شامية بمنفوحة @shamy_bmnfoh

عضوة فعالة

لكل من تشتكي من البقع في الملابس او سواد الياقه والأكمام في الثياب.(*)

السلآم عليكم ورحمة الله وبركاته..

لاحظت كثير يشتكون من البقع الي ما تروح او سواد الياقه والأكمام خاصه في الثياب البيض

قلت خل اقولهم ع تجربتي وإلي اساسها اختي ربي يشفيها ويعافيها وزوجها ويسخرهم لبعض يارب..

المهم مابي اطول عليكم ..

الحل المثالي والي بتستغربون له هو في الجف..

كنت مثلكم اشتكي من بقع تكون في ثياب عيالي البيض وهي زي بقع الزيت ..ولا تروح مع العلم اني

انقعها يوم او اثنين ..بس برضو مافي فايده وبعضها اهترى من كثر الغسل ومساحيق التنظيف..:(

لكن بعد ما جربت الجف تغير الحال وللأحسن ولله الحمد والمنه..

الطريقه..

عندك وحده من 2...

الأولى نقعي الملابس بجف وبعدين اغسليهم عادي..

الثانيه بعد ما تحطين الملابس بالغساله مع صابون وكلوركس حطي جف بس مقدار بسيط..

مو تحطون نص العلبه :p

وأن شاءلله راح تلاحظون وبعيونكم الفرق الشاسع قبل وبعد..

وكل وحده تستفيد تدعي لأختي بالشفاء وزوجها وان ربي يسخرهم لبعض..

والله يسخر لي زوجي وعيالي ويرزقنا من حيث لا نحتسب...

وصلى الله على محمد صلى الله عليه وسلم..

13K

يلزم عليك تسجيل الدخول أولًا لكتابة تعليق.

تسجيل دخول

شامية بمنفوحة • 13 سنة

لا اكثر شوي انا وللأمانه ما اقيس بس برضو ما اكثر..

نقول ربع فنجان قهوه ...والله الموفق..

ومشكوره حبيبتي ..

غيورةزمانها • 13 سنة

مشكورهـ اختي ماقصرتي

بس ما هو الجف؟؟ وجزاك الله خيرا

sweetness* • 13 سنة

مشكووووورة حبيبتي

بس غسالتك عادية أو اوتوماتيك ؟

أتوقع الاتوماتيك تخرب لو حطينا فيها شي غير الصابون والكلوركس

اميره ذوق • 13 سنة

طيب وش الجف؟

شامية بمنفوحة • 13 سنة

جف العادي تبع المواعين ..وغسالتي عاديه مو اتوماتيك..

ودايم اشوف لجف بحواء دعايه كل ما دخلت موضوع ...