لكل من ولدت قيصري تحكيلي تجربتها وربي يجزاها الجنة

انا ولادتي قيصري الاولى ع اساس طبيعي وتحولت قيصري وكانت بنج كامل ،،،،الثانيه انا حددتها لاني سويت اشعه وقالوا فيه ضيق بالحوض لان ولادتي الاولى حيرتني كل مره يقولوا سبب وخفت يصير شي للبيبي ،،،،،،النصفي خفت اجربه بالثانيه ويعتمد على شجاعتك ناس ماشاء الله عادي وناس خوافه بالثالث قلت ادعي ربي واستخير وربي يكتبلي الخير بإذنه ،،،،،الافضل تستخيري ربك وتدعي لان كل وحده تحكيك عن اللي يصيرلها ،،،،والناس تختلف ،،الله يقومك بالسلامه وعقبال ربي يقومني انا وبنات تجمعي وكل حامل بالسلامه

حبيبتي انا توني بكريه بس بقولك تجربت اختي اختي ولاده ولاده قيصريه تقول انو فتحو اسفل بطنها شق صغير مو كبير
طول اصبعك الاوسط مرتين وتقول انو البنج الكامل افضل من النصفي لانك راح تكوني متوتره فا نصيحه
خلك بنج كامل اطلبي منهم وترا القيصري ما يالم بالعكس شي مريح مرا المه بعد البنجج والم الجرح اكيد بالمك لانو
حتی الي ولاده طبيعي يالمها واذا علی الجرح علی حسب جسمك اذا انتي دبدوبه وبطنك نازل فيك يعني كروشه راح يطول اذا لا نحيفه راح يبری بس حطي ميبوو الي هو حق الجروح ونظفيه وطهريه كل فتره عشان لا يتجرثم وبسسس
الله يسهل عليك يا قلبي

الله يسهل امرك
ربي لاتذرني فردا وانت خير الوراثين

هلا رقي
ان شالله تولدين بالسلامة
وتفرحين في ضناك يارب
بنسبة لي كل ولاداتي قيصرية الحمدلله على كل حال
طبعا الدكتور يحددلك موعد العملية وتروحي ونتي مرتبة نفسك لكل شي شنطة البيبي وشنطتك
التنويم في المستشفى 4ايام
والبس اذا حابة تلبسي بعد العملية من ملابسهم او ملابسك عاد بكيفك
تجين على الموعد ويركبون لك القسطرة
وعندها يخيروك بين البنج الكامل والنصفي انا افضل البنج الكامل لاني في ولدي الثالث اعطوني نصفي وجاني هلع شديد وجننتهم مرة الين اعطوني منوم لاني حسيت اني مخنوقة ومكتومة تخيلي تكوني منسدحة على شي مسطح وبطنك ضاغطة على صدرك عشان كذا قلت توبة ان شالله النصفي
لاطبعا مانشوف العملية لاننا يغطونا بستارة ابدا ماتشوفين لادم ولامقصات ماغير سواليف الدكاترة
وبنسبة للخياطة معد فية خياطة كلها ليزر يغطي الدكتور على الجرح ويجيك مرة يشيك عليها ونتي باقي عندهم يغير لك الشاش اللي علية وبعد الخروج ترجعين لة بعد 8ايام يشيل اللصقة عن الجرح وتعيشين حياتك عادي وماتحتاجين اي شي غير مسحة معقمة من الصيدلية بعد الترويش تجففين المنطقة وتمسحين باالمسحة انا لا احط لا مبيو ولا غيرة
ونتبهي تربطين بطنك او تصغطين عليها الجرح مايحتمل اي شد

الله يسهل علليك