لكل من كتبت موضوع في الفن والاشغال اليدوية

بسم الله الرحمن رسالة شكر وعرفان الى اخواتي في هالمنتدى .
والله والله بعد ماكنت اتصفح كقارئة اصبحت فنانة في الصبغ وتاثيث المنزل .
تصدقون مريوووش تمسك الفرشاة وتصبغ بيتها بنفسها شي غريب سويتها .
صبغت الليوان على اليمين من فوق ابيض بالوسط ستانسل لونته بايدي ومن تحت مخطط بالطول 3 الوان ترخيم بصراحة عجب كل من شافه.
الوجه الثاني لليوان الطوف ابيض ورسمت عليه شجرة على طرف واغصانها مادة للطرف الثاني طويلة الاغصان واصقت على كل غصن وردة صغيرة من ابو مية فلس طلع شكله نايس.
اما الباب الفاصل غطيته بعجينة الورق ولونته ذهبي مع بني وبيج طلع كانه كهف ان شاء الله اقدر اصوره لكم بس علموني الطريقة.
الشكر مرة اخرى للجميع وبالخص برجيس / ام عزيزان / رومي / سحايب/
ان شاء الله ماكون نسيت باقي المعلمات الخفيات.