لكل من يشتغل زوجها ب شركة ودوامه طويل .. أفيدوني ،

مرحبتين أخواتي ..

بداية أنا كتبت هالموضوع أحب استفيد من اللي حالتها مثل حياتي ويستفيد منه الجميع فياليت اي وحدة تحب الخير تفيدنا ب تجربتها ..


زوجي يشتغل بشركة ويطلع مع الصبح ومايرجع للبيت الا المغرب ..
تخيلوا كيف حياتي كلها وحدة وملل وطفش ..

كنت قبل الزواج انسانه همامة احب اطلع للدور واسوي برامج دعوية كنت اجتماعية وفرفوشة ولي حضوري عند الكل اهلي وصديقاتي وبالجامعة وبدور التحفيظ والملتقيات النسائية واسمي معروف بكل مكان ..،


تزوجت ومن اول الزواج حملت وكآبة الحمل وبعدها كآبة المفاس والولادة .. بسبب حياتي كلها طفش كل اليوم اقضيه لوحدي لا طلعات لازيارات اهلي بعيدين وممنوع ازورهم الا نهاية الاسبوع .. ونهاية الاسبوع اهلي بعزايم ومناسبات مااهتني فيهم اببد ..

ماتعودت ابببدا على هالحياة ..
اخلص شغل البيت كله من تنظيف وغسيل وكوي وهو لسى مارجع للبيت انتظر بكل شوق واعد الساعات لرجوعه والقهوة جاهزة بالحلى والشوكلاته .. لابسه له أحلى لبس ومتزينه بأجمل زينه وأحاول ماازعجه بالطلبات بس احب اريحه اول مايدخل البيت واوفر له كل سبل الراحه ..

بس هو يرجع طفشان زهقان يشرب القهوة ويشغل التلفزيون ويسلك لسواليفي ..
نتقهوى ويطلع يصلي العشاء واجهز العشاء وهو يجلس مع طفلنا ويلعبه ويتعشى وينام ..
وهذي حياتنا ..
ولو لي حاجة او غرض من السوق خلاص مستحيل بيصفى لي جلوس معاه بنرجع والعشاء معنا ونتعشى ع الطاير وينام ..

كل الصافي لي من يومه 4 ساعات فيها اكله وشربه وصلاته ولعبه مع الولد ومكالماته لأهله واصحابه وغير مشاهدة افلامه المفضله اللي مايسمح لي اتكلم فيها واصلا لو ارغي معه لين بكره فهو مايسمعني ولا ينتبه اني اكلمه بتاتا ..

وجودي في حياته على هامش الهامش .. بديت احس اني مثل أخته بس .. فقدت أهمية وجودي بحياته ك زوجه .. وهالشي أثر على نفسيتي وزاد كآبتي كآبة ..

اذا ما حسيت باحتياجه لي وحبه واني السكن له .. وش فايدتي بالنسبة له ك زوجه !!

بالنسبة لعلاقتنا الخاصة أحيان تمر الشهور مايصير بيننا شي .. وكل ما أناقشه بهالموضوع يقول لي شفتك تعبانه شفتك نفسيتك مو مرة الولد سهران وهذي اعذاره .. ولو أقول له اسهر معي يقول اجلسي عندي بالويكند وادلعك واسوي لك اللي تبينه ..

جلست عنده بالويكند وماتغير شي نام عني وتركني كالعادة ..
يقولي مايكفيك اني معك من اول ماارجع اقول له احتاج ذهنك صافي لي ويكون الولد نايم ومافي تلفزيون ولا جوال يشغلك .. ولا حياة لمن تنادي ..


فقدت طعم الحلاوة ب حياتي ..

مع ان اللي تزوجوا بوقتي لا زالوا عرايس وعايشين ايام الدلع والحب بسس حياتي مع زوجي اختفى طعمها والحب والدلع بس كانوا في شهر العسل !!

دايم افكر واقول انا صرت حالي حال البنات الي ماتزوجوا بس تم احسن حال مني ع الأقل هم يطلعوا وينبسطوا وفيه احد يرد لهم الصوت بالبيت وفيه احد يشتغل معاهم بالتنظيف والطبخ ..

لا أنا صرت مثل البنات ولا مثل المتزوجات يطلعوا مع ازواجهم وينبسطوا برى البيت ويرجعوا يسهروا ويعيشوا الدلع والحب بالبيت .. يعيشوا معنى المودة والمحبة والمشاركة في الروح وفي الحياة ..



تعبببببت من حياتي .. لي حاجاتي العاطفيه .. والنفسية .. والفطرية .. كزوجة موجدة بحياته احتاج منه لكل هذي الأمور وكلما اناقشه يقول انا اتعب عشان اجمع لكم المال وتكونون سعداء ..
احنا اصلا مو لاقيين الوقت ل حتى نطلع ونصرف فيه هالمال ونلقى السعادة !!
دايم اقول له يكفينا القليل من المال مع القناعة ..نحتاج للمة الأسرة وسعادتنا مع بعض فوق اي اعتبار .. مهو راضي يقتنع بكلامي ..

ويااااااااليت راتبه مناسب للوقت اللي يقضيه في العمل ل كنت راضيه ..
وفوق هذا معي طفل محتاج للرعاية والعناية ونفسيتي زففففت صارت بالحضيض مو قادرة اهتم ب طفلي ولا اعتني به ..

محتاجه اي نصائح منكم عشان انقذ حياتنا من الانهيار وانقذ نفسيتي وصحتي وحياتي وحياة طفلي اللي ماادري بكره كيف اقضي له حاجاته واطلعه واونسه ..


تكفون اخواتي ..اي وحدة زوجها يشتغل بشركة ودوامه طويل ومايرجع الا بآخر النهار تنصحني كيف هي وزوجها مرتبين جدول حياتهم بدون ما يضر أحد الطرفين ..

كيف زوجك يوفق بينك وبين دوامه ؟؟
لأني تعبت من زوجي دااايما نايم صرت مااسوفه الا وهو نايم وبسس ،،

ساعدوني حبيباتي وراح تكسبوا فيني أجر كبير وماراح انساكم من دعواتي بإذن الله ،،