هلا وغلا بكل من دخل....
وحفظ اطفالكم من كل شر ومن كل سوء.....
اكيد دخلتو تبغون الحل لشقاوة اطفالكم ومعاناتكم الدائمة معاهم..يفتحون الادراج ينبشون يخربون يبغون ياكلون لحالهم فيهم لقافة وغيره وغيره من الشكاوي اللي كل كم يوم نقرا وحدة من الاخوات منزلة موضوع عنها
بكلمكم من واقع تجربتي...
انا ام لطفلة مميزة طفلة من ذوي الاحتياجات الخاصة
تدرون اني افرح وانتظر اي تخريب علي قولكم تسويه... افرح باي حركة تعملها .. اكبر واهلل لو مسكت المشط وحطته علي شعرها...انطنط من الفرحة لو رفعت الكوب لفمها حتي لو مادخلت قطرة فمها المهم عرفت الكوب للشرب ...ابكي واجري ابشر يوم الا تطالع معاي بالجوال وابعدها بتاكد انها قاصدة تشوف ويوم اصرت الا تشوف طرت اجري من الفرحة ابشر ابوها
تدرون ليه افرح بابسط الاشياء ؟؟؟
لان هذا معناه انها بدات تنمو وتتطور وتفهم
فيا اخوات ربي انعم عليكم باطفال طبيعين..اطفال ينمون ويكبرون ويستكشفون اللي حولهم
كل اللي يعمله اطفالكم دلالة علي سلامة نموهم ووعيهم وادراكهم
فاحمدو الله علي نعمه شوفي بس لما طفلك يمرض ويذبل ويصير مافيه حيل يتحرك تتمنين انه يطيب ويخرب البيت هذا اذا انتي ماجبتي كل شئ ممنوع وخليتيه قدامه بس المهم يقوم صح اولا؟؟
اتمني مااكون ثقلت عليكم وفهمتو قصدي..
ووالله ماكتبت الا ابغاكم تعيشون هاللحظات الجميلة الرائعة وانتي تشاهدي طفلك ينمو ويكبر امامك
لاتضيعو هالاشياء الحلوة بالتافف والتذمر واستشعرو نعم الله
يلزم عليك تسجيل الدخول أولًا لكتابة تعليق.
mffs004
•
الله يخليها لك يااااارب ويصلحها وتشوفينها عروسه
الصفحة الأخيرة