السلام عليكم ورحمة الله وبركاته..
اولا انا حبيت اقولكم على هالخلطه بحكم اني مجربتها والله اعلم ان النتيجه راااااااااائعه واكثر من راااااااااائعه..
بصراحه هي خلطتين مو وحده.. والله يعيننا يالحريم ذابحين انفسنا بالخلطات الا بنصير مزاايين..
الموهيم..
لأسوداد الرقبه...
2 كاس زيت زيتون.. ياليت يكون اصلي انا استخدمت زيت جابه خال من سوريه وماشاء الله ممتاز..
اوراق حصى لبان..سويت عنها بحث بقوقل وطلع نفسها اكليل الجبل..
قطعه من شمع العسل ..طبعا عسل النحل..
1 كاس ماء..
طبعا نحط الزيت بقدر الين يصير حار ونضيف له قطعة الشمع الين تذوب.. وفي نفس الوقت نحط الماء بقدر ثاني مع اوراق حصى لبان ونخليها تغلي شوي مثلا دقيقتين او ثلاث..
ثم نخلطها مع بعض في علبه مغلقة الاحكام ونقفلها وبعد فتره بتلاحظين انه تكونت طبقه بالاعلى بسبب شمع العسل..
هذي هي الطبقه اللي تاخذين منها وتدهنين رقبتك..
والله انها ممتازه كنت استخدمها بالليل والنهار واغسلهم طبعا انا كنت على وجه زواج عشان كذا كنت استخدمها بكثره ولاانتم بكيفكم لو تبونها كل ليله او قبل كل ترويشه..
ملاحظه لاتفركون المنطقه بقوه وانتبهي لاتجرحين نفسك لان الاحتكاك بقوه يزيده سواد ادهنيه برفق..
المقصود انه يلين الطبقه السوداء وبالتدريج تختفي.. لانها اصلا ماتكونت في يوم وليله يعني اكيد علاجها بياخذ وقت شوي..
الخلطه الثانيه : لنعومة الجسم ولمعانه..
بعد زيت زيتون الكميه اللازمه لدهن جسمك بالكامل ..
ملح خشن..وليس ملح الطعام..اطحنيه واخلطيه مع الزيت وادهني جسمك وافركيه قليلا بالذات بالمناطق الغامقه الركب الاكواع والمؤخره وبين الفخوذ و..و...
واتركيه قليلا واغسلي بصابون ديتول.. او اي صابون ترتاحين له..
وطبعا يابنات هالخلطه ممتازه جدا جدا مع حمام البخار بدل الصابون المغربي و...و...
والله انا سويتها مع البخار طبعا تعرضت للبخار شوي وبعدين دهنت جسمي وفركت بكل منطقه وبعدين تعرضت للبخار بعد وفركت شويتين وبعدين غسلت..
والله يابنات نعووووووومه رائعه وماتتصورون..
الملح مثل الصنفره والزيت يرطب وعاد تخيلوا انتم النعومه..
لدرجة ان بنات خالاتي صغار مابعد دخلوا المدرسه يعني صغار قربوا مني وقعدوا يلمسوني يقولون الله انتي مرررره ناعمه..
عاد تعرفون الاطفال لايجاملون ويقولونها لك ببراءه.. والله اني فرحت..
ملاحظه : لاتستخدمون البخار يوميا لان سمعت انه موب زين وبيني وبينكم اي شي اذا زاد عن حده انقلب ضده.. يعني دائم ادهنوا واغسلوا بدون بخار وخلوا البخار مره او مرتين بالشهر..
او بإمكانكم تعملونها قبل الدوش ..والله يوفقكم..وطبعا بعد الدش استخدمي اي كريم مرطب..
والله يعلم انها عن تجربه ومع الاستمرار بتفتحين وتنعمين وتصيرين راااااااااائعه واسألوا مجرب..
يابنات انا استخدمت زيت اصلي يعني اذا مانفع معاكم ومااستفدتوا يمكن من الزيت لانه هو الاساس..
من بغى الزين يصبر ويتحمل ويستمر وان شاء الله يوصل للي يبيه..
بنات كل اللي نعاني منه سببه سنين واهمال مننا يعني لازم نتعب شوي مافي شي يغيرك في يوم وليله مثل ماتجمعت هالامور بجسمنا يبغالنا نصبر عليها ونستمر حتى تروح ونرجع مثل يوم كنا صغار.. لانها مجرد تراكمات السنين..
وابعدوا عن كل الكريمات الكيماويه والله ماتزيدكم الا مشاكل..
والله يوفق الجميع.. وان شاء الله تعجبكم..
مكرونه لذيذه @mkronh_lthythh
عضوة نشيطة
يلزم عليك تسجيل الدخول أولًا لكتابة تعليق.
قلبي %زجاج%
•
جزاك الله خيررر بقول لأختي عن سواد الرقبة إن شاء الله تستفيد
جزاك الله الف خير حبيبتي ..
بجربها وأقولك ان شاء الله بالنتيجه بعد اسبوع ..
دمتي سالمهـ ..
بجربها وأقولك ان شاء الله بالنتيجه بعد اسبوع ..
دمتي سالمهـ ..
الصفحة الأخيرة