لكل وحدة تسأل عن الدكتورة فاطمة عسيري -بنقلكم تجربة ولادتي في مستشفى المملكة ا

السلام عليكم ورحمة الله وبركاته
حبيت أنقلكم تجربة ولادتي في مستشفى المملكة مع الدكتورة فاطمة عسيري لأني مجربة الحيرة وكيف كنت أدور عن مستشفى كويس وعن دكتورة شاطرة,
ببدالكم من أول طلقة:icon33: طبعا كان كل شهري التاسع يجيني طلوق وتروح وعلى فكرة بس هالمرة جتني هالطلوق فأتوقع ان البنت تكون طلوقها كذا , وفي اليوم اللي ولدت فيه جتني طلوق اقوى شوي الفجر وحسيت انها ولادة وكانت تتكر بس سبحان الله كانت الطلوق بس في البطن ماكانت في ظهري مثل اولادي اللي قبل , المهم قلت لرجلي شكلها ولادة :icon33: وانا اصيح رح وقع وارجع المهم يوم راح وروحتي ولدي اللي بالروضة لأن امي معه تدرس بالمدرسة وولدي الكبير غيبته يعني استعديت مره كنت متوقعه الظهر اكون والده وقعدت امشي واكل تمر عجوة المدينه وقريت سورة البقرة وقريت ورد الولادة كم مره , لكن يوم جت الساعة تسع بعد ماصحى ولدي الكبير راحت الظلوق بدت تبعد صارت تجيني كل ساعة فقلت لرجلي اكيد انها مثل اول ضاق صدري:44: وفرحت في نفس الوقت:27: لأن ذاك الخوف راح , بعدين مشت صرت كل اليوم طلوق كل ساعة كل نص ساعة يعني كان اليوم معاناة بعدين رحت لأهلي بالليل قلت ليه احبس نفسي شكله مافيه ولادة وقعدت على النت الساعة 9 بالليل تقريبا وجتني طلوق قوية هالمره بس انها مازالت بالبطن مو بالظهر واستمرت تقوى وتتكر اكثر يوم رحت لبيتي السعة 12 مع رجلي كنت واصلة مره يقولي رجلي خلينا نروح للمستشفى وانا اقوله لا ما بعد جت طلوقي بالظهر وكان يقولي منتي شايفة شكلك تراك بتولدين يوم جت الساعة 2 قال خلاص مابدهاش نروح للمستشى الحين ماني صابر اخاف تولدين علي ,رحت باولادي للمستشفى ياحرام ونامو يغرفة الولادة وجلسو ياخذون قياس الطلوق بعد نص ساعة جت بتكشف القابلة وطلعت عيالي برى لأنو بيبدى الصراخ :icon33: وكانت القابلة مره رائعة وشاطرة ماشاء الله وتعاملها راقي ( اسمها ريم وفي نفس الوقت كانت تمر علي قابلة ثانية اسمها اظن شهيناز جدا رائعه وذوق مره وطيبة مهما اوصقها مارح اوفيها ) المهم كشفت علي القابلة ريم قالت الرحم مفتوح 5 الى 6 سنتي قعدت اصيح قلت ابي ابرة الظهر لأني ماخذتها بولدي الأول لكن بولدي الثاني ما اخذتها ( وما انصح فيها ابدا سبحان الله الاحساس بعد الولادة انك مأجورة ما تحسين فيه اذا اخذتي ابرة الظهر) قالو ماراح يمديك عليها مستحيل لأنو بنسوي تحاليل وكلها بتاخذ وقت طويل بتكونين ان شاء الله ولدتي , المهم اتصلوا على الدكتورة فاطمة وماشاء الله عليها يمكن ثلث ساعة وجت وهو في نفس اليوم كانت الشوارع زحمة عشان قدوم الملك عبد الله الله يخليه لنا , يوم جت قالت بكشف عليك وانا اصيح قلت استني لحد ما تروح الطلقة واستنت علي شوي بعدين كشفت وكان الرحم 7 ستني قالت خلاص بتولدين وقعدت بعدها يمكن ساعة يوم صرخت قالت يالله وفكت الموية وعطتني ابرة الورك وقعدت عندي هي والقابلة لحد ماولدت الفجر:time: وجبت بنتي الجوري :icon28: الله يخليها لي, وباكت لي الدكتورة وباركت لزوجي, بعد الولادة طبعا قالت الان بطلع المشيمة وبتحسين باحساس مريح ثمين قالت بسويلك تدليك للرحم راح يوجعك وانا اسفة بس اتحملي وبعدها قالت بخيطك قلت لا ما ابي:icon33: خلاص مع التعب قالت خلاص شقيت مافيها وجلست تخيطني وكنت طالبه خياطة كويسة بس شرطت ماتكون تجميلي لأنها مو لمصلة الحرمة ابدا وهي تخيطني قالت اذا حسيتي بالم علميني لأن المنطقة الخارجية تالم اكثر واذا حسيتي علميني عشان ابنجك وبعدها خلصت , وعلاطول قلت للمرضة هاتيلي موية وجيبي شنطتي عشان اكلم اهلي - طبعا هذي احلى لحظة - , وجلست الممرضة تنظف بعدها جتني القابلة الثانية ومسحت على راسي وقالت وش تبغين شاهي قلت ما ابغى شي وجابتلي شاهي قالت انا مصلحته بنفسي طبعا ماكان لي نفس بس كان ودي اني شربت شوي مجاملة لها لأنها قمة في الذوق,
بعدين ودوني للغرفة بعد تقريبا ساعة وكان زوجي وعيالي نايمين هناك واشكالهم مساكين مرهقين, الزبدة الان خخخخخخخخخخخخ بعد كل هالبربرة معاليش صكيت روسكم بس ودي اعطي تجربتي لك حامل , نرجع للزبدة المستشفى جدا رائع وقت الولادة وتعاملهم اكثر من رائع وبرضو ميزته انهم يدخلون غرفة الولادة علاطول مافيه كشف بعدين تروحين لغرفة ثانية أنا كنت مجربة الألماني بولدي الأول كان معقول وفي ولدي الثاني جربت المواساة وكان مأساة مب مواساة جدا سيء وخياطتهم سيء وتعاملهم أكثر من سيء , والدكتورة فاطمة جدا رائعة ويدها خفيفة ماشاء الله وشاطرة وذوق لاحظو يوم كانت تتاسف وتقول بألمك شوي , بس في ملاحظة صغيرة على المستشفى هي انهم ما يجون ينظفون الا اذا طلبتي منهم بس من ناحية الممرضات مره رائعات , ولو بحمل ثانية ان شاء الله اني ماراح اولد الا بالمملكة وماراح اختار الا الدكتورة فاطمة الا اذا تغيرت الظروف , طبعا الولادة والتساهيل من ربي والألم لازم بنحس فيه بس التعامل يأثر في نفسيتك وقت الولادة وهذا مهم , وملاحظة أخيرة وما أدري هي صحيحة اولا هي انو طلوق البنت تجي الام شديدة أسفل البطن مو بالظهر ,
طبعا كيف تراجعين عند الدكتورة فاطمة ؟ لازم تروحين لمركز افنيو وهو قبال الهزازي والزيارة الوحدة ب260 ريال بعدين اذا دخلتي التاسع تعطيكي ملفك بس لازم تدفين كامل المبلغ وهو 8000 الاف ريال عشان يستدعون الدكتورة ولا عاد تدفعين للمستشفى شيء , وشكرا لكم وآسفة على الاطالة كتبتلكم قصة حياتي :39: والله يهون على كل حامل .