لكل وحدة تكره شعرها

لكل وحدة بتكره شعرها





السلام عليكم ورحمة الله وبركاته
اولا صلو على النبي
ثانيا قولو لا اله الا الله
وكبرو وهللو وقولو سبحان الله وبحمده وسبحان الله العظيم


انا كنت اكتر وحدة بكره شعري بس الحمد لله الله انعم علي بخلطة حنا وهلا انا بموت بشعري


الخلطة هي:
بصلتين وسط بتقسمي كل وحدة الى ارباع
4 ثوم وبتقسميهم
ملعقتين صغار حلبة
ملعقتين صغار بابونج
ملعقة كركاديه
ملعقة شاي
قشرة موزة
ملعقتين صغار ميرمية
ربع ضمة بقدونس
نعنع اخضر

كل المقادير الموجودة بتحطيها على النار ومع لترين ماء ونص 0وبتخليها على النار حتى تغلى وتصير الكمية لتر ونص
خدي الكمية اللي بتكفي لشعرك واخلطيها مع الحنا وباقي الماء حطيه بالتلاجة للاسبوع القادم
وحطي مع الحنة 3 ملاعق كبار زيت زيتون و 3 ملاعق كبار زيت ذرة وحطي ملعقتين صغار خميرة واخلطي الحنة مزبوط ولفيها بكيس وخليها لليوم التاني
في اليوم التاني حطي عليها بيضة و2 ملعقة لبن (زبادي) وعصير نصف ليمونة
وحطيها على شعرك 4 ساعات
وبعدين اتحممي بس بالماء ونضفي شعرك من الحناء مزبوووووووط بدون ما تستعملي شامبو بس ماء وبس


بس تطلعي من الحمام رح تلاقي ملمس شعرك اشي فوق الخيال ناعم كتييييييييير وملمسو حلو كتييييييييييييييييييييير

باليوم التاني حطي على شعرك زيت زيتون وزيت خروع وزيت ذرة واي نوع زيت موجود عندك يعني اعملي خلطة زيوت
وحطيها على جدلة راسك وبعدين الاطراف وافركي لمدة 10 دقايق وخليه على شعرك ساعتين او اكثر واتحممي بالشامبو


كرري الحناء كل اسبوع ومن اول مرة رح تشوفي الفرق وما رح تصدقي زي اكنها سحر



والله انا شعري جاااااااااااااااااااف ومقصف ومقطع وحالته متل العمى بس هلا تحسن لدرجة مو طبيعية وانا صارلي بستخدم خلطة الحناء هاي بس 3 اسابيع وصار شعري بجنن كيف لو استعملها اكتر

انا رح استمر على هادي الخلطة وبنصح كل وحدة شعرها خربان تستعملها
وبحكيلكم عن نتائج شعري اول بأول


على فكرة انا مرة كتبت موضوع بالمنتدى اسممه ساعدو شعري من كتر ما كان شعري سيئ
والله كنت ما اروح اي مناسبة ولا احب اطلع من البيت وبس يجي عندنا ناس اتخبى بالغرفة عشان ما حدا يشوف شعري وكنت اعيط كتيييييييير لانو شعري كان تالف لابع الحدود وهلا الله جبر بخاطري وتحسن شعري ماشاء الله والحمد لله الك يارب عقبال شعوركم يا بننات


بس نفسي كل وحدة بالمنتدى تجرب هادي الخلطة وتشوووووووووووووووووووف كيف شعرها من اول مرة رح يصير



ويابنات بالنسبة للمقادير اللي بدنا نغليهم ازا نقص اي مقدار او ما قدرتي توفريه بالبيت مو مشكلة اعملي الخلطة وكملي بس الافضل تحطي كل المقادير


ويارب تدعولي واكون أفدتكم
باي