لكل من تعاني من اجل الحمل ((قصه بلسان صاحبتها))

بسم الله الرحمن الرحيم
اخواتي حبيت اكتب لكم بعض من معاناتي في الحمل وتشوفون ايش اللي صار لي بعد
هذه المعاناة وصراحة انا ما كتبت لكم قصتي الا لكي تستفيد منها من كانت تمر بمعاناة او مشكلة في حملها لاني يمكن افيدها بطريقة غير مباشرة وانبهها باي معلومة يمكن تستفيد منها سوء كانت في الحمل او الاسقاط او موت الجنين او عمليات التنظيف او أي معلومة يمكن اخدمها فيها........ولكم قصتي..




بداية زواجي كنت طالبة في الكلية ولا كنت افكر في شيء اسمه حمل بالعكس حتى كنت اقول لزوجي ما ابغى احمل لحد ما انتهي من دراستي في الكلية وكان موافق الفكرة وكل هذا على شان اذا جالي طفل ما اخليه لوحده او مع أي احد غريب مع ان الوالده وعمتي الله يحفظهم كانوا دايماً يقولون لي لو حملتي وجالك مولود خليه عندنا بس عاد انا ما ودي اتعبهم معاي قلت لا ما راح احمل الا بعد ما اخلص دراستي..........ما اطول عليكم..
المهم جلست عشر شهور ولاحملت بدون ما استخدم أي حبوب لمنع الحمل لاكن باستخدام الجدول بعده تأخرت علي الدورة وصلحت تحليل واكتشفت اني حامل ................يالله يابنات ماتدرون قد ايش تلخبطت مشاعري مادري كنت فرحانه ولا خايفه ولا زعلانه عشان دراستي ؟؟؟؟
المهم رحت وقلت لزوجي, عاد زوجي بغى يطير من الفرح وخفت وفرحت اكثر لما شفت ردة فعل زوجي """
المهم مر اسبوعين وانا عادي مش مهتمه بالحمل ولا كنت احافظ على نفسي كنت اجري وانطط وانزل من الدرج بسرعه ولقااااااااافة بس ماتدرون ايش اللي صار بعدها؟؟؟؟؟؟؟؟؟؟
نزلت جده وحضرت ملكة واحدة من اقاربنا وجلست ارقص رقص خفيف وبعد اسبوع ثاتي تعبت ونزل عليه كم قطرة دم الله يكرمكم ولما رحت للمستشفى تخيلوا ايش قالت لي الدكتورة؟؟؟؟؟؟؟؟؟؟؟؟

قالت لي ان الجنين ميت وعمره شهرين واسبوعين ........ عاد انا خفت وتذكرت كل الايام الي استهترت بالحمل ولا حافظت عليه وندمت ندم بس ايش اقول لاحول ولا قوة الا بالله....
وقالت لي اذانزل عليك دم شديد تجيني على طول عشان اسوي لك عملية تنظيف ....
بس رجعت البيت وينزل الدم الشديد وارجع لها وقالت لي تنظيف ذحين على طول ورحت لغرفة العمليات و صلحت لي عملية التنظيف وما صحيت من البنج الا بعد 3ساعات وقالت الدكتورة لي ولزوجي لالالالالالالالالازم تصلحين تحاليل عشان نعرف ايش سبب موت الجنين؟؟
وخرجت من المستشفى ولله الحمد......

ومرت الايام والاسابيع والشهور وبعدها تمنيت اني احمل ماتصدقون قد ايش تأثرت وندمت اني ما حافظت على حملي السابق لكن قلت ابغى احمل وان شاء الله راح اهتم فيه لكن ماتدرون ايش اللي صار لي؟؟؟؟؟؟؟؟؟؟
تأخر الحمل 3اشهر بعد الاسقاط ورحت لنفس الدكتوره وعملت لي تحليل هرمون الحليب وطلع زاااااااااااايد واعطتني دواء وقالت لي عشانك تفكرين في الحمل يزيد الهرمون حاولي تنسين انك تبغي تحملي..بس تدرون صعب انسى الحمل وانا حاطته في بالي............
واخذت الدواء ولا حملت واستنى احمل ولا في امل عاد انا خفت وقلت مستحييييييييل اني احمل مره ثانيه اكيد اني صرت عقيم ؟؟

المهم بعد علاج ثلاثة اشهر بطلت الدواء وبدأت الدراسة في الكلية وقلت في نفسي اقول خلاص باشيل فكرة الحمل من راسي ماابغى احمل وانا ادرس خلي الحمل بعد الدراسة............
المهم في نفس الشهر تأخرت الدورة وصلحت التحليل وطلعت حاااااااااااااااااااااااامل وهذي المرة فرحت بشكل ماتتصورونه ولله الحمد...
....... وسبحان الله حملت في نفس الشهر اللي شلت فكرة الحمل من بالي....
كنت استنى متى تمر الايام بسرعه واشوف اللي في بطني .....من كثر ما انا مشتاقة انه يكون لدي طفل بعد اربعة اشهر من حملي توفيت جدة زوجي الله يرحمها وتأثرت بوفاتها كثيراً ورحت اعزي وتعرفون جو العزاء كيف يكون الله لايجيب عليكم شر وتأثرت نفسيتي من شدة الحزن والاجواء الحزينة وحسيت بصداع شديييييييييييييد والم في بطني ولما رحت لدورة المياه "الله يكرمكم" لقيت نقاط من الدم وخفت مره وقلت لاازم اليوم اللي بعده اروح المستشفى ...
ولما رحت للمستشفى صلحت لي الدكتوره اشعة تلفزيونية وقالت لي ان الجنين ميت؛؛؛؛
آآآآآآآآآآه ماتدرون قد ايش تأثرت وانصدمت بالخبر حتى لما تنومت على شان ينزلون الجنين كنت اتمنى ان الجنين ما ينزل حتى وهو ميت... وما طلع الجنين الا بعد ما كانت روحي بتطلع معااااه بعد عملية قسطره كانت جداَ متعبه..
المهم تذكرت وقتها ان في حملي الاول قالت لي الدكتورة لازم اني اصلح تحاليل على شان اعرف ليش مات الجنين وانا ماصلحت أي تحاليل الا تحليل هرمون الحليب....وندمت اني ماصلحتها...
المهم بعد مامرت الازمة النفسية اللي مريت فيها رحت للمستشفيات وصلحت تحاليل لكن الحمد لله قالوا لي مافي جرثومة لان الجرثومة تسبب موت الجنين لاكن اول ما تعرفي انك حامل مرة ثانيه لالالالازم تاخذين اسبرين اطفال..عاد هذي المرة قلت لازم ما انسى أي تعاليم من المستشفى.....

ومرت ثلاثة اشهر وحملت ولله الحمد وفرحت كثييييييييراًَ واخذت اسبرين الاطفال وحمض الفوليك ومرت الايام والشهور ودخلت الشهر الثالث وقالوا لي ان الجنين تعبان مايتحرك عاد انا خفت من كلامهم ودخلت الشهر الخامس وانا ما احس في حركة الجنين ورحت المستشفى ولما صلحت اشعة قالوا ان الجنين مايتحرك وانه في نبض لكن بدون حركة واحتمال ان الجنين يموت في الشهر السادس لان في مويه في صدر الجنين "عنده استسقاء في الرئه"
خفت لما قالوا لي هذا الكلام وسألوني انا وزوجي نقرب لبعض؟ قلت لهم ان زوجي ولد عمي قالوا انه هذي سبب المويه انكم تقربون لبعض ؛؛؛؛؛؛
وفي نفسي جلست اقول انهم مايدرون عن اللي ربي كاتبه لي يمكن يعيش الجنين ماحد يدري عن الغيب ...ومرت الايام الى ان دخلت الشهر السابع وحسيت بحركة الجنين وفرحت مررررررررره وقلت ان الدكاترة كذابين مايدرون عن الغيب دخلت السابع وما مات جنيني....لكن بعدها بكم يوم انتفخ جسمي بشكل فضيييييييييييييييييييييع كل مكان في جسمي منفوخ عاد انا خفت ورحت المستشفى وصلحت تحاليل الزلال وسمعوني نبض الجنين وارتحت لما سمعته وقلت الحمد لله انه لسه عايش....وقالوا لي تجين تاخذين التحاليل بعد اسبوع ..
ومرت يومين وتحرك الجنين مره ولا عاد زاد تحرك ولما رحت الحمام "الله يكرمكم" نزل شوية دم ورحت المستشفى وقالوا لي ان الجنين ماااااااااات ولازم ننزله بسرعه ..........ونزلوا الجنين لكن المشيمة ما نزلت واضطروا انهم يصلحون لي عملية تنظيف.... عاد مايحتاج اقول لكم ايش صار لي من كثر زعلت على موت جنيني صياح وبكاء ووو...خاصة انه مابقى الا شهرين ونص واولد؛؛؛ "لكن الحمد لله على كل حال"...
ومرت الايام وقلت في نفسي مارح احمل الا بعد ما اشوف ايش مشكلتي مع الاسقاطات ........
ومن مستشفى لمستشفى؛؛؛؛؛؛؛؛ومن شيخ الى شيخ ؛؛؛وتحاليل واشعات ووو... حتى تحليل الكرومو سومات عشان زوجي ولد عمي قلت يمكن القرابة قالوا لنا ان التحاليل كلها سليمة ولله الحمد...
بس قالوا لي لاتحملي بسرعة اخري الحمل لمدة سنة على شان يرتاح الرحم من عمليات التنظيف..قلت خلاص أأخر الحمل حتى انا تعبت....
ومرت سنة وانا ماحملت باستخدام الجدول بدون حبوب منع الحمل لاني خفت ان الحبوب تسوي لي مشاكل انا في غنا عنها.....
.بعدها حملت للمرة الرابعة واستخدمت اسبرين الاطفال وحمض الفوليك ......عاد انا كنت باقي ادرس في الكليه ...المهم مرت الايام ودخلت الشهر الرابع والحمد لله كل شيء تمام الى ان جاء يوم ورحت للكلية وجاتني واحدة من صاحباتي بفجعه وقالت لي تعرفين فلانه قلت لها ايوه ايش فيها قالت هي كانت حامل قلت ايوه انا وهي تقابلنا مرة وقالت لي قد ايش هي بتطير من الفرح على شانها حامل وقلت لها حتى انا فرحاااااااانه بحملي ؛؛؛؛؛؛؛ المهم قالت لي صاحبتي الله يهديها انها سقطت هنا في الكليةْْ؛؛؛؛؛؛؛؛
في نفس الوقت اللي صاحبتي تقول لي عن البنت الا انا جالسه اتخيل نفسي مكانها ويجيني ذاك المغص بس ما اقول الا الله المستعان ؛؛؛؛؛؛؛ورحت للبيت الا وهذاك الدم اللي ينزل بس مو كثير ؛ولما رحت المستشفى جلسوا يمهدون لي الخبر الى ان قالوا لزوجي الخبر وزوجي ماقال لي الا بعد ما كنت حاتجنن لكن ما اقول الا لاحول ولا قوة الا بالله......
لكن الظاهر ان المستشفى ملوا مني وصرفوني قالوا خليه ينزل دم كثير وبعدين ارجعي لنا ومرت اسبوعين وانا عارفة ان الجنين اللي في بطني ميت وخفت قلت كيييييييييد ان الرحم عندي تعفن ورحت بدون ما ينزل الدم وبالقوووووووة نوموني ؛؛وجلست 3ايام لحد مانزل وارتحت بعدها....
المهم صلحت تحاليل ثانية بس مافي أي مشاكل في التحاليل...

وبعد كم شهر حملت وكنت خااااااااااايفه ان الجنين يموت لاني قبلها صلحت اشعه لضرسي وقالوا لي ان الاشعة خطييييييرة اذا كنتي حامل مع اني صلحت تحليل قبل الاشعه لكن قالوا لي انه مافي حمل عشان كذا صلحت الاشعة وانا متطمنه لكن يوم تأخرت الدورة بزيادة صلحت تحليل الحمل مرة ثانية وطلعت حامل... وفعلا مات الجنين مرة خامسه..وصلحت عمليتين تنضيف لانه كان في بقايا في الرحم.......

المرة السادسه حملت وتذكرت ان الشيخ مره قال لي اول ما تحملين تجيني مرة كل شهر على شان يقراء عليه
ورحت واعطاني ماء زمزم مقري عليه وكنت دااااايما ادعي الله ان يرزقني بالذرية الصالحة في كل صلاة وكنت ادعي ب
"ربي لا تذرني فرداً وانت خير الرازقين"
"رب هب لي من لدنك ذرية طيبة"
والمستشفى اعطاني حبوب تثبيت وابر هيبارين واسبرين الاطفال وحمض الفوليك واستمريت عليها الى ان ولد ولله الحمد بعد معاناة وصبر دامت ست سنوات والحين عمر بنتي سبعة اشهر والله يحفظها لي

اتمنى من الله ان يفرح قلب كل محرومة ويرزقها بالذرية الصالحة..........آآآآآآآآآآمين
واحب اشكر اولا الله الذي رزقنا ثم شكري الثاني لزوجي حفظه الله لانه صبر وعانى معي معاناة لااحد يعلمها الا الله مع اني كنت باجننه معايه بعد كل اسقاط وشكري الثالث لكل من قرأ قصتي هذه اللي عانيت فيها جسميا ونفسيا ولكي تستفيد اخواتي من قصتي لانها يمكن تنبه على عدة امور واهمها:

-ان لاا تنسي الله فهو الذي يرزق من يشاء بغير حساب
-ان تدعي الله ولا تقنطي من رحمة الله بشرط ان تكوني صادقة في دعائك وان لا تستعجلي الدعوة مثلا ان تقولي عاجلا غير اجل
-ان تعرفي ان ما بعد الصبر الا الفرج باذن الله
-ان لا تكرهي شيء وقد يكون لك فيه الخير الكثيييييييييييير
-ان تحمدي الله على جميع نعمة
-وان لاتهملي في شي نصحك به احد من اقربائك او طبيبتك او صديقتك لكي لا تندمي بعدها على اهمالك


^
^^
^^^
^^^^
^^^^^
^^^^^^
^^^^^
^^^^
^^^
^^
^ ملطووووووووووووش ((منقول))