لكل من حست بنبض في الرحم تعااالي ساعديني- مغتربه ومالي الا انتي بعد الله

زعلانه ولا فرحانه :

شوفي ان شاءالله تطلعي حامل بأذن الله والله انا ما اعرف بس انتي عندك خبره مدام حملتي قبل كده ايش كنتي تحسي اول في حملك واما بنسبه للنبض انا والله يجيني شي ينبض نبضه احس فيها واقول ايش هدا كانه شي يتحرك في رحمي بس ما اطلع حامل ما ادري ايش هدا الشي شوفي انا اقلك طريقتين قبل لا تروحي تسوي تحليل دم الطريقه الاولى من امي اول ما تصحي من النوم قبل ماتروحي الحمام يعني لازم تكوني حشرانه الله يكرمك انسدحي على الارض من دون مخده لازم يكون جسمك مستقيم على الارض على ظهرك وحطي كفك على سرتك واضغطي عليها اذا حسيتي بنبض وسمعتي كانه في نبض انتي مو حامل يعني الرحم فاضي واذا ماحسيتي بنبض يعني حامل بأذن الله هذي امي قالتها لاخواتي وليا ولحريم اخواني ولجاراتها وتقول انها في كل حملتها فينا انا واخواتي كانت تسوي هدي الطريقه ماكان في تحليل انا امي سوريه وبابا سعودي وذي ماتعرفو في سوريا كانو الدايات يعلمو بعض اما الطريقه الثانيه شفتها هنا في المنتدى عالم حواء انو اول ماتصحي من النوم وتسوي البول في شي قزاز يتحمل النار يعني قدر شفاف المهم وحطي البول على النار خفيفه اذا صار البول جامد زي الجلي هدا انتي حامل واذا فضل البول ذي ماهوا وسائل انتي مو حامل والله اعلم هوا صح قرف بس ايش نسوي ربنا كريم ويعطينا حتى يرضينا قد ماتعبنا يعطينا ااامين

شوفي ان شاءالله تطلعي حامل بأذن الله والله انا ما اعرف بس انتي عندك خبره مدام حملتي قبل كده ايش...