لكل من يهمه الأمر .........ميزانيه البيت

السلام عليكم ورحمه الله وبركاته

اول مره اكتب موضوع لبنات حواء لكن مقصدي من هالموضوع الفائده :27:

قرأت مواضيع كثيره فيها ميزانيه البيت :cook:والي تسأل كم يكفيها

المهم احنا ببيتنا عانينا من هالموضوع 3موظفين مع الوالد والراتب كله

طاير بنص الشهر لااغراض البيت

انا لاحظت يوم ماكان عندنا خادمه كان المصروف اقل والاغراض تطول

يعني اقصد الصوابين المطهرات الدجاج الاشياء الي زي كذا

جت الخدامه وكل يومين خربان شي منكب شي والبيت تخلص مونته :angry:

الي ابغى اوصله ان الي عندها خدامه مااتتركها تحوس

لحالها وتسلم لها كل شي

اول شي تتابعين خدامتك وماتجطين لها كل شي بالمطبخ وقدام عينها

نجي لتقسيم المصروف للبيت المراءه العاقله والذكيه هي الي توفر من

مصروف البيت كل شهر ويصير عندها مبلغ وقدره

يعني مثلا وحده عطاها زوجها 2000 ريال كل شهر للبيت حلووهالمبلغ

فيه اشياء تشترينها يوميا او كل يومين وفيها اشياء اسبوعيه واشياء بالشهر

واشياء كل شهرين او 3 ويمكن 4 شهور ولاتستغربون

لكن يعتمد على حسن االتصرف

اول ماتمسكين المصروف جنبي 200 ريال على جنب

هذي تحطينها بظرف وتكتبين عليه للفواكه والخضار اسبوعي

كل اسبوع تاخذين 50 ريال فقط وتشترين فيها من الخضار والفواكه

ومن الممكن توفرين من هالمبلغ كل اسبوع تقدرين تشترين باقل وبالنهايه

توفرين مبلغ اخر الشهر

الخــضاار والـــفواكه

بدايه كل شهر تروحين تشترين الخضار الي تطول اكثر من اسبوعين

تاخذينها بالكرتون يعني الاشياء الي ماتخرب على طول

مثل ( خيشه بصل – ثوم كرتون بطاطس – كرتون جزر – كرتون كوسه – كرتون باذنجان – الطماطم

كرتون فلفل اخضر الحار الصغير مخلطوط مع الفلفل الرومي بانواعه

وغيره في الفاصوليا الباميا الباذنجان الخيار القرع وغيره )

هذي الاشياء احيان يمر الشهر وماتخرب معك بالثلاجه

مره جيراننا ارسلو علينا كميه قرع كانوا يزرعونها ماتتخيلون اكثر من

10 حبات المهم كانت امي بتوزعهم الاجات جارتنا وقالت تبين توفرينهم

اخذي كل قرعه وقشريها وقطعيها مربعات وانتي لابسه القفازات البلاستيك

ووزعيها على اكياس بالفريزر وقطعناها وفرزناهااا

مثلا لما نبي نطبخ مرقوق والا مرق والا غيره نطلع من هالاكياس وناخذ

الاكياس ماحطينا كميات كبيره حطينا الي يكفي طبخه وحده تقريباا


ماشالله تبارك الله من قبل رمضان والقرع نستخدمها وريحنااا كثيررر


نرجع لموضوعنا للفواكه اول مره تقدرين تعرفين الاشياء الضروريه من

الي فوق وتشترينها بالكرتون

احنا مثلا نحب شي اسمها بطاطس نشتري البطاطس والجزر والبصل

والثوم كميه كبيره

والباقي ناخذه تشكيله ويااخذ التشكيله اسبوعين تقريباا

باقي من الخضار الاشياء الي تخرب بسرعه مثلا بقدونس خس جرجير

ليمون وفواكه هذي اسبوعي تشتريهاا

على الطريقه هذي رااح توفري كثير من 200 ريال

اهم شي تعرفي انتوو اكثر شي تحبووه من الخضار والفواكه

اهم شي الفواكه ماتاخذي كميات كبيره وتخرب بسرعه وتنرمي لاحرام

اخذي تشكيله واكثري من النوع الي تحبينه

ولاتبخلوو على انفسكم ولاعلى عيالكم من هالناحيه

لان هالاشياء مهمه لاجسامناا

الحين نجي للنقطه الثاانيه من المصروف

الادوات والمنظفات والصوابين
لازم تشترين بالجمله وكميات كبيره افضل وهذي احيان تجلس 3 شهور اذا

حافظتي عليها

الاشياء الضروريه

صابون التايد او أي نوع تحبينه للملابس

عندك الخيار تشتري الي بالكراتين او بالخيشه الكبيره

صابون الداوني اوو الكومفرت نفس الطريقه فيه الاحجام وبالجمله

الشامبوات للعبايات اشتري 2 كبار

صوابين الايدي على المغاسل اشتري بالجمله وطلعي على كل مغسله واحد

معاجين الاسنان اشتري حامله المعجون وركبي واحد لكل افراد العايله

كل ماخلص ركبي واحد ثاني كذا توفرين

الشامبوات للشعر

لافراد عايلتك اشتري بالجمله واحجام صغيره وبين فتره وفتره بيخلص غيره عاد على حسب شنو تستخدمون
احنا مثلا اخواني كلهم شامبو القشره الازرق هيندشولدرز

ونشتري كميه ونوزع حمامتهم ولاخلص طلعنا الي بعده كذا وفرنا

شامبوات الجسم اذا عندك اطفال لايف بوي او الديتول الشاور جل

احنا نحب الديتول ونحط واحد كبير بالحمام وكل واحد ليفته تختلف عن

الثاني ونستخدمه والله يطول عندنا

واذا عندكم اطفال اكيد الحمام واحد ومشترك حطي الشامبو والشاور جل

لزوجك ولاطفالك ولك

المنظفات الديتول وتبع السيراميك

نشتري الجيكات الكبيره والفلاشات والكلوركس بالاحجام الكبيره

اهم شي بهالخطووه تشيلنها بمخزن او دولاب خااص بادوات التنظييف

لو عندك خدامه ماتخلينها تلعب بالاهشياء لا انتي ححدي لها كميه اسبوعيااا

اكيد يبقى عندكم من علب الديتول الوسط او اصغيره او أي زجاجات عبي

لها وكذا ماتخرب منظفاتك وبتطول عندك

كميه الغسيل الملابس نفس الشي حددي لها كميه معينه

ولاتتركينها تغسل يومياا

خدامتنا باليوم تشغل الغساله 5 مرات واكثر وقضت عالصابون

وتكب بالصابون طبعاا احنا نحب النظافه وكل شخص ملابسه تغسل لحاله

بس للعيال تقدرين تجمعين اكثر من شي بغسله وحده مثل شماغ وغير كذا

انتي حددي لك ايام للغسيل

فيه اشياء تشترينها اضافيه وبالجمله

المريتو فضفاض الاسفنج تبع الغسيل الليف للمطابخ والمكانس وتجلس

بالشهور عندك ماتخرب

لازم كل وحده فينا تسوي مخزن للاشياء هذي براا المطبخ افضل كذا راح

توفر ويجلسون بالشهور بس دامهم قدام عيوننا راح يطيرون بسرعه

ننتقل لفقره ثانيه من مصروف البيت

الاكـــل

عندك اشياء ضروريه وبالكراتين تشتريها

الارز وياليت تشوفين النوع الي تحبيه وتاخذي خيشه كبيره

ووممكن تاخذين الارز نوع ثاني الصنوانيت وغيره لورق العنب

السكر تشترين 2 الاكياس الكبيره الصفراء

مهمتك تجيبين علبه كبيره شوي وتعبينها من السكر وتخلينها قدام عينك عشان تستخدميها للاكل والشاي وغيره

الملح وتشترين من بنده او العثيم تاخذيه الحبه بريال وتاخذي 10 حبات من ملح الطعام وراح يطول معك كثيرر

الطحين اخذي كيسه كبيره وبالجمله اذا كنتي راعيه فطاير ومعجنات

الدجاج كرتون واشتري صدور دجاج وافرميها ناعم وعبيها باكياس بالفريزر للمعجنات والمكرونه وغيرها

او اشتري لحمه من الجزار وافرميها بعد للمعجنات والمكرونه والحشوات

وتستغنين عن لحم الاسواق الجاهز احنا كرهنااه

تشترين 2 كرتون حليب السائل

2كرتون معجون الطماطم الصلصل

2 كرتون ماجي

وحليب الباودر 3 كبير وراح يطول عندك للحلويات للاكل

فيه شي مهم اذا بغيتي توفري بالخضار
بديل الطماطم ____ هو الطماطم الي بالعلب حلوو

بديل الخضار _______ الخضار المشكله تجي باكياس للفريزر

بديل الفواكه _________________الفواكه المعلبه

والمعلبات تاخذي الاشياء الي تستخدم كثير اكثر من علبه مثل

فاصوليا الصغار الفول الزيتون الاخضر والاسود الشرايح المربى المتبل الحمص المخللات وغيره

الاجبان والقشطه بالكرتون لاننا نستخدمها كثير في طبخاتنا

الاجبان المبشوره تاخذي الاكياس الكبيره

وفيه شي حلووو تاخذيه من المخااابز جاااهز ويجنن وتشتري كل شهرر منه الي هو خبز التورتيلا وفيه بالنكهات والسااده يجننن بمعنى الكلمه

افضل شي الي عند مخابز الراشد

عندك مثلا اللببسي احنا كل شهر نشتري 2 كرتون ببسي سمارت 24 ريال

ونشكل فيه داخل سفن ببسي ميرندا

وكرتون عصااير او جيكات للتوفير


اول شهررر رااح تتعبي بالميزانيه ولازم يكون عندك المبلغ دبل بعدهاا خلاص بتوفري كثيررر

لازم يكون عندك ورقه او سبوره الثلاجه تكتبي أي شي نااقص وخلص

وفيه ورقه تكتبي أي شي خللص من عندك عشان توفرينها

صدقووني الرجال مايعرفون يتصرفون بشغل البيت الي بتقول لازوجي لازم يكون مسؤؤل الرجال اول بس يقضون الاساسي لكن الحياه تغيرت

والمطبخ صار يبي اشياء مايعرفونها الرجال مسؤال يوديك للسوق او السوبرماركت
اومحلات الجمله

انتي جهزي ورقتك وحددي الاماكن سوق الجمله شتبين منه
السوبرماركت شتبين منها

ابو ريالين وغبير كذا


فيه نقطه مهمه جدااا جداااا

حطي لك مبلغ تجنبينه كل شهر 200 ريال تقريباا حق الطواريء

ممكن تجيك عزيمه ووبتضيفين احد وغيره هالمبلغ يسد الحاجه مثلاا بتبخين دجاج وغيره كذا بتحوسين ميزانيه البيت

اشتري اغراض العزيمه من برا ميزانيه البيت من دجاج وببسي وغيره وكذا وفرتيي ولاراح ينقص شي

سامحوني طولت عليكم لكن حبيت افيدكم

دعواتكم لي اخواتي

والله يوفق الجميع لما يحبه ويرضااااه

:39:

ودمتم بود