لكل من يعاني من الم ف الرأس وحرارة

السلام عليكم
العنوان واضح
انا صار لي سنه ونص وبكمل السنتين
جاني الم براسي زي السكاكين و مع الايام يكون الم وحراره كان نادر يجي يعني ممكن مره بالشهر احسها حريقه فوق راسي
المهم
توقعت بسبب القشره وماخليت شامبو ماخذته اخذت نيزورال وشامبو فولتين اتوقع اسمه كذا والنتيجة يوجعني اكثر من اول حتى المسكنات ماتفيدني زي البنادول
راجعت حكومي قالت قشره عطتني شامبو و حبوب ومحلول سائل احطه ع شعري ارتحت فتره وبعد يمكن ٦ شهور كان موعدي الثاني عنده قال لي فروة راسك كويسه قلت الالم باقي والنتيجة طنشني وصرف لي زيزال
رجع لي الالم رحت الحمادي قال لي مستحيل قشره تسبب كذا قال لي ممكن بسبب الغده سويت تحليل سليمه قال لي هذا صداع توتري عطاني حبوب مسكن و عطاني حبوب ثانيه مهدئه للاعصاب قال ١٠ ايام وفعلا ارتحت رجع لي الالم حتى قصيت شعري ومافاد
الالم كان يجيني وانا صاحيه بس تطور وصار مايجيني الا وانا نايمه يقومني من نومي مره تفيد الحبوب وو لو كان قوي لا
صرت اخذ روفيناك ف اليوم ٨ حبات
تطور وضعي لما صار شبه يومي يجيني واروح اخذ فولتارين او زيفو
سويت تحاليل وكلها سليمه الاشعه المقطعيه سليمه
ماصار يفيدني الا مسكنات وريد
وصرت اروح ارقي عند وحده وارتاح الحمدلله يومين ثلاث ويرجع الالم
رحت مستشفى حكومي ثاني قلت لها كل شي ف البدايه قالت كلامك مو منطقي !! بعدين قالت كملي بعدين قالت لي صداع توتري غيري نومك نوم ليل ٨ ساعات تغذي كويس سوي رياضه قللي من الجوال ولاتنامين وهو تحت راسك وارتحت يمكن اسبوع
و عطتني بروفين قالت وقت الضروره الإبر مو زينه بتدمرك
تصدقون ان اوقات من قوة الالم اخذ إبرة عضل ٢ و بالوريد ولاتفيدني
عموما اخر شي رحت الحبيب ف العليا استشاري ودكتور اعصاب اسمه محمد عبدالجبار دكتور مره كويس حتى مواعيده زحمه
علمته كل شي وقال لي سوي اشعه رنين سويتها سليمه قال لي صداع توتري طلبت اشعه عشان اتأكد ان الصداع خارجي وعطاني حبوب قال لمدة ٢٨ يوم بعد كذا الالم يختفي بإذن الله
وهذا انا صار لي ٤ ايام ولله الحمد مرتاحه مجرد اخذ هالحبوب و ارتاح ما اخذ معها مسكنات الحمدلله وصرت ارقي نفسي
وحسبي الله ع الحكومي مافادوني الا انهم كانو بيدمروني بهالمسكنات توقعت هالشي ماله علاج
حتى انهم كانو يحولوني ع دكتور نفسي ومعطيني حبوب للاكتئاب وانا مافيني
سامحوني طولت عليكم بس قريت انو في ناس مثلي وماسجلت الا عشان اكتب هالموضوع يمكن أفيد احد
وادعولي وأي استفسار انا حاضره