لكل من تريد خلطات ولهومات للنفاس تدخل

يابنات معليش يمكن كلامي مايعجبكم بس الاحظ ان الواحده عشان النفاس تنزل تشتري كل بضاعة العطار
وفي شهر بس تدردع في هالثلاجات
ليه كذا ومن قال ان كل الاعشاب مامنها ضرر 
بالعكس كثرة الاعشاب واختلاطها مع بعض وطريقة غليها ممكن تأثر في تركيبتها ويحصل مالايحمد عقباه
فنصيحتي لكم يا اخوات ان يكون خير الامور الوسط لا افراط ولاتفريط يعني مو تقومين تشربين وتاكلين الاخضر واليابس ولانقول تهملين نفسك 
يعني زي الحلبه تسمن وتسبب تكيس عالمبايض حماتي قعدت سنتين تتعالج يالله حملت بسبب الحلبه
والماش يسمن بقوه والزوج مومنتظر تقوم زوجته من النفاس مصارعه
وده بجسم رشيق ودلع 
واللي تقول كثروا فلفل اسود .. طيب الفلفل الاسود حلو مانقول شي بس مو لدرجة نشربه هالشي يسبب حرقان فالمعده وقولون لاسمح الله
اهم شي بنفاسك من تجربه ..
المر ثم المر صراحه شي عجييييب للتنقيع او للشرب
وقالوها جداتنا بيت الحره مايخلى من المره
طبعآ المره تتنقعين فيها من بعد اليوم العاشر عشان ماتنشد معك الخيوط وتتفكك قبل مايلتأم الجرح
وفالعشر الايام الاولى تنقعي بماء دافي قريب للحار مع ملى الغطاء ديتول الأخضر
وماء دافي قريب للحار مع قبضة يدك ملح خشن وليس ملح الطعام الناعم
اما الغسولات والمراهم والكريمات صراحه ماحبها احسها بس ترطب الخيوط وماتخليها تلتأم بسرعه
وتشطفي وتنشفي مزبوط والبسي فوطتك 
اما الشرب اشربي مثل كوب قرفه او كوب يانسون او نعناع هالأشياء مفيده ومهدئه للاعصاب وطارده للغازات اللي تسبب قلق للنفاس

ولازم كل صبح تشربين كاس حليب فيه كسرة مره والله تحسي ان ظهرك صار مشدود ويروح التعب والفكفكه اللي كانت فيه
اما الأكل بعدي عن الخرابيط اللي بس تتخزن في جسمك وتسبب سمنه وترهلات وبعد اربعين يوم وانتي جايه تدورين رجيم ينحفك في اسبوع
كلي الاشياء المفيده من فواكه وخضار وعسل وبيض وسمك وسلطات وشربات ساخنه
لاحد يقول مرقوق ولاقبوط 
ترى الامريكيات مايعرفونه وتعالوا شوفوا كيف لايعرفون هواء ولاخواء 
مو مثل عندنا الله يستر علينا
بعد في شي غلط وهو ان النفاس اربعين يوم ماتتحرك؟؟
ليه سلامات 
عادي قومي امشي وتحركي خلي الدم يمشي بجسمك كثرة الكسل والنوم يسبب تجلطات والعواقب وخيمه
بعد البخووووور وما ادراكم مالبخور 
انتبهوا من هالشي 
لأن البخور فالنهايه هو دخان محترق يدخل في رحمك مثله مثل التدخين يعني يسبب سرطانات وبلاوي الله يسترنا 
وآخر شي واهم شي الترطيييييب 
اذا فعلآ ودك تطلعين من النفاس وزوجك يطير فيك ترطبي طول هالفتره خلي جسمك يصير حرير ومو شرط خلطات وخرابيط عادي بأي مرطب حلو ع
ندك مجموعه فازلين حلوه 
معليش طولت عليكم بس من جد موضوع يبغى له وقفه