لكل من تعاني من التهاب الكلى والمسالك البولية والامساك تتفضل >>تجربتي

السلام عليكم ورحمة الله وبركاته ..

كيفكم يا اخواتي ؟؟

حبيت اشكركم جميعا وجزاكم الله خير والله اني ادعي لكم لاني استفدت منكم كثير كثير الله يجعله في ميزان حسناتكم ..

حبيت اطرح لكم تجربتي وافيدكم ..انا حامل وعانيت من الامساك وعندي التهاب في المسالك البوليه لدرجة لون البول وانتم بكرامه احمر والم اسفل البطن من المسالك البوليه وانا جالسه اتذكر شي ممكن يفيدني واتذكر قهوة الشعير قلت اجربها وفوائد القهوه الشعير >> لحالات الامساك ولالتهاب الكلى والمسالك البوليه ومدر للبول ..
واشتريتها وسويتها والحمد لله من شربتها ومن اول ترمس =(ثلاجه = زمزمية) وانا الحمد لله شفت العافيه ..
وقلت اقولكم يمكن يفيد احد منكم مثل ما تعافيت انا .
وطريقتي انا فيها :
تسوينها مثل القهوه العاديه تلقيمه والشعير يجي اخف من القهوه يعني قللي من المويه اللي انتي تحطينها في كل مره تسوين قهوه بس مو تقللين مره لا يعني اذا انتي تخلين الابريق كامل مويه خليه ثلاث ارباع واذا نصف الابريق مويه حطي اقل من النص واكثر من الربع وسويها عادي خليها تطبخ على نار عاليه بعدين نار هاديه وبعد ثلث ساعه خلاص سويها عادي اضيفي لها هيل وعويدي او زعفران مثل ماتحبين .. وبالعاااااااافيه ..
ملاحظه : اذا سويتها تصير خفيفه ولا فيها طعم الهيل والعويدي يعني الشعير كذا عادي والا فيه شي غلط في طريقتي .. ؟؟
واللي تعرفها وتسويها ياليت تذكر طريقتها عشان تفيدنا فيها يمكن تكون افضل من طريقتي 