لكل من يعاني من الاكزيما المزمنه ...مع @سعوديه@

السلام عليكم ورحمة الله وبركاته

هذي العين اسمها ( ندقه) وجديده ....وفيه عين تبعد عنها 50 كيلوا نفس مستواها اسمها (ندقان) لكن معروفه

واتحصل ناس واجد عندها ...بس فضلنا انروح للعين اللي ماعندها ناس

هذي العين فيها كبريت ويمكن فيها مواد ثانيه اجهلها ...وهي ساخنه وعلى طول مايها مايوقف

لا ليل ولا نهار ولها رائحه قويــــــــــــه كريهه.....ومدحتها لي اختي بعد ماشافت معاناة

اولدي لان اكزيمته شديده لدرجه يطلع منها الدم

اختي امدحتها لان ولدها له سنه من يوم ماراح لها وللحين مافيه شي ولله الحمد

وللعلم ولدي هذا كان فقط عنده حساسيه في الذقن وكانت تشفى من المرهم وترجع له اذا جيت اماكن

بريه بسبب الغبار وبعد ماعطاه دكتور خاص ابرة كرتزون ....والله انها انتشرت بجسمه

ولا عاد فاد فيها أي مرهم ...وتخيلوا سنه ونص من يوم خذا الابره لين قبل اسبوع والاكزيما مافرقته

غير إن الاكزيما اتسمر الجسم وتشوهه

وفعلا رحنا لها خامس العيد والحمد الله لين اليوم صار له اسبوع وهو مافيه شي ...اللهم انها فقط جافه

واحتمال كبير اروح لها الاسبوع الجاي

مب اولدي بس وبنت اختي وبنت حماي وكلهم لين يومنا بشرتهم تمام


وحبيت اقولكم عنها .....لاني ادري فيه مثلهم ملاين




هذي العين احفرتها ارامكوا لتنقب عن بترول لكن طلع لهم ماي فيه كبريت ...وهي تقربياً على مدخل الربع

الخالي

يمكن من الشرقيه 400 كيلوا او350 كيلوا



هذا ولدي في الماي ....ويارب تتم علي فرحتي



وقريباً احط لكم خارطه لطريقها لان زوجي وعدني يجيبها من ارامكوا لانها جاهزه عندهم