لكل من طلبت اني اطمنها الحمدالله عملت تنظيف

:icon33:السلام عليكم

اول شي الحمدالله على كل حال والله يعوضني يارب ويرزقني بالولد الصالح المعافى بس مو الحين :icon33:

بعد ماوقف نبض الجنين ورحت للدكتوره عطتني حبوب تفتح الرحم وقلت زين لو نزل ماني مسويه


تنظيف عمري ماسويته وخايفه بشكل مو طبيعي لمن اجهضت المره الي راحت رفضت اسويه طبعا بالسعوديه قبل يمكن 4 شهور وحضرتي مستعجله على الحمل حملت بعد الاجهاض على طول


المهم اخذت الحبوب وليتني ماخذيتها:icon33: فتحت الرحم وجاني الطلق وبدا نزيف مو طبيعي كأني وربي فاتحه بزبوز يكب كب الله يكرمكم

كابرت وقلت ماني رايحه بدا النزيف والطلق من 6 المغرب وقعت لين 9 وكل مادخلت الحمام الله يكرمكم

تطلع قطع دم كأنها متجلطه وكل 10 دقايق تطلع مع نزيف

الساعه 9 اغمي علي بالحمام تكرمون :icon33:

جننت زوجي مسكين ماصار يعرف يتصرف وأشر له جيب عطر شممني شكلي يضحك وربي

شممني عطر وعطاني عصير وصحصحت ورحت المستشفى وجت الدكتوره زي العسل الله يسعدها يارب

وقالت لازم تنظيف لأن بقي بقايا الكيس ماطلعت واحسن تنظيف للحمل الجاي ركبو لي جهاز الضغط كل

3 دقايق يشوف الضغط طااااااااااااالع نااااااااااااااااازل اول ماوصلت مكان 90 على 60 منخفض

الحمدالله سوت التنظيف بتخدير كامل ويارب لك الحمد الحين طيبه بس الدوخه ذبحتني

ماقطع قلبي الا امي تكلمني وتبكي الجمله تتقطع الكلام الي تبي تقوله يادوب يطلع حرف حرف

عساني مانحرم منها والله يخليها لي يارب ويفرحني بشوفتها ياشين الغربه بس الحمدالله صاحباتي هنا ماقصرو

ادري بهذلتكم بقصصي بس مالي غيركم افضفضلهم

ان شاءالله ماتشوفوني بهالقسم الا لمن اجي ابشركم اني حامل بعد 6 شهور :icon33::icon33:

اطمع في دعواتكم ادعولي بالخلف الصالح وان الله يحفظ لي بنوتاتي ويرزقني بأخ لهم

جزاكم الله خير