ليلة بحر @lyl_bhr

محررة برونزية

لكل من توفى عزيز عليها تتفضل نواسي بعضنا الله يرحمهم

السلام عليكم اخواتي العزيزات جميعاً

أنا فقدت ابوي الله يرحمة توفى فجأة وبعدها بسنة

توفت أمي الله يرحمها واموات المسلمين

طبعاً ماتتخيلون وشلون عالمي انهار وكل شئ تغير

طبعاً أكيد اللي توفى لها أحد بتعرف أحساسي لها

أحساس بالقلب وألم بحس أني ابنفجر أحياناً

واذا رحت تكلمت مع أحد مايفهم شعوري خاصة اللي ماتوفى

له أحد مايعرف الأحساس انا ابغى اتكلم مع أحد اذا اشتقت

لأمي ماأحد يعطين وجة وزوجيي يقول وشولة تضيقين صدرك..

المهم فكرت فيكم وقلت اكيد فية أحد مثلي خل أكتب موضوع

ونجتمع ونواسي بعض ونقول المواقف اللي حصلت لنا عند وفاتهم

طبعاً فية شئ ضروووووووري ومهم تعملونة عشان تخف الجراح عليكم

وانا سويتة وكل من رحت عزيتة قلت له اللي طبق كلامي ارتاحوا مرررة

واللي مااهتموا والله الى اللحين عايشين بحزن

اول شئ تخلصوا من أغلب الأشياء لميتكم الله يرحمة ويغفر له

انا يوم توفت أمي الأسابيع اللي تلت اذا رحت للبيت وشفت غرفتها

وملابسها واغراضها بكيت واحياناً ماابكي لا بس ينعصر قلبي بألم شديد

واجلس افكر فيها وليتني عملت لها كذا ليتها ماماتت ووو وابليس يفتح

لي ابوابة وصرت اكرة بيت أهلي وشفت ان أخواني مثلي صاروا مايدخلون البيت

عشان ماتضيق صدورهم ويتذكرون

المهم هدان الله لفكرة وطبقتها

وهي استئذنت ورثتها اللي هم أخواني وجدتي طبعاً هذا كلام الشرع والمشايخ

مايجوز تتصرفين بأي شئ الا برضى الورثة

المهم قمت وشلت سريرها ونقلتة لغرفة ثانية وأخذت ملابسها وارسلتهن للجمعية

وغيرت غرفتها خليتها غرفة لأختي وتصدقت بدولابها

المهم شلت كل اثر لها الله يرحمها

تدرون ليش ؟؟

عشان تتفرغين تدعين لها وتصدقين عنها مو تروحين تشوفين اغراضها

وتصيحين وتخربين حياتك لا انتي استفدتي ولا افدتي

تدرين الميت يتعذب بصياحك طبعاً اذا صار بكاء شديد اما اذا صار حزن

فلا باس لأن الرسول صلى الله علية وسلم قال إن القلب ليحزن وإن القلب

لتدمع وإنا على فراقك يا إبراهيم لمحزونون

وانتبهوا من الصياح والبكاء هذي وحدة من قريباتي حلمت

أن زوجة اخوها اللي توفت تقول لها تكفون تراكم عذبتوني بصياحكم وقفوا

وهم كانوا كلهم يصيحون عليها

ارجوكم اخواتي خبروني أنتم نفس أحساسي

وهل عندكم مانع تشاركوني بهالموضوع لأن عندي مواقف كثيرة ماخلصت

واخيراً اسأل الله العلي القدير المغفرة لموتانا

اللَّهُمَّ اغْفِرْ لَهُم وارْحَمْهُم وعافِهِم واعفُو عنْهُم وأكرمْ نُزُلهم ، ووسِّع مُدْخلَهُم ، واغسلاهُم بالمَاءِ والثَّلْجِ والبَرَدِ ، ونَقِّاهِم من الخطَايا كَمَا نَقَّيْتَ الثَّوبَ الأَبيضَ من الدَّنَسِ ، وأَدْخِلْهُم الجَنَّةَ وأعِذْهم من عَذَاب القَبْرِ (ومِنْ عَذَاب النَّارِ )

يا ايتها النفس المطمئنة ارجعي الى ربك راضية مرضية فأدخلي في عـبادي وادخلي جنتي
وبشر الصابرين الذين اذا اصابتهم مصيبة قالوا انا لله وانا اليه راجعـون

820

يلزم عليك تسجيل الدخول أولًا لكتابة تعليق.

تسجيل دخول

الــغــيــد • 14 سنة

الله يرحمهم يارب ويصبر قلبك ويرحمنا اذا صرنا الى ما صاروا اليه

oOصفاOo • 14 سنة

الله يرحمها ويغفر لها وجميع أموات المسلمين ويصبرك..

تصرفك سليم..

لي عودة بالتعليق بإذن الله..

قصيميه بجده • 14 سنة

<< تتنهد

الله يرحمهم جميعا يارب صبرنا

امي وخالي وجدتي وخالي الثاني توفو ورا بعض بسنين متفاوته ومازلت ابكيهم :(

الله يجعلهم من امة مرحومه ويجمعنا واياهم بجنات النعيييييم يارب ياكريم

نوف الحربي • 14 سنة

الله يرحمهم ويغفر لهم
انا حاسه بمعاناتك
انا فاقده ابوي ومتأثره جدا لفراقه مع انه صار له 4سنوات
الله يرحمه ويغفر له
انا بعيده عن اهلي
لكن لمن أنزل لهم احس بألم شديد ونفسيتي تتعب أكثر
مع أنه أمي واخواني متواجدين
وبايعين البيت لكن سبحان الله
ونصيحه لمن تحسين أنك بحاجه لهم عليك بالدعاء لهم وكثرة الاستغفار

~~Nona~~ • 14 سنة

الله يرحمهم و يغفر لهم