تسلمين اختي
فعلا الموضوع جدا اثر فيني
ولامس مشاعري

لاني انا الان 24سنه

ومن بعد 18 بدات حالة الياس ليييييييييش ما تزوجت للحين
مع العلم اني حمدلله جمالي هادئ وشكلي ملفت بالمناسبات
فكنت اقول في نفسي "من قلة الايمان" كنت بعيده عن ربي جداااااااا
لما احضر عرس واتفرج عالكوشه
ياربي الحين هالعروس البشعه تتزوج وانا لا شو هالحظ
ياربي ليش ..

وتخرجت من الجامعه وانا حمدلله زدت ايمانا من الزميلات اللي كنت مصاحبتهم
"الصديقه تلعب دور بهالموضوع هيا اللي تحث عالخير او الشر"

عرفت انه ربي اراد فيني خيرا في تاخير الزواج
الان انا 24 عاما والله والله انه احترت من كثر العرسان
حتى وحده من صاحباتي تقول شكلج ذابحه اهلج بر وطاعه من دعواتهم

وسبحان الله كانت فيني عيوب في الطبع والشكل
يعني لو تزوجت بال 18 كان عقلي جاهل وطبعي عصبي وجسمي ملياان شوي

الحين تهذبت طباعي وصرت اكثر قدره على الاستماع واستيعاب الطرف اللي يتحذث
وبعد صرت حمدلله جسمي صار احلا ودت بياضا من القرب من ربي
تعلمت اشياء كثير من هالمنتدى في التعامل مع الزوج

يعني ربي كان رايد لي لخير ان اتزوج بهذا السن
اللي يعتبر شوي متاخر لمجتماعتنا..



.....................................

بحكيلكم قصه والله والله واقعيه حصلت لي لما كنت برحله عمل(كلها نساء طبعا وفي منطقه قريبه)
دخلت ادورة مياه على اساس اشوف شكلي مع اني متغطيه من راسي لقدمي
بس لازم اشيك على شكلي احس براحه اذا هو متعدل حتى لو مو طالع:27: خخخخخ

المهم كانت فيه عامله من جنسيه كافره تعمل في المكان اللي دخلنا فيه
شافتني دخلت بكل زيي الاسود مو باين شي
بعدين دخلت وطلعت طبعا الغطاء والشيله عشان الحر
ووسعت العباءه علي ارتب شكلي من داخل
كنت لابسه سبور محلي جسمي

شافتني العامله
كانت وااااو (اعوذ بالله حسيت بنقلب شاذي من عيونها خخخخخخ)
المهم كلمتها بالانجليزي

سالتها انتي من وين كذا المهم فهمت انه ما صار لها شهر جايه
وانها ابد ما تعرف عن عاداتنا شي

وصار هذا الحوار..
****************************************

قالت انتي حلوة ليش تلبسين اسود في اسود وتغطين كل شي انا شفت حرريم كثيررر مثلج
وكنت حاطه فبالي انهم مو حلوين واجسامهم مو حلوة (فهمت انه نفسها لايعه من العباءه)

قلت عشان ما اسمع هذي "الوااااااو" اللي قلتيها الا من زوجي حبيبي
مو كل واحد بالشارع يشوف جمالي وزينتي هذي تعاليم ديننا
قالت متزوجه؟؟؟
قلت لا بعده ربي ما كتب...
قالت بسالك سؤال الحين لو انتي بلا غطا كان شافك الرجال وجو يخطبونك
اما كذا اسود في اسود كيف راح يعجب فيج ويعرف انه شكلج كذا وبيجي يخطبك

قلت لها احنا نخطب العباءه قبل الوجه ..بقصد الحشمه قبل الشكل
وفهمتها انه احنا بكل زينتنا وجمالنا ملك لازواجنا اما الاخرين ما يستحقون هذا الشي
واني امام زوجي ورده فواحه راح اطلع هذا اللي انا مخبيته..وبخارج بيتي مغلفة محتشمه

شكلها ما اقتنعت مرره .. المهم فهمتها هالكلام بكل هدوؤء وكنت مبتسمه
حتى صاحبتي قالت مرره معطيتها ويه .. قلت لا ليش ما نعكس صوره ايجابيه لحشمتنا
لازم المتبرجه تكون رااايقه وتعاملهم برفق؟؟!!
واحنا المحتشمات طول الرحلة نكون متاففات وقرفانات وشكلنا مبهذل ونصارخ على خلق الله؟

لازم الكل يعرف ان المحتشمه ارق ورده في التعامل..
لكنها ورده تنشر عبيرها لزوجها فقط..


:27:

تسلمين اختي على المرور

والله يجزاك من خيرات الدنيا والاخره

وكلنا قلنا بهالعمر ليش ماتزوجنا نبي نتزوج بس كانت حركات مراهقه<<<<يعني بزارين:o

بس الحمد الله على كل شي والواحد ماهو داري الخير وين له

وزين رديت على هالاجنبيه بهالرد الرااااايق وفهمتيها زين حنا ليش نلبس العباءه مع انها مااقتنعت:44:

بس هالاجنبيه ماتنلام لان الحين بهالزمن الاغبر بعض بناتنا ماهم مقتنعين بالعبايه:06::06:

والله يستر علينا في الدنيا والاخره

يزاج الله خير اختي على هالموضوع الحلو واللي فعلا يبعث الامل في نفوس البنات اللي
ماتزوجن لين الحين ومايخليهن ييأسن

اليقين والقناعه بانه الرزقه من عند الله ومحد بياخذ الا اللي مكتوب له يخلي الواحد يرتاح
ولايعيش بيأس وهموم طول حياته

الله يرزقني وكل بنت ماتزوجت بالزوج الصالح في دينه ودنياه عاجلا غير اجل
:26:

مشكورة اختي على طرح الموضوع

بس حبيت اعلق على الاخت اللي تقول ان سن 24 يعتبر متاخر للزواج في مجتماعتنا ... بالعكس اختي ... !!

الحين الزواج مو مثل قبل على سن 17 و 18 يتزوجون ... الحين البنت متعلمة و تشتغل... و في بنات يكملون تعليمهم .... و انا برايي ان سن البنت ما بين ال 23 الى 30 هو سن مناسب جدا للزواج ... و تعتبر فيه البنت في سن ناضجة ... مخلصة تعليمها و في بداية حياتها العملية .... و لها الحق في الخروج للعمل او البقاء في المنزل ... كل وحدة و حسب ما تراه مناسبا لها ...

كذلك مو السن اللي يحدد ..... متى ما الله قسم لها و هو اعلم بالوقت المناسب لها .... المهم انها تدعي ربها ان يرزقها بالزوج الصالح ... مو بس علشان تتزوج و خلاص !!!

البنات ما يفكرون الا انهم يتزوجون و اسمها متزوجة !!! لا ما يجوز كذا !!

الوحدة لازم تتانى في اختيار شريك حياتها ... لان راح يعيش معاها طول العمر و يكون ابو لعيالها ....

انا عمري 26 سنة و مو متزوجة .... لماذا ؟ لان الزوج المناسب لي للحين ربي ما جابه ... و كل ما يجيني واحد يكون فيه شغلة غير مناسبة لي بالمرة ... و انا اقول بنفسي اكيد ربي خاش لي الزوج المناسب لي في يوم من الايام !

اللهم ارزقنا بالزوج الصالح و الذرية الصالحة .... اللهم آمين

موضوع جميل جدا ومواساة كبيرة للمتاخرات امثالي^_^

انا بعد..تعرفوا الحريم الملقوفات

اذا ما يسالوني يسالوا امي ولا اختي

بنتك ما انخطبت..واختك محد جاها

طبعا اهلي يدافعوا بكلمة وحدة تسكتهم

(يوم الله يريد)

بالفعل انا لو اني كنت متزوجة وانا صغيرة كان زماان تطلقت

بس الحمدلله اكتسبت خبرة في التعامل مع الناس وصرت صبورة اكثر

يعني الخيرة فيما اختاره الله لي

يارب ياارحم الراحمين اسالك ان ترزق اخواتي بالازواج الصالحين

اللهم آمين
:26: