لكل من سافرت تركيا ...

افااااا. يابنات حواء ماهقيتها منكم 47 مشاهده ولارددد
الله يسامحكممم وانا اقول لزوجي بنات حوا ييساعدوني خييبتو ظني فيكم

وعليكم السلام ورحمة الله وبركاته


لا تزعلي ي قمر البنات كلهم في الحياة الاسرية والأمومة ما شاء الله باقي المنتدى احسو مهجور


المهم


الوقت من المدينة لتركيا مني متاكدة كم بس اتوقع اقل من جدة لانو من جدة لتركيا 3 ساعات بس صدقيني من الحماس ما حتحسي بيها


الإجراءات ابدا مافي بس احجزي الطيران ازا لسا ما حجزتي في موقع اسمو my trip يجيبلك أفضل أسعار الطيران وبعدين افتحي بوكينج او أجواد واحجزي الفنادق واطبعي إيميل الحجز عشان تآخدي معاكي للتشيك ان ما انصحك تآخدي فندق بأكتر من 500 ﷼ في الليلة لانو وقتك كلو حيكون برا وما حتستفيدي شي


الفيزا من المطار هناك وأظنها وصلت 60 $ للجوآز الواحد


طيب بالنسبة للأماكن انتي عندك 7 ايام فاتوقع حتقتصر على اسطنبول بس وازا مررررة حبيتي ممكن تزوري بورصة يوم وترجعي


السكن عندك منطقتين السلطان احمد اللي هيا المنطقة التاريخية او تقسيم وهيا منطقة حيوية اكتر وممكن تسكنو في شيشلي ازا تبغو تبعدو عن التجمعات وتبغو الهدوء


الأماكن حقولك هيا مبدئيا حسب قربها من بعض وازا تبغيني أعملك جدول من عيوني ما في مشاكل بس امري


السلطان احمد ( المسجد الأزرق - أيا صوفيا - توب كابي - اليارابيتان او صهاريج الماء - حديقة جولهانة - ساحة المسلات - وفي سوق كدا مدري ايش اسمو )


منطقة غلاطة فيها برج غلاطة وجسر غلاطة يوصل لامينونو وامينونو دي اللي هيا منطقة المراكب اللي تبيع ساندويشات السمك اللزيييييزة اللهم اني صائمة ☺ وفيها السوق المصري وسوق محمود باشا ووالسوق المسقوف 3 أسواق جنب بعض وكمان تقدري انك تآخدي جولة البسفور من هناك وتقدري من وارتاكوي


في كمان منطقة أيوب عبارة ممكن تزوريها معاهم بنفس اليوم


قلعة روملي حصار وحديقة الاميرقان على كورنيش سارير الاتنين


كمان منطقة بشكتاش تطلعي منها رحلة لجزيرة الأميرات وفي نفس المنطقة قصر الدولما باشا ومنطقة ارتاكوي الجمييييلة الرومنسية اللي اعشقها ومشهورة بمحلات البطاطس المحشية والكريب وتطلع منها كمان جولات البسفور وارتب من امينونو صراحة انصحك تكوني هناك ع الغروووووب شي م يتفوت صراحة


دا كلو في الجزء الاوروبي


اما الجزء الآسيوي عندك ميناء الاسكوادر وتل العرايس وشارع بغداد وقصر بيلاربيه وبرج البنت وفي مطعم اقولك عليه مرة لزيز ☺


وممكن تطلعي يوم على بورصة من يني كأبي وتزوري ( جبل الاولداغ وتركبي التلفريك وسوق الحرير والمناشف والشجرة المعمرة وتوبهانة ومطعم حجي دايخ )


الملاهي عندك ڤيآلآند
والمولات ڤيآبورت زي الآوت لت ماركات مخفضة واستينا بارك في منطقة ترابيا حلوة ومول العرب كلهم لازم يروحوه جواهر مول وفي اكوا فلوريآ مول
وعندك حديقة فلوريآ وفيها بازار كل يوم أربعاء وكورنيش فلوريآ


وأماكن كتير بس قوليلي تركيزك اكتر ع أسواق ولا متاحف ولا ايش عشين نقدر نحدد اكتر


وابغى اقولك كم نصيحة عامة عن تركيا


حاولو قد ما تقدر تكون فلوسكم فكة وتتفقو على سعر كل شي من البداية خصوووووووصا مع حقون التكآسي ازا حسابو 40 تعطوه 40 فكة او ازا مرة مافي 50 لانو ممكن لو أعطيتوه 100 مثلا يختفي فجاة او يلخبط لكم الحساب او بقولكم المشوار بعييييد ويقعد يأفلم وازا قابلكم واحد يعلي صوتو وكدا لا تنفجعو ترا كلها أفلام عشين يخوفو السياح وياخدو فلوس ارفعي صوتك انتي كمان وقولي حتصل ع الشرطة صدقيني حتاخدي حقك وفوقو بوسة كمان من قبل ما ترفعي الجوال حتى اتاكدو من حسابكم دايما وشيكو في وقتها وانتبهو من الفلوس المزورة


والاسعار خصوصا بالبازارات طيحو النص دايما لأنهم دايما بيرفعو السعر اتزكر شنطة كانت ب120 ليرة أخدتها ب40 شوفي كيف


جربي تركبي المترو والدلموش والباصات احلا وتشوفي جمال البلد وتعرفي حياتهم اكتر غير انو اوفر وأريح من نصب التكآسي


وبس الله يسهلك وتكون احلا سفرة في الدنيا


وازا بدك اي شي اطلبي لا تستحي انا بالخدمة 💕

إن شاء الله اللي سافروا لتركيا يفيدوكي

بناات مين بتساافرر قرريب
لانهم محذرين السفاره السعوديه
والله يحفظناا باإسمه العظيم الأعظم ..

لالامافيه تحذير ولاشي انا رحت العام والسنه هذي باذن الله حروح الله يحفظنا ويحفظكم بحفظه بس ايغى اعرف كيف الطقس هناك ف شهر اكتوبر 1 هجري