لكل من عندها جهاز المشي السير ومن تخفف

وعليكم السلام
ياختي خذيها قاعده لو تهرولين بمكانك وتنطنطين بدون حبل راح تنحفين بدون اجهزه
اهم شي جسمك يبذل مجهود حركي متواصل سريع بحيث تحسين نفسك تلهثين وتتنفسين بسرعه
انا ماجربت السير لكن اذا وزنك عالي معروف انه يسبب اضرار للركب واسفل الظهر لانه يسوي ضغط عليهم
انصحك تبدأين بدون اجهزه جربي نفسك هل انتي فعلاً صامله وتبين تسوين رياضه ولا بس تشترينه وتركنينه بالمستودع مثل ناس كثير
يعني ابدأي اول شي مشي سريع 3 دقايق ثم هروله 5 إلى 10 دقايق مع تحريك الاكواع للخلف والامام مع التركيز على التنفس من الانف والزفير من الفم
ثم ابدأي طبقي تمارين الخمسه ميل موجوده باليوتيوب
او ابحثي عن تمارين زومبا وطبقي على قد قدرتك مو شرط تتقنين الحركه
او سوي تمارين الخواصر بالعصايه ثم تمارين الافخاذ وانتي متمدده على الارض
واذا مصره تبين تشترين جهاز رياضي انصحك بالاوربتراك لانه يحرك الجسم كامل بس لازم تتدرجين فيه اول شي 5 دقايق ثم ارتاحي ثم ارجعي مره ثانيه وتمرني عليه حسب استطاعتك لانه متعب .. ابحثي واسألي عنه واستخيري ثم قرري اذا يناسبك او لا لان كل وحده ترتاح بشي معين .


اما بخصوص اللي انصحك فيه بمشوار النحافه ابحثي بالنت عن الـ 10 نصائح لتخسيس الوزن للاخصائيه سالي فؤاد كذلك السبع نصائح اقرأيها وحاولي تطبقين اللي تقدرين عليه
كذلك قللي النشويات والكربوهيدرات بشكل عام الى الربع فقط وهذا الربع حاولي قد ماتقدرين انه يكون صحي مثل الشوفان والطحين البر وعوضي هذا النقص بالسلطات الورقيه والخضار الغير نشويه لانها ماتسمن وسعراتها الحراريه منخفضه جداً
وبين الوجبات اذا حسيتي بالجوع سوي لك شوربة فطر او بروكولي او كرافس بمرق الدجاج واشربي منها الى ان تكتفين
او سوي لك فوشار بالمايكروييف بدون زيت كلي منه مقدار كوبين كبار
واذا اشتهيتي شوكلاته مسموح قطعه قد علبة الكبريت شوكلاته غامقه مره باليوم ويفضل مره بالاسبوع
وانصحك تبحثين عن طريقة الخبز المشبع لسالي فؤاد
وكل ما اكلتي ألياف وبروتين راح تحسين بالشبع السريع وماراح تحسين بالجوع بسرعه
اما اذا اكلتي سكريات او نشويات كثير للاسف راح تحسين بالجوع بسرعه وتشتهين الحلا والسكر وماتشبعين