شمعة الدور

شمعة الدور @shmaa_aldor

كبيرة محررات

لكل من شاركت او قرأت موضوع فن التقديم للذويقات...عاجل

ساعدوني

حياكم الله جميعا..أولا بقولكم شي مهم أن الي بقوله من قلب صادق ومحب:ياأخواتي الغاليات أنا ذهلت لما قريت موضوع التقديم!وش هالمبالغات والاسراف الفظيع كلها مظاهركذابه لاحول ولاقوه الابالله وتاصل لدرجه صبابات بالمستشفى بعد!وتزيين باب الغرفه:( وحلى وصواني بالالاف وكل وحده تقول وش فيه بعد شي جديد!انا لااعترض ان الوحده تقدم عصير وحلى وفطاير والي تبغى ولكن باعتدال فيه شي معقول لكن ماقرات تبذير ماله داعي الوحدة والدة وطالعة من كربة وتقلب جلست ضيوفها لمجلس عروس صبابات واسكريم وهدايا وصواني من محل وتركيبات طيب الذوق حلو ويفتح النفس ولكن ليس بالشكل الي قريتة!والمصيبه ان الي تشوف كذا بتحاول تقلد لو ماتقدرويمكن تتسلف:( وبغض النظر عن التبذير عيني عليكم بارده الوحدة لها خلق بعد الي شافتة بالولادة وبعد الولاده والم الخياطه ووووو وكان الله منعم عليكم ماديا ولاتعبتو بالفلوس خلو مبلغ صدقه وشكرلرب العالمين على نعمه الخلفة واسفة اذا كان كلامي زعل اوجرح احد:26:
19
2K

يلزم عليك تسجيل الدخول أولًا لكتابة تعليق.

تسجيل دخول

Deema 22
Deema 22
والله إنك صادقه
ورود الدار
ورود الدار
الصراحه انا ما جربت هذي كلها ...بحكم اني مغتربه واذا قريتها اقول ما ودي ارجع لان مالي نفس لكماليات ووجع راس مالها اهميه غير المباها والمظاهر ...

انا أأيد الورود لانها تفتح نفس الوالده وتحاول تغير جوها شوي ...

وأييد ان الناس يجتمعون عندها يسلونها وايد انه طبعا يكون فيه اشياء حلوه للتقديم

بس الي ما احبه التكلف الزايد بصواني التقديم وتصير الصينيه كنها عمل فني ...والصراحه ما اشتهي الاكل اذا قدم لي من هالصياني

انا احب الساده والكلاسيك...وتكون الاشياء فرش وطمعه

اما السوفينرات احسها يمكن للي يحبون الذكرى ..ولكن ترى الناس ما يحتفظون بها يرمونها في اقرب سله مهملات ...وش بيسون بها؟

فا من الممكن انت تسوين ذكرى لابنك مثل : طبعه رجله من تحت على جبس ابيض وبعدين تسوين لها اطار

والصبابات عاد هي كلها بميت ريال وتريح اهل الوالده خصوصا اذا كان ما عندهم احد له خلق صب ..والا يجبون شغالتهم تساعدهم

اما التكلف بالمفارش والخرابيط الثانيه ...نصيحه ماله داعي

عاد كل واحد بهواه والشي الي يرتاح له بس ترى لو تكلفت الوحده خارج عن حدودها ما راح تستانس وراح تجلس تفكر بالفلوس الي ضيعتها

ودعواتكم ان ربي يرزقني بالذريه الصالحه
~~أم فيصــــل~~
اما السوفينرات احسها يمكن للي يحبون الذكرى ..ولكن ترى الناس ما يحتفظون بها يرمونها في اقرب سله مهملات ...وش بيسون بها؟


والله انك صادقه خساير على الفاضي
~¤§الآآآآســـره§¤~
جزاك الله خير

انا معـــــــــاك والله من اللي اقراه صرت اقول الوحده تكره تحمل وتولد من هم التنسيق والترتيب والدفع والتميز!!!:09:

برأيي ان الاموال هذي يصرف منها صدقه شكر لله على سلامة الام والوليد

والباقي يكفل بها يتيم باسم الوالدين او الطفل الجديد:)

والضيافه بالمعقوووول فيها خير وبركه وراحه حتى للضيوف اللي حاسين نفسهم في مكان رسمي وحفل تخرج او زواج!!!!!:eek:
timoon
timoon
هلا اختي

الموضوع يعتمد على المجتمع اللي انتي فيه مثلا ممكن نشوفه تبذير غيرنا يشوفه ضروري يعني لو ماقدمتي لضيوفك شي يبيض الوجه راح ينقدونك

والزواجات اشوف فيها تكلف اكثر من النفاس

وكل وحده اكيد بتجهز حسب ميزانيتها