هذا اول موضوع من كتابتي الشخصية الي تبغى تنقل تنقله عاااادي اهم شيء احصل على دعواتكم
اشكركم عضوة عضوة لاني استفدت كتييير من منتداكم
وطبعا زي ما انا استفدت حبيت افيدكم ببعض الاشياء :
1- للحصول على بشرة بيضاء ومضيئة ومن اول مرة جيبي حجر سبيداب (هذي صورته ) :
تلاقوه بالعطار ، حطي حجرة منهم مع ملعقتين كبار موية ورد المهم يطلعلك زي الماسك حطيه في وجهك لين ينشف بعدها غسلي وجهك
فوائد الحجر : اساسا هو لتبييض البشرة انا للامانة جربته بالاسبوع بس احس انه يدي بياض فوري لكن يمكن مع الاستمرار يبيض البشرة والله اعلم ..
2- انا اخترعت طريقة من عندي :icon28:>>>>> الله يستر
جبت الحجر وطحنته صار زي البودرة احطه على بشرتي (بدون موية ) ولو تبغي على رقبتك كمان حيصير كإنك حطيتي بودرة بياض مرررررة ممتاز
او انك تحطي نشا تستخدميه بدل البودرة المضغوطة الي تأذي البشرة .. :42:
3- لازم اسوي لوجهي بخار مرة وحدة في الاسبوع او مرة في الاسبوعين لانه مفيد وطريقة عمل حمام البخار للوجه
اجيب بابونج واغليه في موية واجيب منشفة بحيث يمر البخار على وجهي بس لين تتعرق البشرة بعدها امسح بقطنة ولو حبيتي استخدمي الصابون المغربي مع الليفة لكن انتبهي مرررة بشرة الوجه حساسة عن الجسم اوكي افركو بأبسط مايمكن او الي بشرتها تتهيج سوي صنفرة افضل لك
4- هذا القناع دايما احب اسويه كاسة ماء وملعقتين او ملعقة ماء ورد وملعقة نشا وعلى نار هادية لين يصير زي المهلبية بعدين ارفعيه وحطيه في الثلاجة لما يبرد حطيه على وجهك فوائد القناع : يشد البشرة ويبيضها من اول مرة وينظفها كمان
5- بعد كل شاور لازم ترطييييييييييييب يابنات الترطيب مرة مهم انا ارطب جسمي بزيوت طبيعية مرة استخدم اللوز مرة استخدم جنين القمح واكثر شيء استخدم زيت فيتامين اي اي شيء تبغيه المهم ترطيب
ويبنات جينا للمهم ... امي ماشاء الله عليها يابنات والله ولا فيها ولا نقطة سواد بجسمها وركبها ناااعمة وبيضاء بقوة لدرجة اني بنتها خايفة احسدها خخخخ لانها من وهيا صغيرة ماتستحم الا بالليفة المصرية الي تجيكم مرررررررررررررررة خشنة وبقوة احسها تنظف من قلب وتقول ماتستخدمها الا مرة وحدة في الاسبوع بس مع الصابون وافركي البشرة بس قبل ماتستخدمي الليفة نقعيها طول الليل بمووية عشان تصير لينة
هذه الليفة المصرية :
6- السدر يكفي انه ذكر في القران .. اخلطيه مع زبادي وحطيه على وجهك يقولو مع الاستمرار البشرة حتصير بيضاء بس ترى مررررررة يشد انتبهو لا تحطوه حولين العين
7- للاسنان الصفراء جيبي ليمونة ادعكيها يمكن تحرقك في البداية بس ترى تزيل الاصفرار مع الاستمرار الدائم ..وفي بنات يقولو ادعكيها بملح جربوها ماراح تخسرو
ولا تنسو يابنات تحطو واقي الشمس دايماً ... اووكي ؟
اممممممممم ايش كمان ... لو افتكرت بقولكم :)
دعواتكم ...