لكل من لها درايه بالليزك وتشطيب اطلب منها ان تدخل ويسهل امرها ربي زي ما راح تسهل امري

اتوقع الصداع والجفاف على حسب حساسية العين وتقبلها لليزك .
اما الضباب فهو شيء طبيعي لكل عين بعد الليزك ويستمر من مدة 3 ايام إلى إسبوع .
انا وإختي سويناها بنفس المستشفى ( مستشفى الملك خالد للعيون ) والحمد الله بالنسبه لي لم احس بصداع كثير ولكن في اليوم الاول كثرة الدموع والضباب إستمر لمدة إسبوع .
اما إختي فجاها صداع إستمر لمدة يومين .
واللي عمل لنا العمليه دكتور واحد ما اذكر إسمه بس كان كندي الجنسيه .

السلام عليكم ورحمة الله وبركاته
شوفي اختي اذا انتي في الرياض عندك مركز الاستشاريون لطب العيون مقابل اليورمارشيه..أغلب أطباء العيون الممتازين في مستشفيات الرياض موجودين فيه
أنا أخوي الكبير وأختي كلهم عملو الليزك عند الدكتور الجبير

والله انا مثلك اتمنى احد يفيدني لان ابي اسويها انا بعد

بس انا مدحوو لي مركز الحبيب الطبي عشان الجهاز الجديد اللي عندهم

انا بنت عمتي سوتها عند طباره بس من زمااان قبل 6 سنين تقريبا وتعبت شوي طبعا كان الليزك توه دارج

طباره وحده اعرفها سوت عنده ولا كشف عليها زين وكان فيها ثقوب بغت تروح عيونها وتنفصل الشبكيه بس ربي ستر وصوت بالليزن عمليه لثقوبها

ايضآ بنت عمتي وزوجها سوت عند طباره قبل سنتين بنفس الوقت وطلع زوجها ما شا ءالله عليه مباشره من المستشفى وساق السياره اما بنت عمتي تقول إنها جلست يومين وهي مصدعه .
لكن تمدح شغله .