب ٦٠ مل لاني مره عطيته حليب واختنق

توقف عنده التنفس بالحضانه ٣ مرات لثواني معدوده وكانوا بس يضربونه مع ظهره ويرجع يتنفس
كانوا يسون له كشف على عيونه كل اسبوع وطلع عنده اعتلال بالشبكيه من الدرجه الاولى وما احتاج ليزر

٤ شهور وانا تايهه بس ابكي وادعي وكنت ملتزمه بصلاة الليل وادعي ربي برمضان واامي واهلي يتصدقون له

والحمدلله طلع ولما قريت التقارير بحالته من اول مادحل انصدمت بحاجه صارت له وتأكدت انه اختبار من الله لما فرحت بطلعته صدمت بهالشي وكلت امري وواصلت الدعاآء والحمدلله الان بخير الله يحفظه ويحفظ طفلك ويقر عينك بسلامته

انا ولدت ولدي في فرجينيا في مستشفى
Inova fairfax hospital