لكل من تشتكي من رائحة الحناء .. تجربتي

السلام عليكم ورحمة الله وبركاته

اخواتي .. بما ان الطريقه الأفضل للاستفاده من الحنا غسلها بمويه واليوم الثاني نزيت الشعر ونغسله بشامبو فنلقى كثير يشتكون من ريحة الحنا وأنا بصراحه استغرب من هذا الشي لأني بصراحه مااشم الا ريحه خفيييييييييييييييفه بس وقت مايكون الشعر مبلول 
وعرفت السر بعدين بس اول شي لازم اخبركم اني ماأضيف للحنا اي إضافه فقط اعجنها بمويه يعني للأمانه ماادري تنفع الطريقه للي يضيفون اشياء او لا 
لكن جربوا ماانتو خسرانين 

نجي للطريقه/

اليوم اللي يسبق يوم الحنا تحممي عادي وغسلي شعرك بطريقتك المعتاده
يعني فرضاً بتتحنين الثلاثاء تحممي الاثنين
خلصتي جففي شعرك بالمنشفه شي بسيط وحطي عليه الخمريه اللي تستخدمينها او الزيت العطري او دهن العود بعدين بخريه وهو لسا مبلول وخلي البخور يطول ويمر ع الشعر كله لحد ماتحسين ان الشعر بدا ينشف شويه هذا دليل ان البخور مسك فيه
خلاص خليه يجف طبيعي وبدون استشوار افضل واليوم الثاني تحني وغسليه بمويه زييييييين واذا حبيتي بلسم او حمام زيت مو مشكله
وجففيه شويه بالمنشفه وخليه بعدين يجف طبيعي وبإذن الله ماتلاحظين ريحه مزعجه
وعاد اليوم الثاني زيتيه او حطي كريم بعدين غسليه بشامبو

اتمنى الطريقه تكون واضحه
جربوها وأي استفسار أنا حاضره وفي الخدمه
دعواتكم لي بتيسير أموري المتعسره