الموضوع باين من عنوانه..
خواتي والله على ماأقول شهيد كانت حياتي مشاكل بمشاكل لأني أغلب الوقت أسمع فلانه كيف مدللها زوجها وفلانه وين يوديها زوجها..ويالله اشتغل بالنكد :angry:من يوم مايدخل انتظره بس يكلمني لأنه شايله بنفسي والمسكين مو مسوي شئ ..
المهم..
جلست فتره بيني وبين نفسي والله يابنات بآخر الليل وجلست ادعي ان الله يهدي بالي ويحنن قلبي ويغفرلي على الأيام اللي مضت والمشاكل اللي متأكده اني السبب فيها وبدأت أفرغ طاقتي بأشياء حولت حياتي يابنات والله لجنه ولله الحمد والمنه..
أولها .. بدأت اكتب بورقه محاسن زوجي في ومساوئه.. والله يابنات اني حنيت عليه وانا أكتب محاسنه..
الامر الثاني بدأت انا أدللـه بدل ماأنتظر هو يدللني.. أول مايدخل بس أهلي وأرحب فيه والله يابنات أول مره قلي أكيد عندك شئ أو وراكي شئ والله حزنت لهالدرجه الكلمه الحلوه صارت ماتنقال الا لسبب المهم ماقلت همتي بالعكس خلاني هالأمر احاول اغير نظرته فيني ..
يابنات تحسو انه حاجه بسيطه لكن والله العظيم تحسسه بأنه مرغوب ..وتحسسك انك ماودك تخربين هالترحيب بكلمة وين كنت والا ليش ماجبت ..جربوا اسبوع وقولولي ايش النتيجه؟؟؟
الامر الاخير...جبت كاسه كبيره وحطيت فيها اوراق زي اوراق القرعه وفي كل ورقه كتبت الاشياء اللي هو يحبها زي المساج أو تحضير حمام دافي بالملح الخشن والزيوت المعطره وشموع طبعا وغيرها من الاشياء اللي يحبها في غرفة النوم..وفي ورقه كاتبه فيها اليوم انت ملك آمر وتدلل..
وقلتله يجرب ويسحب ورقه والله يابنات الابتسامه اللي ارتسمت على وجهه:arb: تسوى الدنيا ومافيها..
وبعد كذا حطيت شرط .. متى ماسويت حاجه حلوه لي اوقلت لي كلام حلو اوحتى دخلت علي :26: ابشر بالسحب والمفاجأه الحلوه والله حمسته وحمستني انا بعد.. وطبعا ماهي كل يوم لكن بين فتره وفتره لكنها تعوض نقصك واحتياجك للحنان والدلال..
هالحلول البسيطه ماهي الا اجتهاد شخصي بسيط مني لكن نيتي في التغيير للأفضل كان لها الأثر الأكبر..
ماأقول انه صارت حياتي خاليه من المشاكل لكن والله العظيم صارت تمر شهور بدونها ولله الحمد..
أتمنى اكون أفدت لو وحده بس من الخوات اللي تبحث عن حلول ..
واللي عندها طريقه اوشغله ممكن نعملها لاتبخل علينا وان شاء الله ربي يجزاها كل خير..
دعواتي للجميع بالتوفيق والحياه المديده السعيده..
ام وسن 2009 @am_osn_2009
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
وتبارك الله
محتاجين احنا يالمتزوجات نصايح وافكااار عمليه ومجررربه مثل كذا
الله يسعدك ويووووفقك