السلام عليكم ورحمة الله وبركاته
والله لك وحشه يالمجلس العام يابعدي
بقولكم قصتي واحاول اختصر فيها >> ماظنيت
طبعا سمعتوا بالمسابقه اللي بين الترفيهي والمجلس العام
في اول يوم بدت فيه المسابقه كانت حماسيه وبسرعه نحاول
نفذالطلبات لأن السرعه عليها درجات
فلأني قائدة فريق المجلس حاولت اخلص بدري عشان البنات
يسوون نفس طريقتي ارتب
وفعلا خلصت الحمدلله بدري .. صليت الظهر ونمت قلت بريح
ساعتين قبل الغداء
لما صحيت اكتشفت ان مافي حراره بالتلفون والنت مقطوع
وعرفنا بعدين ان الكيبل الاساسي اللي برا مقطوع من الحفريات
والله ضاق خلقي وشلون الحين اتابع مسابقتنا
وكيف اعرف البنات وش سووا المهم حاولت باللاقط وشبك شوي
وجمعت شغل البنات اللي خلصوا
النت تقريبا فصل عني هذا غير انه كان ضعيف جدا
على11ونص تقريبا في الليل فصل ياربي وش هالحظ مافصل الا اليوم
لي شهور وانا مرتاحه ومودمي ببيتي وش صار وشمعنى
استغفر الله اكيد بذنبي اكيد ماكنت مخلصه في الردود ويمكن ويمكن
وهالنفس تلوم وتلوم الله يعين
المهم صار ثاني يوم الصبح وصار الظهر حتى اللاقط صار مايلقط
شبكات ولا في أي اتصال بعالم النت
اتابع من الجوال بس مو على راحتي ولا اقدر ادخل
وانا مقهوره فريقي مدري وش سوا
وطلبات المرحله الثانيه حطتها متى بسوي اللي علي
سبحان الله وفجأه
الا تجيني على الساعه وحده ونص تقريبا رساله
عالبلاك بيري من الدكتوره ريم الباني تقول فيها :
اذا حزبك أمر لايكن ملجاك ولا منجاك الا لله الوكيل
في الترمذي عن سعد بن الوقاص قال قال رسول اللهصلى الله عليه وسلم
دعوة ذي النون اذ دعا ربه وهو في بطن الحوت
لم يدع بها رجل مسلم
في شيء الا استجيب له
وفي رواية " اني لأعلم كلمة لايقولها مكروب الا فرج الله عنه
كلمة أخي يونس
د. ريم الباني
قلت يا الله ويني عنها سبحان الله يارب تكون رسالة خير
والله قعدت اسوي شغلي وارددها وارددها
على الساعه 4ونص ابحث عن شبكات
والحمدلله والله شبكه كانت قبل مقفله انها انفتحت
والشبكات اللي كنت القط منها مازالت مقفله وهذي اسرع
ماشاء الله
حاولت اخلص شغلي قبل لاينقطع لكن الحمد الله ظل تمام
الى الليل وشيكت على شغل حبيباتي فريقي لبى قلوبهم وقلوبكم
يالمجلسيات
طبعا عرفنا ان عمال الصيانه قاعده تشتغل فيه بالليل بعد
صلاة العشاء ولما صارت 2ونص الحمدلله رجع النت
لسابق عهده وتركت اللاقط واخذت راحتي
المهم قعدت افكر كثيييييير برسالة الدكتوره الداعيه
والله في اشياء كثيره نهملها او نتجاهلها ا وان الشيطان
يكون اشطر منا ويلهينا عن تذكرها ..طبعا نعرف فضلها
لكن وقت الحاجه قلما نتذكرها
والقلب المفتح واللسان الرطب بذكر الله يلهم سبحان الله
كل ذكر وفضله وعظيم وقته
صدق انا كنت استغفر طول الوقت بس سبحان الله لأن فضل
لا اله الا انت سبحانك اني كنت من الظالمين مقرون
ببحزب الامور او صعوبتها وفيها من تفريج الكروب مافيها
يمكنانا موضوعي بسيط وومكن بعضكم يستتفه لكن بوقتها
انا كنت مكروبه خصوصا اني مسؤله عن فريق
وفعلا التجأت الى الله وقلت يارب يمكن عشان ذنبي الفلاني
ولا الذنب هذا أوالذنب هذا قعدت افكر بأخطائي
( و الله يكفينا شر الكروب صغيرها وكبيرها )
وكل وحده منا عندها كرب خاص فيها اللي بسيط
واللي عظيم .. وكل واحد يقيم كربه وايا كان حجمه اجعلي الله
تعالى ملجأك
ولاتنسي قول
( نسيت ابشركم ترى فزنا بالجولة الأولى الحمدلله ) :hahaha:
احسن الظن بالناس كأنهم كلهم خير
واعتمد على نفسك كأنه لاخير في الناس
لا اله الا الله
نفس مطمئنه @nfs_mtmynh
كبيرة محررات
يلزم عليك تسجيل الدخول أولًا لكتابة تعليق.
ربنا يسعدك ياريت كل الهموم مثل هذا الهم ..........وشو قصة المسابقة انا اول مرة اسمع فيها.... .لان دخولي قليل ..يا ريت توضحيها ممكن افيدكم واساعد هههههه لأن انا من عشاق المجلس العام
الصفحة الأخيرة
لا اله الا انت سبحانك اني كنت من الظالمين...
جزاك الله خير..