السلام عليكم خواتي
بينما كنت اتصفح احد المنتديات شدني هذا الموضوع فاحببت ان انقله لكن للافاده و الاستفاده
الموضوع للاخت عيون بوظبي جزاها الله الف خير
موضوعي هذا دعوة للجميع لكل وحدة زعلانه من زوجها او ماخذه على خاطرها منه .. يعني حملة لرضى الزوج وذكر محاسنه
طبعاً نحن الحريم مجرد عصبيه او قهر على طول نشوف الجانب السلبي من الزوج ونزيد النار حطب ونزعل زود ..
لكن في ساعة هدوء .. فكري في هالزوج من الناحية الايجابية ..
مواقف مرت عليج من :
همساته وضحكاته وياج..
كلام الحب والعشق ..
الاهتمام والاحترام ..
بتشوفين نفسج ابتسمتي بدون احساس .. لأنه في الاساس يتملك قلبج ..
تذكري كم تحمل منج اغلاط .. وزلات لسان ..
ياما عصبنا وزعلنا وولعنا الدنيا في وجوههم .. وهم بكل حب وصبر قابلوا عصبيتنا وامتصوا غضبنا ..
ياترى كم مرة انصاع لرغباتج في وقت عصبيتج لأنه يحبج
كم مرة مازحج وغير مزاجج بعد عصبيه وتعب من الاولاد؟
داعبج بحنان كأنج طفل من اطفاله..
كم مرة طلبتي طلب وحاول يلبيه لج مع انه فوق استطاعته..
كم مرة حاول يعيشج اميرة بيتج .. وحسسج انج سيدة النساء كلهم .. واميرتهم .. واحلاهم
كم مرة رفع معنوياتج بعد كشخة لعرس او حفله ومسك راسج وقرا عليج من خوفه لا يحسدونج رغم انه فيه الاحلى ..؟
كم وكم وكم .. صدقوني رغم عتابنا عليهم وزعلنا وقهرنا .. ترا هالشخص الي تملكينه ما يتعوض في الدنيا كلها .. ومهما حسيتي بنقص معاه .. مابتحسين براحه مع غيره ..
لأنه هو الي فهمج والي احتواج والي انتي فهمتيه واحتويته.. ومشاكلنا الي نمر فيها كل يوم تراها بالنسبة لغيرنا توافه ..فاحمدوا الله واشكروه على نعمة الزوج الصالح.. وتذكري انه كل لحظه اتطوف من حياتكم مستحيل ترجع والعمر يجري والاعمار ما يعرفها اللا رب العالمين .. فلا نضيع اوقاتنا الحلوة بمشاكل تافهه
كم يسوى انج تحاولين تكتمين غضبج وقهرج وترسمين ابتسامه على وجهه وتدخلين السرور في قلبه ..
ترا ازواجنا هم من اهم اسباب دخولنا الجنه ورضى الرحمن عنا ..
م ن ق و ل </B></I>
بصل اخضر @bsl_akhdr
محررة فضية
يلزم عليك تسجيل الدخول أولًا لكتابة تعليق.
مشكورة قلبي وكلامك عين العقل
بس نفترض انو هو الي غلط علي ومية في المية الحق عليه نروح نراضيه !!!!!!!!
بس نفترض انو هو الي غلط علي ومية في المية الحق عليه نروح نراضيه !!!!!!!!
يعطيك الف عافيه على هالموضوع الجميل فعلا اننا بحاجه لمثل هالكلمات لتمتص غضبنا جزاك الله الف خيريعطيك الف عافيه على هالموضوع الجميل فعلا اننا بحاجه لمثل هالكلمات لتمتص غضبنا جزاك الله...
الصفحة الأخيرة
فعلا اننا بحاجه لمثل هالكلمات لتمتص غضبنا
جزاك الله الف خير