لكل من خاض الاجهاض المتكرر..ارجو التفاعل

اول شي انا بدعي لكل اخت خاضت تجربة الاجهاض وخصوصا لمن تعرض للاجهاض اكثر من مرة

هي تجربة مؤلمة جدا سواء نفسيا او جسديا او عاطفيا

الله يعوضنا ويرزقنا واكيد كل شي بسير بهاي الدنيا لسبب الله الوحيد الي بعلمو بس اكيد الا ما تكون خيرة النا

لكل اخت تعرضت للاجهاض بدي اسالها

كم مرة اجهضتي؟ وباي شهر؟ وشو كان السبب؟ وهل بعد الاجهاض صار حمل طبيعي ولا بعد علاج الاسباب ؟

بتمنى الكل يشاركنا بتجربتو ممكن نستفيد منها ويكون سبب بمعرفة سبب الاجهاض او ينبهنا لامور ما كنا منتبهين الها ... او على الاقل يعطينا امل بحمل سليم معافى

انا راح ابدا بحالي ...انا اجهضت مرتين والمرتين وصلت لل اسبوع الخامس وبعدين فجاة بسير ينزل علي دم كم يوم وبعدين خلاص بروح الحمل عملت تحاليل ولسة النتايج لهلا ما طلعت وبس تطلع واعرف شو صار معي راح اجي واخبركم ممكن يكون سبب لاخت اخرى بتعاني من نفس حالتي



وتجربة صحبيتي كمان تعرضت للاجهاض مرتين وبعد التحاليل اكتشفت عندها خمول في الغدة الدرقية وحاليا الحمد لله حملت للمرة الثالثة وهيها بتتعالج وبتاخد هرمونات معوضة

ارجو التفاعل خواتي