لكل من عندها خبره في مستشفى الملك فيصل التخصصي؟؟

الحمل والإنجاب

مرحبا كروشات
كيفكم ان شاءلله مبسوطين ومرتاحين:27:
ادري اني ازعجتكم وغثيتكم وتعبت المشرفات الله يجزاهم الف خير
بس الشكوى لله
واخيرا قررت بعد مشاورات اني اولد في مستشفى الملك فيصل
والله يسخر لي يوم ولادتي وجميع الحوامل بناس يرحمونا ويهونون علينا :44:
بس قالولي ان احتمال يولدك رجال:o
معليش حرمه وماقويت وشلون الرجال
حبيت اسالكم هل يسمحون اني اجيب دكتوره من برى
تولدني:44:؟؟؟؟
ومن افضل دكتوره عندهم ارجع عندها
قالو لي وسام كردي بس والله مااعرفها بنت الناس
وقلبت المنتدى وقوقل سالت عنها محد عطاني خبر
تكفون يابنات ردو علي الله يهون عليكم حملكم وولادتكم
ويرزقكم بالذريه الصالحه اللي تبر فيكم:26:
12
5K

يلزم عليك تسجيل الدخول أولًا لكتابة تعليق.

تسجيل دخول

ريم البشائر
ريم البشائر
بسم الله ماداني حاطته طار في الصفحات الاخيره
ولا وحده جبرت بخاطري ورفعت الموضوع.....
ريم البشائر
ريم البشائر
حرام عليكم ولا وحده جبرت بخاطري...
ست الحباايب
ست الحباايب
شوفي يالغالية

انا ام اريج توني قبل 11يوم والدة عندهم بس داخلة بإسم الوالدة الله يحفضها

عاد انا كنت اراجع عند الدكتورة روبينة خان ماتمسك إلا الحالات الصعبة والطاقم عندهم أكثر من رائع
والحمد لله من تيسير رب العالمين كان الي ولدتني والي ركبت الأجهزة كلها نساء مع العلم إني كنت منومة عندهم من يوم الأثنين

ولا ولدت إلا فجر الجمعة

وإستخدمو لي إبرة الظهر
يوم فتح الرحم 4 سم

جاء دكتور التخدير وعطاني إبرة الظهر وبعدين طلع على طول وماشفت رجال أبد

اتمنى أكون أفدتك

وقالي الدكتور الطلق ماراح تحسين فيه
بس طلعة الراس وهجمة الراس تبين تحسين فيها
مانقدر نبنجها

والله يتمملك على خير

وأي سؤال انا حاضرة
حرم الباسل
حرم الباسل
للرفع ماعندي خبر عنهم
مـاريـانـا
مـاريـانـا
الله يسهلك يا رب

للرفع ما عندي فكره