أم البراء2006 :

مساء الخير لكل الأخوات .. ولك يا أخت الأمل .. والله يشفيك ويعافيك وتخف عنك الآلام .. وتنسينها لما تشوفين نفسك في المراية وانت مبسوطة بشكلك.. صدقيني بتنسينها وتكونين مرتاحة وأكثر ثقة بنفسك.. أنا عندي نفس اللي عندك بروز في الأنف ..ومن جنب يكون أكثر وضوح وهذي العظمة البارزة والله مضايقتني .. مع ان اللي حولي يقولون عادي لكن أحسهم يجاملون.. وزوجي يتريق علي بس لو قلت له بسوي عملية قال لا شكلك عادي .. أحس العملية يبغى لها جرأة واتكال على الله ..وبحث عن دكتور شاطر .. وأنا ودي أسألك عن العملية أنت وأخت همسة غرام.. عند مين سويتيها ومتى صحيتي من البنج.. لأن أكثر شي يخوفني في العملية هو البنج الكامل .. وأكيد سمعتو عن الممثلة سعاد نصر اللي دخلت غرفة العمليات تسوي عملية شفط دهون .. وزاد عليها دكتور التخدير جرعة البنج ودخلت في غيبوبة.. وما قالو لنا عن اخبارها بعدين وش صار معها .. والله من يوم سمعت سالفتها وانا متروعة من هالعمليات .. الواحد يتسبب في نفسه يدخل ما فيه الا العافية بعدين يصير شي ماحطه في حسابه والله يستر بس.. وإذا شفت اللي سووها وهم مبسوطين وما صار معهم مشاكل.. قلت ورا ما اتوكل على الله واسويها منيب أقرد خلق الله .. اللي كل هالعالم يسوونها وتنجح تجي على حظي وتفشل.. شكلي طولت عليكم بس والله ودي بمعلومات أكثر عن هالعملية بالذات .. غبر الألم .. لأن الألم يهون اذا نجحت العملية وحصلت على الشكل المطلوب والله يرضينا بأشكالنا ويزيدنا قناعة ... آمين تحياتي أم البراء 2006

مساء الخير لكل الأخوات .. ولك يا أخت الأمل .. والله يشفيك ويعافيك وتخف عنك الآلام .. وتنسينها...