مشكوريــــــــــــــــــــــــــــــــن لكل اللي مرووا على الموضوع وعساكم على القوة
بالنسبة للاخت لحالي ومحد ناداني يذكروني بناتك باخواتي مع امي الحل انك تحرميهم من الخروج لاي مكان اذا ما انجزوا والله امي تستعمل نفس الاسلوب هذا ومو غرفتهم الا وحدة عليها المطبخ والثانبة عليها باقي البيت وتعالى شوفيهم لما يكون فيه مشوار و الله البيت يلق لق قبل ما يخرجون هذا كله عشان ما ينحرمون من الخروج وحتى لو طلعاتك قليلة دبريلك مشوار بس عشان تنفذين كلامك

دموع مخملية الاطفال لازم انا ننفذ وعدنا لهم وما نتساهل ونقول انهم صغار بالعكس الطفل عقلة ما يفوت شيء بالذات الوعود الحلوة والا ترى بعدين وعودك تفقد مصداقيتها انتبهي حبيبتي لهذي النقطة
والله يوفقك مع عيالك

اذا كبرت بنتي واخوها اسويها والله لو مااشيل محد يرفع قطعة مرضت يوم انقلب البيت حراج

اقول لبنتي قومي شيلي القمامة ولا اي حاجة تقول انا بانام عمرها 3سنوات و7شهور

ولما اجي اكنس وهي تتفرج على التلفزيون اقول ليان قومي ترفع رجلها اكنس تحتها وبعدين رجلها الثانية ماتبغى تقوم

مشكوره على هذي الفكره ان معتمده عليهم بترتيب غرفتهم بس ليس بالشكل يومي اكثر الايام كل الشغل على راسي واحد ايرتب والثاني يحوس وجع راس الله يهمديهم واولاد المسلمين

فعلا فكرة روعة وأنا أطبقها مع عيالي
صحيح أحيانا أزهق وأحيانا يزهقون
لكن طريقة الثواب والعقاب حلوة ومفيدة جدا

الحين بناتي الله يبارك فيهم فرحانين يقولون صرنا حريم مسوؤلات وإذا صار عندي عزيمة والا طلعة ماشاء الله يعرفون المسؤوليات من نفسهم
وإذا حسيت أنهم زهقانين في بعض الأيام أقول لهم اليوم اجازة من المطبخ والشغل ونروح نتغدى ولا نتعشى بمطعم راقي أوأحيانا نطلب في البيت فيكون لها طعم خاص ويفرحون كثير وينشطون للشغل في البيت أكثر ..

ونفس الشيء مع الأولاد أشجعهم على دعوة أصدقاءهم في البيت فيقومون من الفرحة يرتبون وينظفون ويصير جو حلو معاهم ..
وإذا شفتهم مكسلين أمنعهم من اللعب أو استقبال أصدقاءهم حتى يرتبون غرفهم ويلمعونها ..

وصحيح فيها تعب لكن كله أهون من مشاكل الخدم ومسؤولياتهم

وأتذكر وحدة هنا بالمنتدى الله يجزاها خير تقول احنا نتعب في تعليم الخدم ولا نحاول نتعب في تعليم عيالنا ...

ولا تنسون أن الله تعالى لا يخيب من استعان به ..


وجزاك الله خير على هالموضوع المشجع اللي نحتاجه دائما ...وكثروا من هالمواضيع الحلوة جعلها الله في ميزان حسناتكم ...