لكل من تسأل عن المقابلة الشخصية في التدريب التقني

بسم الله الرحمم الرحيم
السلام عيكم ورحمة الله وبركاته
اولا اعتذر عن التأخير في الرد عن بعض الاسئلة اللي سألتوها في الموضوع الاول
بسبب الظروف اللي مريت بها هاليومين <<ماراح تطلع هالوظيفة الا مطلعة روحنا:44:
وان شاءالله تجدون الاجابة عن جميع استفساراتكم في هالموضوع
اول شي بالنسبة للاتصال
طلعت الاسماء قبل فجر يوم الخميس واتصلت علي اللجنة العصر في نفس اليوم وقالوا تعالي يوم السبت وطلبوا مني الوثيقة واثبات السكن والدورات والخبرات و ...الخ
رحت لهم السبت وعطونا ارقام اول وحدة تجي هي اللي تدخل اول
جاء رقمي وسووا لي المطابقة ودخلت بعدها على المقابلة :09:
المقابلة عن طريق لجنة مكونة من 3 قوارير <<يعني حريم :42:
وبدوا يسألوني وهذا موجز للاسئلة

عبارة عن اسئلة عادية
ليش اخترتي هالوظيفة
ووش سويتي بعد ماتخرجتي
ووش رايك بقسمك اللي درستي فيه والاستاذات اللي درسوك
وش الصعوبات اللي واجهتك في تدريس الطالبات (في التربية الميدانية)
ووش طموحاتك وانجازاتك
واهتماماتك والكتب اللي قرأتيها والمواقع اللي تدخلينها
وهل تتوقعين انك تقدرين تقومين بالوظيفة وانتي ماعندك خبرة
ووش اولوياتك في الوظيفة طبيعة العمل ولا بيئة العمل والا الراتب
هذا اللي تذكرته ويمكن الاسئلة تختلف على حسب التخصص
بعدين قالوا اكتبي اسمك ووقعي وابصمي <<ياساااااتر
بعد ماخلصت المقابلة عطوني مجموعة اوراق اعبيها وابصم عليها << ماصارت:09::09:
من ضمنها موافقة ولي الامر ورقم الحساب والكشف الطبي وتعهدات
وسويت الكشف في مستشفى الملك سعود :09::09:
كان زححححمة واقفين طابور كشف الوظايف وكشف الشغالات مع بعض
والنتيجة تطلع بعد يوم
وسلمته لهم
بعد كل هذا
قالوا هذا مايعني انك مقبولة نهائيا:44:
لازم نتصل عليك مرة ثانية :(
ونتايج المقبولات يمكن تتأخر حتى يخلصون من المقابلات في كل المملكة
لانهم بيرفعون اوراق المتقدمات من جميع انحاء المملكة للديوان في نفس الوقت
واحتمال تطلع اسماء المقبولات في نصف رمضان والا بعد العيد
وبالنسبة للرياض اعتقد ان المقابلات انتهت لاني مرة رحت لهم قالوا ان الموظفة سافرت لجدة عندها لجنة هناك
وسلامتكم
الله يرزقكم الوظايف اللي تتمنونها ويكون فيها خير لكم
ان شاءالله اكون افدتكم
واي سؤال انا تحت امركم
.
.
دعواتكم