الأمر بالمعروف والنهي عن المنكر شعيره عظيمه ومذكروه في القرآن في أكثر من آيه.
ولها مؤسساتها الي تحييها وتقيمها.
وكلنا مطالبين بهذا الشيء حسب إستطاعتنا وحسب نوع المنكر.
ساعات يصير النهي عن المنكر فيه فضيحه وإهانه وإحراج للشخص..فيفضل الواحد يكلمه على إنفراد.
وساعات يصير الإنكار بألفاظ وبأسلوب شين لدرجة إن الواحد يهاجم هذا الآمر بالمعروف فيلتبس الأمر ويظن الواحد إنا ضد النهي عن المنكر!!
وساعات النهي والإنكار يصير سبب لمزيد من الذنوب.. زي وحده تجي هنا تكتب عن نكره وتافهه من تافهات مواقع التواصل وتكون غير معروفه للبعض فيروحون يدورون عنها ويتابعونها ويبدا التقليد أو السب.
يعني ما اعجبتك هذي التافهه إذا تقدرين تنكرين عليها فتفضلي لأحد حساباتها وانصحيها بأسلوب لبق وديني عشان تتقبل منك ولا تصير عناد وسب.
لكن وحده ما اعجبتك وغثتك بأكلها وشربها تجين تنزلين موضوع كله شتم وشماته وألفاظ مستفزه ليييييش؟
مهو حنا الي غثيناك.... هي!!


وجزاك الله خير أم هاشم. موضوعك في الصمييييم.

وليش تنزعجون اذا احد قال ما عليكم منهم واتركوهم في حالهم ؟
الجمله هذي ما تنقال الا لان الكلام المغلف بالامر بالمعروف انذكر في غير محله الصحيح
ولان الكلام اللي مكتوب فيه من الطعن والاستنقاص والتشفي والتعالي والتكبر الشيء الكثير
ما يحتاج نشرح ونعيد ضوابط وشروط النصيحه
ومو أي وحده قلبها مليان غل وحقد جات تبرق وترعد وتحقر وتستصغر خلق الله نقول هي تأمر بالمعروف لا أحد يسكتها
ولا كل وحده جات تعاير العباد بذنب او معصيه نطبل ونصفق لها بحجة انها تأمر بالمعروف وممنوع أحد يعترض عليها .
هي ليست رب العالمين وليست نبي مرسل وكلامها يمثلها هي فقط ليس قرآن مقدس لا يمس
وهي بكبرها ليست الدين بذاته ولا وكيلة له على هذي الأرض .


ودايماً تحضرني مقوله لـ مصطفى محمود يقول :

هناك فرق بين النقد والحقد
وبين النصيحه والفضيحه
وبين التوجيه والوصايه
حياة الناس لم تدون بأسمك لتخبرهم كيف يعيشون .


واقدر اقول محد فينا جاهل ولا غبي ونقدر نميز بين الكلام او النصح اللي لله عز وجل وبين الكلام اللي للنفس والبشر
لان الحروف تفضح اصحابها والشق اكبر من الرقعه الدينيه هذا القناع والغلاف والستار ماعاد يمشي على الواعيين ولا يستر مستخدمينه في غير موضعه الصحيح .
وكلنا نغلط ونزل ونذنب لكن بالنهايه كلنا امرنا لرب العالمين نطلب مغفرته وعفوه
وذنوب البشر اللي بينهم وبين ربهم هو يتولاهم فيها اما بالمغفره او العقاب
اما السيئات اللي بين العبد وبين عبد آخر هذي امرها يرجع للطرف المظلوم والمعتدى عليه والمسلوب حقه المهتوك ستره المقذوف في عرضه المعاير بذنبه المفضوح والمشهر به بين الخلائق اذا سامح او اخذ حقه من الحسنات
فمن الاخر الوحده قبل تستخدم الدين تفكر اذا فعلاً لله او للنفس وتراجع نفسها قبل لا تفكر تسوي مراجعه وتحليل ونقد لاخطاء البشر
ومشكوره يا ام هاشم على الموضوع واعرف ان نيتك طيبه خيره والله يجزاك عليها خير الجزاء يارب

صح

الله يهدينا ويصلح حالنا جميعًا
ويردنا إليه ردًا جميلًا

ننكره في قلوبنا لاعجبنا الحرام ولاالقلب استلطفه
والمنتدئ هنا تكتب الوحدة موضوع وتجي ردود الي يدعوون المثاليه وتحششششش من باب الحش حلال ننهي المنكر
وسب وقذف
والاول والاخير
محد يقرا الكلام الاانتم لامشهور ولامشهوره
مثل ماسكتوالمشششايخ نسكت معهم
وكل وحدةمسؤوله عن رعيتهاا وتدعي بثبات
والي معها موضوع وصصصصادقه تروح تويتر وتمنشن وتكتب الي وش مضايقها يمممكن مسؤول يغير شي لمصلحة الدين