وعليكم السلااااام ورحمة الله وبركاته

كل وحده تعالجت من عين مس حسد سحر تذكر كيف كان علاجها؟
مازلت أتعالج من العين والحسد والنفس والمشايخ يختلفون في طرق علاجهم لكن يتفقون في شي واحد اللي هو الرقية الشرعية والتحصن بالأذكار ( أذكار الصباح والمساء وأذكار النوم وغيرهم ) وشرب الماء المقروء فيه والإغتسال بالسدر والماء المقروء فيه والتدهن بزيت الزيتون المقروء فيه وقراءة بعض السور اللي فيها آيات عن السحر والعين والحسد وخصوصا سورة البقرة لأنها قوية على الشياطين . وبعضهم يوصي بالاغتسال بخلطة الشيخ الرومي . وطبعا إذا المسأله عين تحاولين تاخذين أثر لأنه أسرع في العلاج . وإذا ماتوفر لك الشكوى لله تستمرين في العلاج إلى أن يكتب لك ربي الشفاء من عنده ، وهذا برنامج علاجي واللي تعبني إني تأخرت في العلاج ، طبعا كل مابكرتي في العلاج كل ماكان أفضل . أما إذا سحر بيبين مع العلاج وتطلع آثار معينه تدل على نوع السحر أو مكانه ومع المتابعه مع الشيخ يدل المريض على طريقة القضاء على هذا السحر بإذن الله .

وكم خذت من فترة لتتعالج ؟؟
بكمل سنه وعلاجي أطبقه بنفسي بتوجيه من المشايخ الرقاة والله كريم يكتب لي الشفاء. تجي لي فترات فتور وتعب وضيق مايعلم به الا الله .. والله حتى أهلي مخبيه عليهم الحين اني مستمره لأن أول ماقلت لهم قالو لاتوسوسين مافيك شي ، بعدين قلت طيب هذي الأدله كذا وكذا وودوني لشيخ وتأكدو وفعلا قال لهم الشيخ وأكد لهم كلامي وفي البدايه ساعدوني شي بسيط بعدين بردو سبحان الله حتى الأثر ماقدر أوصل له وأطلبه منهم يجيبون لي وبرود ونسيان لموضوعي إذا صارو قريبين من الناس المقصودين .. ماحد يتعب في العلاج كثر المحسود والمعيون والمسحور لأن مو بس الشياطين توقف له في العلاج ، لا بعد يخربون عليه كل طريق للتشجيع حتى من أقرب الناس له.. بس أنا توكلت على الله وكل ماحسيت بتعب أبكي وأدعي ربي يفرجها لأن ماحد نافعني لا أهل ولا شيوخ ولا أحد .. ماينفعني غير ربي سبحانه .

وكيف اكتشفت انها محسوده او مسحوره او .... او ؟؟؟
والله ياقلبي من صغري وانا أتعب بس ماكنت منتبهه لهالشي وبعض الأمور تتكرر علي وتجتمع وكوابيس ولما وصلت حدي وحسيت كل شي تقفل بوجهي قلت أكيد فيه شي مادري عنه وفعلا اكتشفت إني مقصره جدا في تحصين نفسي وتذكرت مواقف كثيرة حصلت لي ولا كان فيها ذكر لله وتدهورت بعض أموري من غير سبب .. بس أكثر شي نبهني إن وضعي مو طبيعي الكوابيس والله ماتهنى بنوم أبد والأحلام وخصوصا تكرار ناس معينين حتى لو ما فكرت فيهم ولاجبت طاريهم .. وأشياء أعرفها قبل ماتصير أحلم فيها .. وبعد الرقية جتني أحلام فيها توجيه إني آخذ أثر من فلانه ومن البيت الفلاني وكذا . فيه علامات تبين لك إنك محسوده أو مسحوره وهذا الشي يعرفه الشيخ الراقي يعني مو أي أحد يفسر لأ . لابد يكون على علم شرعي ويتبع الكتاب والسنه .

ودعواتكم لي بالشفاء ولكل مسلم ......

وعليكم السلام
هلا حبيبتي
انا تعالجت واخذت مده طويله اقرا وارقي نفسي وقريت عند شيخ وتغسلت بخلطه الرومي
وعرفت من الاحلام لاني تعبت من الاحلام حتي النوم صرت اكره بس الحمد الله فرجت صبرت والحمد الله
الله يشفي الجميع ياحي ياقيوم

وشو خلطة الرومي تكفون؟؟؟

الخلطه تحصلينها في محلات العطارة جاهزه خصوصا اللي يتعاملون بالرقيه يعرفونها ومشهوره قولي خلطة الشيخ الرومي وهم يعرفونها وهي للمصابين بالسحر والعين وإذا ماحصلتيها اطلبي المكونات واخلطيها بنفسك وهي تتكون من كيلو سدر مطحون وكيلو شبه مطحونه وكيلو ملح خشن مطحون ، مو ملح الأكل الناعم لا هذا مضاف له اشياء مايصلح ، الملح الخشن يكون نظيف ومو مخلوط فيه شي يعني نقي ، ويخلطون المكونات مع بعض وتقسم على سبع أكياس بالتساوي والعلاج يكون لمدة سبع أيام كل يوم كيس من الخلطه يذوب في ماء مقروء فيه الرقيه الشرعيه ويغسل فيها الجسم مع التفريك ويراعى أن مايكون فيه خراجات أو حساسيه أو جروح على البشره ولا يجي على الشعر لأن الملح والشبه يتلفون الشعر وممكن غسل الشعر في نفس الوقت بالسدر والماء المقروء فيه عشان يكون الجسم مغسول بالكامل بالسدر والماء المقروء فيه الرقيه الشرعيه وطبعا مع الاستمرار في قراءة الرقيه والله الشافي .

بنات حابه أقول لكم شي.. اللي تحس إن فيها شي وماتدري وش تسوي والا ماتقدر تقول لاهلها يودونها لشيخ او شي .. تقدر تسجل في منتدى خاص بالرقيه الشرعيه بالكتاب والسنه وشيخ معروف بإتباعه للسنه وتجاوب على الاسئله التشخيصيه والأعراض اللي تجيها ويقول لها هي وش فيها وش تسوي وكيف ترقي نفسها .... مو ضروري تروحين لشيخ لأن الحمدلله مابيننا وبين ربي وساطه ولاحجاب ... كل وحده تقدر تعالج نفسها بإذن الله وتتوكل على الله وهو الشافي مو البشر .....