لكل من تدخل وتنور موضوعي بأذن الله راح ادعيلك بأسمك في ليالي رمضان ساعدوا عروستكم

السلاااااااااااااااااام عليكم ورحمته الله وبركاته
كل عام وانتوا الى الله اقرب
اللهم بلغنا رمضان اعواما مديده
اللهم سلمنا الى رمضان وسلمنا له وتسلمه منا متقبلا امين يارب العالمين

اولا نصيحه لكل أمرأه انتي المدرسه التي تخرج اجيال المستقبل فأرجوك احرصي في هذا الشهر الفضيل
على ان تعيني زوجك واولادك على الصلاه في اوقاتها وقراه القران لان السهر في رمضان يعمل عمايله ويخلينا ننام على الفروض
والتلفزيون والمسلسلات حاولي معاهم مايشوفونها
والله يكتب لنا الاجر
واتمنى من كل اخت انها لمن تطبخ تغرف شوي لاقرب مسجد او انها ترسل احد يشتري لها ب10 ريال عصيرات ومويه ويوديها المسجد ترى افطار الصائم له اجر عظيم الله يتقبل مننا

الان نداااااااااااااااااااااااااااااااااااااء يا اهل النشوه والنخوه والمروه
انا رمضان هسنه ثاني سنه لي مع زوجي وطبعا رمضان العام كنت عروس وماشبيت النار في فبيتي كله من برا
وهسنه اهل زوجي بيجون يفطرون عندي وانا ياغافلين لكم الله ما اعرف اسوي شي :angry::(
ورجااااااااااااااااااااااء لاتجي وحده وتتفلسف علي انا مو فرحانه اني ما اعرف بالعكس انا ودي اتعلم واصير احسن طباخه بس ما ادري ليه فيني كسل اعوذ بلله وثانيا عندي رهبه اني افشل في اي اكله اسويها يعني يجيني احباط >>>طولتها وهي قصيره
المهم ابيكم تساعدوني تحطولي طرق اكلات او روابط محفوظه عندكم من حق رمضان العام علشان ابي احفظها عندي واسويها بأذن الله لمن يشرفون اهل الغالي
واتمنى تكون اشياء حلوه وسهله علشان لا اتورط لان العزيمه رجال وحريم يعني الصنف بيصير دبل :icon33::icon33:
وبيجوني اول خميس برمضان >>>نفسي اعرف مين الي جاب فكره انهم يفطرون عند حريم عيالهم طول عمرهم يفطرون في بيتهم ونحنا نجي نفطر في بيت العايله >>>يلا مو مشكله لاجل عين:arb:تكرم مدينه