انا كنت بكريه ووﻻدتي قيصري وبنج كامل بس لما صحوني من البنج جاتني كحه ومع الجرح حق العمليييه اااااه ياقلبي وودوني غرفتي واعطوني مسكن ونمت وكنت استخدم ميبو للجرح وكان ممنوع يوصله مويه اول اسبوع واهم شي المشششي يريح كثير ..

انا اول مامشتني الممرضه حسيت بدوخه واني خفيفه بس شوي شوي يتحسن الوضع
هذي تجربتي ..

بس محتاره بين النصفي والكامل ان شاء الله لو ربي رزقني بالحمل .. انا بالقوه ياخذو دم من يدي كيف اخلي الابره تدخل بظهررري يمه رعب محتااااره

انابكريه وقيصري وبالطبي الدولي الله يسهلنايارب مين دكتورتك

انا ولدت بكري قيصري وكان نصفي بس اتا كنت ابي كامل ورفضو قالو ننصحك بالنصفي افظل مافي تعب بعد العمليه وقلت بشرط وانا ابكي كاني طفله قالو وش الشرط قلت ابي زوجي معي اذا نصفي عشان يونسني وبالعله وافقو بمستشفى فيصل التخصصي بالرياض لان زوجي موظف عندهم ودخل معي وربي ماحسيت بشي يسولف معي وفتحو بطني وصرت اسمع صوت مويه بس اسمع ماحس لاني ماخذه ابرة ظهر كانه شلال وربي وبعد مافتحو بطني ب5 دقايق شفت نور عيني بنتي قدامي يغسلونها وهي تبكي وربي قعدت ابكي كان شعور جدا حلووو نسيت العمليه وربع ساعه بس كان وقت العمليه ماشاءالله وودوني غرفة الافاقه وبنتي بحضن ابوها وبعد ما خلصت العمليه ب5 دقايق بدا معي الالم وراح التخدير جابولي مورفين المخدر وحطو زي الكبس بيدي متصل بانبوب وهذا الانبوب فيه مخدر وقالو اذا حسيتي بالم اكبسي هنا احسن من الابر بمليون مره وكل ماحس بالالم اكبس كبسه يروح الالم الحمدلله والحين حامل وقالو برضو عمليه وبتكل ع ربي واخذ بنج نصفي اهم شي وافظل من الكامل طولت عليك ربي يقومك بسلامه وكل حامل يارب

انا جربت البنج الكامل شفت الموت وتمنيته بعد العملية يعني بالعربي بطني كانت مفتوحه غير الاستفراغ والكحة والبلغم والحمدلله كله باجره
وجربت البنج النصفي كان تمام الين بعد ماطلع ولدي حبيبي وبعدها حسيت بكتمه شديدة جدا وما قدر اتنفس لان وقتها كانو بيرجعو الرحم فضاغطين عليه وطلبت منوم على طووول
واحب انصح اي وحده ماتبغى الم نهااااااائيا بابرة الظهر انا اول اخذتها على اساس ان اولد طبيعي بس ربي كاتب اولد قيصري فكنت ماخذة ابرة الظهر ودخلوني غرفة العمليات وسالوني اذا بتنوم ولا اقعد صاحيه وياربي لك الحمممد ماحسيت بالم نهائيا وجلست بابرة الظهر اول يوم بعد العملية وثاني يوم قلتلهم يشيلوها وشالوها ومشيت
وانتبهي من الغازات انا تعبتني بطني من الغازات فكنت اشرب كمون بكثرة انتي اشربيه احتياطا لانها متعبة جدا مع العملية