لكل من تعاني من نقص مخزون المبيض ..ادخلي وادعيلي

السلام عليكم بنات اليوم حابة اشاركم تجربتى وان شاء الله تستفيدون انا من 5 سنوات ابتداءات الدورة عندي تخربط زما تجي بانتظام .. وكنت اراجع العيادة النسائية وكان التحاليل كلها نضيفة والسونار وفحص الدم ..وكانت الدكتورة تقولي هاي من التفكير والقلق انسيها بتنتظم ... المهم مر الحال من 2015 وانا في هذا الوضع وكل مرة صارت تتاخر من شهر ونص لشهرين ل ثلاث والموضوع كان بجد موترني ..في 2018 تزوجت وكالعادة لي اي واحدة تتزوج تروح تدور ع الحمل مع العلم ان عمري 39 سنه و من اول مقابله بعد الزواج اتفاجى ان الطبيبه تقولي انك ما حتقدري تخلفي واكسبي زمنك وروحى لمركز خصوبة وذكورة وقالت لي بسببب ان التحاليل بتشير الى ان هرمون البسا fsh عالي ودا معناته ان المبيض مافيه بويضات تطلع وقالتلي الحقي نفسك وروحى مركز في الهند ابعتى التقرير الهم افضل ... ما تقدرو تتخيلوا معاى الاحساس الحسيت بيه بنات والله حسيت بقهر وحسيت ان الدنيا لي هنا انتهت وبكيت بكيت من قلبي واتعاطفت معاى وانا في بالي بقول ليش هالدكتورة ما تحس بالناس كيف هالاسلوب ... المهم عشان ما اطول عليكم ... طلعت منها ورحت البيت وبديت ادخل النت ادور عن اعشاب وعن وصفات وادعية قلت في نفسي ما حاروح اى مكان وانا الحاعالج حالي واتوجهت لله عز وجل بالدعاء ومن خلال بحثي لقيت حاجتين عملت بيهم :الاوله : حصلت دعاء في اليوتيوب (يا ذا الجلال والاكرام اكرمني) احد الشيوخ يروى عن سرعه الحمل بهذا الدعاء رغم كانت الاسباب فهو اعجاز وكتير ناس رزقوا بالاطفال بالاتزامهم باهالدعاء لشهر متواصل ..وقريت كل تعاليق البنات في اى قناه نازل فيها هالدعاء العندها 5 سنين والعندها10 و30 سنه ما خلفت حملت .. صراحة اعطاني حاااااافز ورفع معنوياتي الحمد الله ..وصرت زى المجنونه اردده الحاجة التانية : الفيتمينات - بديت ادور عن سبب نقص المراءة للخصوبة وجدت ان بيحصل نتيجة لفقد المراءة عند تتقدم في العمر لفيتمينات معينة من ضمنها : الكالسيوم - وB6- والحديد والزنك .....الخ ولقيت واحدة في منتدى ذكرت ان كان عندها نفس الشي واخدت فيتامين عبارة عن كالسيوم وماغنسيوم بقوة 600 مع فيتامين B6 وكانت منزله صورة العلبة وقالت بعد الاستخدام اجتها الدورة ...دورت على العلبة حصلت ان الشركة سكرت فدورت على بديل وحصلت في الولايات المتحدة بعت جبتهم بالاضافة الى مكمل خصوبة وفيتامين دال +A - والسلينيوم واستخدمتهم من تاريخ 1.1.2019 وفي بداية فبراير رحت العيادة قلت اسوي تحليل لقيت طبيبهغير الاخصائية كلمتها وشافت التقرير وقالتلي نفس الكلام وقالتلي حاديك هرمون انزل بطانه الرحم وتانى يوم تعالي اعملي التحليل وفعلا وفي 25.2.2019 رحت العيادة حصلت نفس الطبيبة الاولي قالتلي ليش جيتى صراحة انت بضيعى في وقتك ... استحيت منها قولتلها اخواتى طلبو منى اراجع من تاني والمرة اللطافت لقيت طبيبه اعطنى هرمون وطلبت منى تانى يوم اسوى الفحص قالتلي اوك بعيد اعملك الفحص وكونك نزلت الدورة بالهرمون ما حيكون في فايدة لن اتعدى نسبه عالية والهرمون لما اتعدى ال 30 مااااااااا بنزل ابدا .. وفعلا عملته وطلعت مع نفس الاحباط وكان مفترض اروح اخد النتيجة في اليوم البعده ما رحت وبعد 3 ايام اجينى اتصال من رقم ارضي وما هي الا نفس الطبيه بتقولي مبروك الهرمون نزل وانا صراحة مصدومة من الحصل ورجعت المعمل سالتهم لا يكون في غلط قالو لا وطلبت منهم اعيدو الفحص عادوه والهرمون رجع للطبيعى 7 ... انا كنت في الشغل وحولي البنات ما عرفت ارد ... بس الحمد الله بعدها جري رحت المستشفى وشفت التقرير احمد يا الله يا ذا الجلال والاكرام اكرمنى يا الله وملاحظة الاعراض الكانت عندي من هبات سخنة وارق كلها راحت وابتدت تجينى افرازات من بعد ما نسيتها حبيت اشاركم تجربتى بنات ودعواتكم لي بالحمل اعطتني الكلوميد