لكل من طلبت مني برنامجي لعلاج التكيس بأذن الله

بسم الله الرحمن الرحيم

صباح الخير على احلى بنات...

حبيباتي انا قررت اكتب لكم عن طريقه علاجي او نظامي اللي اتبعته والحمدلله شفيت من التكيس..
ولكل البنات اللي طلبوني على الخاص حبيت انزل الموضوع واشرح لكم فيه..

بالبدايه بقول معلومه صغيييره انا كنت اتعالج واتابع واخذ ميفليون وبروجلتيون وادويه للتكيس بس ماكملتها رميتها
وتركت المتابعه لحد ماكملت جدولي وسويت فحوصات وماشاء الله لاحول ولا قوه الابالله طلعت بخير,,,

اول حاجه لكل وحده حابه تشفى تستعين بالله وتترك كل وسواس عنها وتريح نفسيتها اهم مابالموضوع
والله ان النفسيه تلعب دور مهم بالعلاج صدقوني وعن تجربه خلي همك على الله توكلي عليه بكل امورك...
والتكيس له علاج وماهوا اخر شي بالدنيا..

ابدا بطريقتي..

اول شي جبت لي دفتر(الدفتر له قصه) وبديت اكتب لي برنامج امشي عليه واللي هو...
1-اخلط المردقوش مع الميرميه واخذمنها ملعقه كبيره واضعها في ماء يغلى عشر دقائق ويشرب
منه كاسين باليوم لمده شهر(انا كنت بعض الاحيان اصب الماء المغلي عليه واشربه مااغليه على النار)
2-تناول مقدار حبه الحمص من الحلتيت الابيض لمده اسبوعين بشرط شرب الحليب الطازج بعده مباشره على الريق
(انا كنت اشرب حليب المراعي او الصافي الموجود الا البودره لا)
3-جبت عسل كيلوا اصلي وخلطته مع 50جم غذاء ملكات النحل و40جم مسحوق طلع النخيل واتناول منه
ملعقه كبيره يوميا على الريق مع كاس ماء فاتر ولمده اسبوعين(انا كنت اخذ الحلتيته بالاول وبعدها الحليب وبعدين
بربع ساعه اخذ العسل والماء الفاتر واحسن لاتاكلين على طول استني ساعه)

وافضل شي لحالات التكيس المتقدم توخذ الاشياء لمده شهرين متواصله..
ملاحظه...

-العسل يوخذ من2يوم من الدوره الى اليوم14 من الدوره
-واللي عندها التهابات تغلي بابونج وحطيه بمغطس واجلسي فيه بعد الدوره
-اهتمي بنفسك واكلك وقت الدوره خلي الجبن عنك والمعلبات تزيد التكيس خلي اكلك من الطبيعه
خبز بر فواكه خضار لحوم حمراء اسماك ابتعدي ثم ابتعدي عن الدجاج والماكولات السريعه الارز والبطاطس والمخبوزات المعجنات ومنع السكر تماماوالاطعمه المحفوظه وانصح بالبصل كليه كذا او مع السلطه...
-اشرب ماء 8 اكواب يوميا
-وللتكيس اغلي الزنجبيل واضعه في مغطس واجلس فيه لمايبرد استمري عليه اسبوع بعد الدوره
ابشره واضعه على بطني عند المبيض واضع فوقه بلاستر الى الصبح..

وعليك بالرقيه الشرعيه انا احط ايدي على بطني واقراها وقت المغرب والفجر ولاتنسين حبيبتي قيام الليل
والاذكار وسوره البقره..والاستغفار
وداومت على سوره البقره بس الصراحه مودايم بس مااتركها وسوره الفاتحه والفلق والناس انفث في ماء واشربه بنيه الشفاء...واذا ماء زمزم افضل

-اما قصه الدفتر وهو اني بديت اكتب فيه خلطات للجسم الوجه الشعر ادعيه اي شي يطري في بالي وانا متضايقه
كنت اكرر لااله الاانت سبحانك اني كنت من الظالمين اكتبها استغفر فيه اكتب اي شعر يعجبني بالمنتدى
تركت قسم تاخر الحمل لفتره صرت ادخل اقسام ثانيه وغيرت حياتي صرت مااهتم بالناس اهتمامي بيتي
وزوجي والمنتدى والحمدلله نفسيا تغيرت من اول اي شي يزعلني يضايقني واحس بملل وطفش حاله:44:
وبعدهادخلت نادي صحي وتعرفت على بنات ورياضه ونظام صحي الحمدلله شفيت تماما..

فاللي ابغاه من اي وحده تعاني من التكيس تريح اعصابها وتتبع نظام خاص فيها هي تسويه لها تحط
اللي تحب واللي ماتحب فيه لاتحط يد على يد ابد ابدئي من اليوم وان شاء الله ماتخلصين الفتره الاوبيدك
احلى:04::04:يااارب...
وياليت خواتي تنسون فكره الحمل لو لشهر واحد بس وصدقوني بتحملون بعد مشيئه الله انا نسيته
لشهر توكلت على الله والحمدلله الله رزقني وعقبالكم يارب...
والله اني ادعي لكم قبل نفسي ولكل وحده متاخره اعرفهاوبعدها لنفسي...

واخيرا بنات ابغا دعواتكم لي بالشفاءوربي يهديلي زوجي واقوم بالسلامه انا والبيبي.:04:..
ممكن اتاخر بالرد عن اسالتكم لظروفي :35:لاكن بحاول قد مااقدر اجاوبكم...