نعم نفس الاعراض وصرف لي المستشفى 3انواع من الحبوب 2مضادات حيويه واحد للارتجاع المريئي شهر ولكن ماتحسنت رحة للمانع وصرفوا لي نفس العلاج بس تختلف الصناعات قالو يبيلك بعد شهر والحمد لله الذي عافانا بعد المرض والله ماكنت اقدر اوقف على المجلى عشان اغسل احس بحراره في المنطقه اللي تحت القفص اللي هي المعده وزي السكاكين تقطع فيني والله يعافي اختك

( سبحان الله عدد ماكان وعدد مايكون وعدد الحركات وعدد السكون)

ياعمري الله يشفيها

اختي بقولج عن حالتي اخر رمضان الي طاف تقريبا بالعشر الاواخر جاني الم بمعدتي شي موطبيعي جاني معاه خوف ماقدرت اتحمل لا زوجي ولا عيالي الدنيا صارت سواد في سواد بوجهي صرت اخاف اقعد بروحي تركت شقتي وزوجي قعدت عند اهلي حزن عجيب هم وسواس موطبيعي تقريبا صرت مثل المجنونة ماأنام من الخوف بس كلة تعبانة مغير اتسدح ماعرف اقعد كرهت الروحات والجيات صرت ما اكل واذا اكلت احس بغثيان ودوخة واستفرغ الدمعة ماتفارق عيوني فقدت طعم الدنيا وحلاوتها بس انطر الموت كل شي وسوست فية الموت الامراض واشياء اكثر لو اقولها ماتصدقين قالوا يمكن عين صرت اروح مشايخ يقرون علي ماكو فايدة
زبدة الكلام قعدت عند اهلي تقريبا3 شهور ونص وانا على هالحال وربي كنت بين الحياة والموت
بعدها قالتلي اختي روحي اكشفي على معدتج لانها سمعت دكتور بالتلفزيون يقول ان هاذي اعراض المعدة وفعلا رحت لدكتور معروف عندنا بالكويت وسوا لي منظار قالي فيج جرثومة بالمعدة مع تقرحات وعطاني اول شي علاج لمد اسبوعين قوي شوي العلاج بديت اتحسن شوي وبعد الاسبوعين عطاني علاج لمدة شهر خلصت العلاج وبعد كم يوم بدت ترجع لي الحالة ورجعتلة مره ثانية والحين يعطيني مهدئات ومسكن للغازات بس المشكلة اذا خلص العلاج تردلي الحالة وارجع لة يكتبلي مهدئات واتحسن وانا للحين على المهدئات يقولي عادي بعد العلاج ماتتحسنين على طول يبيلج كم شهر عشان تتحسن المعدة وتلتئم تقرحاتها والحمدلله على كل حال وربي خلا تعبي نزل وزني تقريبا 14 كيلو بغيت اموت على طول تكرمين ترجيع مايقعد شي على معدتي
الحين الحمدلله احسن شوي بس اذا اكلت دسم اروح فيها اتعب وارجع ويرجعلي الوسواس وحالتي حالة اتمنى افتك من المهدئات
راجعوا في اختج خلوها تنتظم على العلاج والشافي رب العالمين

ياعمري لو اقولك اعراضي ماتصدقين الي يقول قولون عصبي والي يقول جرثومة معده
بس سبحان الله من احلامي اكتشفت انه حسد ترى لو تحط الرقيه على موضع الالم بيخف ان شاء الله والله يشافي الجميع يااااارب